Ահա այսպիսի գեղեցիկ «Տորթ Պայուսակ», որը ոչ միայն գեղեցիկ է, այլև համեղ

ԼԱՅՖ 13 Հունիս, 2016 21:16

Բաղադրիչներ

Բիսկվիթի համար`
ալյուր - 110 գր
փխրեցուցիչ - 1 թ/գդ
աղ - 1/4 թ/գդ
կաթ - 3 ճ/գդ
կարագ - 2 ճ/գդ
վանիլին - 1 թ/գդ
ձու - 5 հատ
շաքարավազ - 10 ճ/գդ
Կրեմի համար`
խտացրած կաթ - 200 գր
կարագ - 200 գր
Կրեմ ծաղիկների համար`
շաքարի փոշի - 350 գր
կարագ - 250 գր
կաթ - 6 թ/գդ
վանիլին - 1 թ/գդ

Պատրաստման եղանակ

Չափաբաժինները` 8: Պատրաստում ենք նրբագույն բիսկվիթը։
Ջեռոցը մինչև 175 աստիճան տաքացնում ենք։ Մեծ տապակի մեջ յուղաթուղթ ենք դնում և կարագով պատում։ Ալյուրը, փխրեցուցիչն ու աղը ոչ մեծ ամանում խառնում ենք։ Մի կողմ ենք դնում։ Կաթն ու կարագը միկրոալիքային վառարանում տաքացնում ենք։ Ավելացնում ենք վանիլինը, կափարիչով ծածկում ենք և մի կողմ դնում։ Ձվի սպիտակուցները հարիչով հարում ենք մինչև պինդ փրփուր ստանանք` աստիճանաբար ավելացնելով 5 ճ/գդ շաքարավազը։ Առայժմ հանգիստ ենք թողնում։ Ձվի դեղնուցները 5 ճ/գդ շաքարավազի հետ առանձին ամանի մեջ հարում ենք այնքան` մինչև բաց դեղնավուն գույն ստանանք։ Ձվի դեղնուցներն ու սպիտակուցները միացնում ենք իրար և սիլիկոնե թիակով զգուշորեն խառնում ենք։
Ալյուրով զանգվածը լցնում ենք ձվով զանգվածի մեջ և թիակով զգուշորեն խառնում ենք։ Խմորի մեջ ենք լցնում տաք կաթն ու կարագը։ Զգուշորեն խառնում ենք։ Խմորը լցնում ենք տապակի մեջ և 15-20 րոպեով տեղափոխում ենք ջեռոցի մեջ։ Պատրաստի բիսկվիթը պետք է ոսկեգույն լինի։ Բիսկվիթը ջեռոցից հանում ենք և յուղաթղթից ազատում, այնուհետև դնում ենք ցանցի վրա և սառեցնում։
Քանի դեռ բիսկվիթը սառչում է, պատրաստում ենք կրեմը։ Կարագը այնքան ենք հարում մինչև սպիտակի, այնուհետև բարակ շիթով ավելացնում ենք խտացրած կաթը և հարում ենք մինչև կրեմանման զանգված ստանանք։ Այժմ պատրաստում ենք ծաղիկների կրեմը։ Ծաղիկների կրեմի համար նախատեսված բոլոր բաղադրիչները լցնում ենք բլենդերի մեջ և նվազագույն արագության վրա հարում ենք մինչև միասեռ զանգված ստանանք, որից հետո ևս 5-10 րոպե միջին կամ ուժեղ արագության վրա հարում ենք` մինչև կրեմը գրեթե սպիտակ դառնա, իսկ կազմությունը` սերուցքային։
Թղթից տրաֆարետ ենք կտրում` ինչպես նկարում է պատկերված։ Այնուհետև թղթի չափով 3 հատ շերտ ենք կտրում։ Կրեմով ներծծում ենք և 30 րոպեով տեղափոխում սառնարանը։
Սառած հիմքը սառնարանից հանում ենք, կողքերն ու վերևամասը մի քիչ կտրում ` պայուսակի տեսք տալով։
Տեսողական ծաղիկների տեղը որոշում ենք (կարող ենք տեղերը նշել)։ Կրեմը լցնում ենք վարդի գլխիկով հրուշակեղենային պարկի մեջ և սեղմելով վարդեր ենք ձևավորում։
Այժմ նախապատրաստում ենք մաստիկան. մաստիկան կամարաձև բարակ շերտով կտրում ենք։ Մաստիկայից 2 հատ գնդիկ ենք սարքում և գելային գունանյութով ցանկացած գույնով ներկում։
Մաստիկան դնում ենք տորթի մեջտեղի մասով և գնդիկները ամրացնում վրան։