Սիրիացի քրդերի ներկայացուցիչները կմասնակցեն Մոսկվայում Լավրովի հետ հանդիպմանը

Սիրիացի քրդերի «Ժողովրդավարական միության կուսակցության» (ԺՄԿ) ներկայացուցիչները կմասնակցեն Ռուսաստանի ԱԳ նախարար Սերգեյ Լավրովի հետ սիրիական ընդդիմության հանդիպմանը: Այդ մասին, ինչպես տեղեկացնում Է «Արմենպրես»-ը, ՌԻԱ Նովոստիին հայտնել Է Մոսկվայում ԺՄԿ-ի ներկայացուցիչ Աբդ Սալամ Ալին: 

Սիրիական ընդդիմության հետ Լավրովի հանդիպումը տեղի կունենա հունվարի 27-ին Մոսկվայում: 

«Ֆրանսիայից ժամանում Է մեր ներկայացուցիչը: Հնարավոր Է՝ ես նույնպես կլինեմ»,-հայտնել Է Աբդ Սալամ Ալին: 

Նրա խոսքով՝ հանդիպմանը նաեւ հրավիրված Էին ԺՄԿ-ի ղեկավարները բուն Սիրիական Քրդստանից, բայց նրանք չեն հասցնի գալ, քանի որ նրանց հարկ կլինի տեղ հասնել Իրաքի տարածքով:    

«Մենք կցանկանայիք քննարկել Աստանայում կայացած միջսիրիական բանակցությունների արդյունքները եւ ԺՄԿ-ի ներկայացուցիչների մասնակցությունը Ժնեւի բանակցություններին»,-հավելել Է ԺՄԿ-ի ներկայացուցիչը: 

«Ժողովրդավարական միության կուսակցությունը» ամենախոշոր եւ ազդեցիկ կուսակցությունն Է Սիրիական Քրդստանում, որն անցյալ տարվա մարտին միակողմանի կարգով իրեն հայտարարեց «դաշնային տարածաշրջան»: 

Ժնեւի բանակցություններին ԺՄԿ-ի մասնակցության դեմ ավանդաբար առարկում Է Թուրքիան, քանի որ համարվում Է, որ կուսակցությունը կապված Է Թուրքիայում արգելված Քրդական աշխատավորական կուսակցությանի հետ:-0-/56/ 13.44