Օրվա բաղադրատոմսը. Շոկոլադե աղանդեր

Բաղադրիչներ

կարագ – 450գր
շոկոլադ սև – 900գր
ձու – 8 հատ

Պատրաստման եղանակ

• Լավ սառեցված ձուն հարում ենք մինչև փրփրի և ավելացնի ծավալը 2-3 անգամ:
• 
  
• Առանձին հալեցնում ենք կարագը շոկոլադի հետ (կարելի է դա անել միկրոալիքային վառարանում կամ գոլորշու վրա), ապա ավելացնում ենք հարված ձուն մաս առ մաս և խառնում:
  
• Ստացված զանգվածը լցնում ենք ձևամանի մեջ, որը նախապես պատում ենք ֆոլգայի կրկնակի շերտով: Այնուհետև վերցնում ենք խորը աման, լցնում այն տաք ջրով և տեղադրում դրա մեջ ձևամանը այնպես, որ ջրի մակարդակը լինի ձևամանի կեսից: Այդ վիճակով տեղափոխում ենք ջեռոց և եփում 15-20 րոպե 160 աստիճանում:
  
• Եթե աղանդերի միջուկը թաց մնա, մի անհանգստացեք, սառչելուց հետո այն կպնդանա: Հաշվի առեք նաև այն հանգամանքը, որ աղանդերը շատ քիչ քաղցր է ստացվում, ուստի ըստ ցանկության կարող ենք ավելացնել շաքարավազ ձուն հարելու ընթացքում:
  

Առանց ալյուրի պատրաստվող շոկոլադե աղանդեր:

Շեֆ Խոհարար