ՊԱՏՄՈՒԹՅԱՆ ԱՅՍ ՕՐԸ (10 ՓԵՏՐՎԱՐԻ)․ Առաջին անգամ իրար են բախվելԵրկրի երկու արհեստական արբանյակներ. «Փաստ»

«Փաստ» օրաթերթը գրում է.

ՏՈՆԵՐ ԵՎ ՀԻՇԱՐԺԱՆ ՕՐԵՐ
Հատիկաընդավոր բույսերի համաշխարհային օր, Էրիթրեա՝ Ֆենկելի օր, Ռուսաստան՝ Ալեքսանդր Պուշկինի հիշատակի օր:

ՀԱՅ-ՀԱՅԱՍՏԱՆ

1878 – Ռուս-թուրքական 11-րդ պատերազմի (1877-1878) կովկասյան ճակատում ռուսական զորքերը գրավել են Էրզրումը, որը սակայն հետագայում ստիպված են եղել վերադարձնել:

1917 – ծնվել է հայ խորհրդային գրականագետ Սարիբեկ Մանուկյանը:

1935 – ծնվել է գրող, հասարակական և քաղաքական գործիչ, սպորտային բժիշկ, լրագրող Զորի Բալայանը:

1950 – վախճանվել է երգահան Արմեն Տիգրանյանը:

1961 – ծնվել է թատերական գործիչ, դերասան, ռեժիսոր, հաղորդավար, պրոդյուսեր Արթուր Էլբակյանը:

1986 – վախճանվել է արձակագիր, լրագրող, ԽՍՀՄ գրողների միության անդամ Մկրտիչ Ասլանյանը:

1995 – Ալմա Աթայում ԱՊՀ 10 երկրներ կնքել են միասնական ՀՕՊ համակարգ ստեղծելու համաձայնագիր:

2003 – Գերմանիայից Հայաստան են բերվել ԵԱՀԿ Հայաստանյան գրասենյակի աջակցությամբ ձեռք բերված 2000 թափանցիկ քվեատուփերը:

2011 – Միջազգային կինոլոգիական միությունը Հայկական գամփռ շնատեսակին շնորհել է Հայաստանի ազգային ցեղատեսակի կարգավիճակ:

2017 – ԲՀԿ-ի համագումարում Գագիկ Ծառուկյանն ընտրվել է ԲՀԿ նախագահ և գլխավորել է «Ծառուկյան» դաշինքի նախընտրական ցուցակը:

2020 – Նիկոլ Փաշինյանի կողմից որոշում է կայացվել Սահմանադրության փոփոխության հանրաքվե անցկացնել ապրիլի 5-ին։

---

ԱՇԽԱՐՀ

1258 – մոնղոլների մերձավորարևելյան արշավանքի ժամանակ Խուլագա խանի բանակը Բաղդադի պաշարումից հետո գրավել է այն, թալանել և վառել, որով ավարտվել է իսլամական «Ոսկե դարը»:

1354 – տեղի է ունեցել Սխոլաստիկայի օրվա մեծ կռիվը Օքսֆորդի համալսարանի ուսանողների և տեղի բնակիչների միջև, զոհվել է 30 բնակիչ և 63 ուսանող:

1755 – վախճանվել է ֆրանսիացի նշանավոր գրող, իրավագետ և փիլիսոփա Շառլ Լուի Մոնտեսքիոն:

1763 – Փարիզում խաղաղության պայմանագիր է կնքվել Մեծ Բրիտանիայի, Պորտուգալիայի, Ֆրանսիայի և Իսպանիայի միջև, որով ավարտվել է Յոթամյա պատերազմը:

1772 – Ֆրանց Իոսիֆ 1-ին ֆոն Լիխտենշտեյնը դարձել է Լիխտենշտեյնի դուքս:

1784 – Եկատերինա 2-րդի հրամանագրով Ղրիմ նավահանգիստ-ամրոցը վերանվանվել է Սևաստապոլ:

1837 – վախճանվել է ռուս գրող և բանաստեղծ Ալեքսանդր Պուշկինը:

1846 – Բրիտանա-սինկխյան առաջին պատերազմի ժամանակ բրիտանացիները գրոհել են Սոբրաոնը, սինկխական բանակը հայտնվել է ծուղակում և պարտվել:

1890 – ծնվել է ռուս գրող Բորիս Պաստեռնակը:

1891 – վախճանվել է ռուս մաթեմատիկոս Սոֆյա Կովալևսկայան:

1923 – վախճանվել է գերմանացի ֆիզիկոս Վիլհելմ Ռենտգենը:

1828 – կնքվել է Թուրքմենչայի հաշտության պայմանագիրը, որով ավարտվել է Ռուս-պարսկական պատերազմը:

1939 – Իսպանիայի քաղաքացիական պատերազմի ընթացքում գեներալ Ֆրանկոն գրավել է Կատալոնիան:

1942 – ստեղծվել է պատմության մեջ առաջին «Ոսկե սկավառակը»՝ RCA Victor ընկերության կողմից:

1945 – խորհրդային «С-13» սուզանավը խորտակել է գերմանական «Գեներալ Շտոյբեն» նավը:

1962 – ամերիկացի օդաչու Ֆրենսիս Գերի Պաուերսը փոխանակվել է խորհրդային հետախույզ Ռուդոլֆ Աբելի հետ:

1986 – Պալերմոյում սկսվել է սիցիլիական մաֆիայի դեմ «Մաքսի գործը»:

1997 – Դիփ Բլու համակարգիչը հաղթել է Գարրի Կասպարովին:

2005 – վախճանվել է ամերիկացի գրող Արթուր Միլլերը:

2005 – Հյուսիսային Կորեան հայտարարել է միջուկային զենք ունենալու մասին:

2006 – Թուրինում բացվել են Ձմեռային օլիմպիական 20-րդ խաղերը:

2009 – տիեզերքում առաջին անգամ բախվել են երկու արհեստական արբանյակներ:

Մանրամասները՝ «Փաստ» օրաթերթի այսօրվա համարում