Ինչպես ունենալ հարթ որովայն ընդամենը 5 օրում․ արդյունքները երաշխավորվում են

ԼԱՅՖ 9 Հունիս, 2016 7:17

Բրիտանացի ֆիթնեսի փորձառու մարզիչներ Ամանդա Արսելն ու Նիկկի Վատերմենը մշակել են կատարյալ ծրագիր, թե ինչպես կարելի է ընդամենը 5 օրում ձեռք բերել հարթ որովայն։ Ծրագրի հիմքում ընկած են մի քանի առօրյա խորհուրդներ, որոնց հետևելու դեպքում արդյունքները երաշխավորված են։

Եթե Ձեզ զգում եք ծանր ու փքված և անհանգստանում եք, թե ինչպես է հագուստը երևում Ձեզ վրա, ապա լավագույն ժամանակն է նվիրվել և հետևել այս առողջ սովորություններին։

1․ Մարմնի դիրքն ու ծամելը

Ճաշելու ժամանակ կարևոր է նստել ուղիղ և ուտել դանդաղ՝ հնարավորինս երկար ծամելով։ Որքան երկար եք ծամում, այնքան քիչ եք ուտում։

2․Խուսափեք հյութերից և խմիչքներից

Քաղցր մրգային հյութերը պարունակում են շատ կալորիաներ և հանգեցնում են ստամոսքի փքվածության։ Սովորեք ծարավը հագեցնել միայն ջրով։

3․Տեղյա՞կ եղեք կայուն օսլայի մասին

Որպես կանոն օսլան հեշտ է մարսվում, սակայն կա այնպիսի օսլա, որը դիմացկուն է և չի կլանվում և առանց մարսվելու հայտնվում է աղիքներում՝ առաջացնելով փքվածություն աղիքներում։ Այս օսլան հայտնաբերվել է լոբազգիներում, բրնձում, կարտոֆիլում և սնկերում։

4․Խուսափեք փորափքանք առաջացնող բանջարեղենից

Լոբազգիները, կաղամբը, սոխն այն մթերքներից են, որոնք առաջացնում են փքվածություն ստամոքսում։ Այն օրերին, երբ ցանկանում եք գեղեցիկ տեսք ունենալ, հատկապես ինչ-որ միջոցառումից առաջ, խուսափեք այս մթերքներից։

5․Խմեք պրոբիոտիկներ

Մածունի մեջ առկա օգտակար բակտերիաներն օգնում են մարսողությանը և նվազեցնում են աղիքներում հավաքված օդը։ Ապացուցված է, որ պրոբիոտիկները նվազեցնում են ստամոսքի փքվածությունը։

6․Նվազեցրեք աղը

Փորձագետները պնդում են, որ աղի սահմանափակումը կարող է նշանակալիորեն նվազեցնել փքվածությունը, քանի որ աղը կապվում է ջրի հետ և առաջացնում փքվածություն։