«Էրդողանը Հալեպը կքանդե, աչքը Հալեպի վրա է». սիրիահայ տիկին Մարի

Սիրիահայ տիկին Մարին, որ Մեծ եղեռնից վերապրած հայի ժառանգ է, 10 ամիս առաջ՝ 96 տարեկանում, Հալեպից ներգաղթել է Հայաստան: Պատմում է, որ հայերը շատ հարգված էին Սիրիայում և լիակատար ազատություն էին վայելում, բայց թուրքերի ավերածությունների հետևանքով բազմաթիվ հայերի պես ինքն էլ լքեց հարազատ դարձած երկիրը:

«Մենք սուրիացիներեն շատ ուրախ էինք, շատ գոհ էինք, դպրոցնիս, ամեն բան ազատություն, հետո եկեղեցիները՝ ազատ, կաշկանդում չկար մեզի համար սուրիացիներե: Շատ կհարգեին մեզի, եթե մեկը խոսելու ըլլար, արաբերենով կըսեին, որ հայու կրթությունը ունի ասիկա: Նշանավոր էին հայերը հոն, շատ հարգի էինք մնում, շատ: Շատ հանգիստ էինք, աս կրակներեն փախանք: Անընդհատ գլուխնիս կրակ կտեղար, հանկարծ գիշերը: Կքանդեն, Սուրիան կքանդեն: Ամեն ինչ ձգեցինք, փախանք: Թուրքերը շատ կավիրեն: Էրդողանը մինչև հիմա Հալեպը կքանդե, աչքը Հալեպի վրա է»,- ասում է նա:

96-ամյա սիրիահայ կնոջ միակ ցանկությունը Հայաստանի քաղաքացի դառնալն է: «Խնդրանքս սեփականանալ, տերանալ, երևանցի ըլլալ: Թեև շատ չպիտի ապրիմ, վստահ եմ, որքան կրնամ ապրիլ՝ մեկ ամիս, մեկ տարի, միայն հայաստանցի ըլլամ»,- ասում է տիկին Մարին:

Ադրինե Թորոսյան