Ինչ կարող է ասել քնելու դիրքը Ձեր անհատականության մասին

Blognews.am-ը գրում է.

1. Եթե չեք կարողանում քնել առանց ոտքերը ծալելու, ապա Դուք հանգիստ և հուսալի մարդ եք։ Ձեզ վիրավորելը հեշտ չէ և Դուք չեք վախենում ապագայից։ Ժպտում եք անգամ ձմռան ամենացուրտ օրվա առավոտյան և առանց խնդիրների հարմարվում եք կյանքի բոլոր փոփոխություններին։

2. Եթե քնելիս կծկվում եք, ապա առօրյա կյանքում հաճախ պաշտպանության կարիք եք զգում և ցանկանում եք գտնել այնպիսի մեկին, ով կհասկանա Ձեզ։ Հետևյալ կերպ կծկվելով Դուք փորձում եք կտրվել արտաքին աշխարհի խնդիրներից։ Ձեր ողջ տաղանդը կարողանում եք ի ցույց դնել նկարելով, պարելով կամ բլոգեր գրելով։

3. Եթե քնում եք փորի վրա պառկած՝ ձեռքերը և ոտքերը դուրս պարզած, ապա Դուք իրական առաջնորդ եք։ Մոտիվացնող եք և նախաձեռնող, միշտ հետևում եք, որպեսզի մասնագիտական կյանքը չխանգարի անձնականին և ընդհակառակը։ Նախընտրում եք ամեն ինչ նախապես պլանավորել, քանի որ չեք սիրում անակնկալներ։ Պատասխանատվության մեծ զգացումը միշտ օգնում է Ձեզ հասնել նպատակներին։

4. Մեջքի վրա պառկած քնելը խոսում է այն մասին, որ Դուք լավատես եք, սիրում եք կյանքը, միշտ ցանկանում եք լինել ուշադրության կենտրոնում և գնահատում եք թիմային աշխատանքը։ Համառ եք, հետևողական և նախընտրում եք ամեն դեպքում ճիշտն ասել։ Այն մարդիկ, ովքեր քնում են այս դիրքով, ուժեղ անհատականություններ ունեն։

5. Եթե քնում եք ուշադիր զինվորի դիրքով՝ մեջքի վրա պառկած և ձեռքերը կողքերում, ապա ամենայն հավանականությամբ Դուք այնպիսի մարդ եք, ով հստակ գիտի, թե որոնք են իր նպատակները կյանքում և ձգտում է հասնել դրանց միայնակ։ Դուք կարող եք լինել խիստ, պահանջկոտ և մանրախնդիր, բայց առաջին հերթին միշտ ինքներդ Ձեզանից եք լավագույնը պահանջում։

6. Եթե քնում եք մեկ ոտքը վեր ծալած, ապա Դուք չափազանց անկանխատեսելի անձնավորություն եք, որը պատրաստ է ամեն տեսակ արկածների։ Ձեր տրամադրությունը կարող է այնքան հաճախակի փոփոխվել, որ տարօրինակ թվա շրջապատող մարդկանց։ Երբեմն դժվարանում եք վճռական լինել և հստակ որոշում կայացնել։ Ընդհանուր առմամբ և՛ մասնագիտական, և՛ անձնական կյանքում նախընտրում եք կայունությունը, հանգստությունն ու ամբողջականությունը։