Քադիրովը դեմ Է դպրոցներում ավարտական երեկույթներ անցկացնելուն
ՄԻՋԱԶԳԱՅԻՆՉեչնիայի ղեկավար Ռամզան Քադիրովն այն կարծիքին Է, որ ավարտական երեկույթները չպետք Է անցկացվեն դպրոցներում: Այդ մասին նա հայտարարել Է հանրապետության կրթության եւ գիտության նախարար Իսմայիլ Բայխանովի հետ կայացած հանդիպմանը, տեղեկացնում Է Չեչնիայի կառավարության կայքը:
«Անցած տարիներին ծնողներն ինձ հաճախ Էին դիմում ավարտական երեկոյի համար ամեն տեսակ դրամահավաքների մասին բողոքներով: Ավարտական երեկույթները միշտ եղել են ու կլինեն: Բայց միայն մեկ ուղղում՝ դրանք պետք Է անցկացվեն դպրոցների պատերից դուրս»,-ասել Է Քադիրովը:
Նրա խոսքով՝ այսուհետեւ այդ հարցը կամավորության հիմունքներով կլուծեն ծնողական կոմիտեներն ու շրջանավարտները:
«Ծնողներն իրենց հայեցողությամբ կարող են ավարտական երեկույթները կազմակերպել տարբեր սրճարաններում ու ռեստորաններում: Դպրոցական ուսումնառությունն ավարտելը նշել ցանկացողների համար նման վայրերի պակաս հանրապետությունում չկա»,-նշել Է Քադիրովը:
«Այսպիսով, դպրոցներում բացառվում են դրամահավաքները: Եվս մեկ անգամ կրկնում եմ՝ ավարտական երեկույթներ անցկացվելու են, բայց միայն դպրոցների պատերից դուրս»,-ընդգծել Է հանրապետության ղեկավարը:
1
Սյունիքում կինը դիմել է ոստիկաններին և հայտնել, որ գողացել են իր 6 անչափահաս երեխաներին
2
Ովքե՞ր են ԱՄՆ–ից արտաքսված հայերը
3
Փոփոխություններ ID քարտերի հետ կապված
4
Կինը մահացել է Եգիպտոսում հինգաստղանի հյուրանոցում ճաշելուց հետո
5
Մարիամ Փաշինյանի աշխատավարձը մեկ տարի անց աճել է 4.2 միլիոն դրամով



