Ереван, 11.Июль.2025,
00
:
00
1 $ = 0 ֏, 1 = 0 ֏, 1 = 0 ֏
ВАЖНО


Արտավազդ Բայաթյանը «Արձագանք» ռադիոկայանի վաճառքի, Եղիշե Պետրոսյանի հետ խաթարված հարաբերությունների և առաջիկա ծրագրերի մասին

ФОТО

 Ամռան առաջին կիրակի օրը երգահան Արտավազդ Բայաթյանը իր հանդիսատեսին «արև» նվիրեց.... «Արևոտ կիրակի». այսպես էր կոչվում նրա մենահամերգային ծրագիրը, որը կայացավ Կամերային երաժշտության տան բեմում:

Past.am-ը համերգից առաջ հարցազրույց ունեցավ երգահանի հետ: Ի դեպ, զրուցեցինք ոչ միայն մենահամերգի, այլև «Արձագանք» ռադիոկայանի վաճառքի, Եղիշե Պետրոսյանի հետ խաթարված հարաբերությունների և առաջիկա ծրագրերի մասին:

-Պարոն Բայաթյան, վաղո՞ւց մենահամերգով չէիք ներկայացել հանդիսատեսին: Եթե չեմ սխալվում, որպես Արտավազդ Բայաթյան, առաջին անգամ եք մենահամերգով հանդես գալիս, նախկինում ներկայանում էիք Եղիշե Պետրոսյանի և «Արձագանք» խմբի հետ:

- Այո, թեև նախկինում էլ մեծամասամբ իմ երգերն են հնչել, բայց սա մի քիչ այլ համերգ է: Նախորդ տարի համերգ ունեցել ենք, պարզապես այս տարվա մեջ առաջին մենահամերգն է, և ամենակարևորը՝ անհատապես եմ ներկայանում: Ինձ հետ բեմում է լինելու նվագախումբ՝ բաղկացած չորս երաժիշտներից:

-Ի՞նչ երգացանկով եք ներկայանալու:

-Երգացանկը բավականին ընդգրկուն է լինելու, կներկայացնեմ տարբեր ոճերի 21 երգեր: Այսօր հիմնական շեշտադրությունը բառն է, խոսքը, որը պետք է ավելի արտահայտիչ լինի: Այդ իսկ պատճառով ավելի մեղմ երաժշտություն կհնչի, որպեսզի բառն առավել լսելի լինի:

Հեղինակային երգին շատ մոտ է լինելու: Հնչելու են միայն իմ ստեղծագործությունները: Շատ երգեր ունեմ գրած, որոնք մինչ այս, համերգներին անիմաստ էր կատարել, քանի որ այդ համերգները հիմնականում պահանջում էին այլ մոտեցում, երաժշտություն: Այժմ որոշել եմ իմ ստեղծագործություններն ինքս էլ երգել ու ներկայացնել:

-Նոր երգեր կհնչե՞ն:

-Անպայման, երգացանկի կեսը նոր երգեր են, որոնք երբեք չեն հնչել, կներկայացվեն մի փոքր այլ երանգներով:

- Հունիսի 7-ը խորհրդանշակա՞ն օր է Ձեզ համնար, թե՞ օրը հենց այնպես եք ընտրել:

-Այն հետաքրքիր պատմություն ունի. ես մտադիր չէի հունիս ամսին համերգ ունենալ, բայց մտմտում էի համերգային ծրագրի շուրջ: Կինս՝ Գայանեն, մի օր ուշ գիշերին ինձ ասաց. «Դու համերգ պետք է տաս հունիսի առաջին կիրակի օրը»: Այնուհետև նայեց օրացույցին և ասաց՝ ամսի 7-ին: Համերգի «Արևոտ կիրակի» խորագիրն էլ ինքն է ընտրել, որին ես սիրով համաձայնեցի (ծիծաղում է): Իմ երգերից մեկի անունն է:

-Կարևոր հարցերում պե՞տք է լսել կանանց:

-Այո, ես համարում եմ, որ կանանց պետք է շատ ուշադիր լսել, նրանց «ինտուիցիան» շատ ուժեղ է: Կանայք մի կարևոր հատկանիշ ունեն՝ տղամարդկանց կարող են ոգևորել, ոգեշնչել:

-Պարոն Բայաթյան, շատերի մոտ հարց կառաջանա, թե ինչո՞ւ եք որոշել այլևս միայնակ ներկայանալ:

-Գուցե մարդիկ որևէ պատճառ փնտրեն այս ամենի մեջ, բայց յուրահատուկ ոչինչ չկա: Ուղղակի եկել է պահ, երբ ցանկանում եմ իմ աշխատանքը ինքս ներկայացնել հանդիսատեսին: Չեմ կարծում, որ սա շատ անսպասելի մի բան է: Աշխարհի ցանկացած ստեղծագործող էլ, երբ ասելիք է կուտակում, նախընտրում է անձամբ հանդես գալ և ներկայացնել իր աշխատանքները:

-Վերջերս «Արձագանք» ռադիոկայանը վաճառվեց, ինչն, ասում են, կոնֆլիկտ առաջացրեց Ձեր և Եղիշե Պետրոսյանի հարաբերություններում: Գուցե դա՞ է պատճառը:

-Գիտեք, այստեղ թաքցնելու ոչինչ չկա: Այո, ես մտադիր եմ այսուհետ ինքս ներկայացնել իմ ստեղծագործածը, այլ տարբերակ չի կարող լինել: Ինչ վերաբերվում է «Արձագանք» ռադիոկայանին, ապա ինչ արած, դա է իրականությունը: Գեղեցիկ էտապ էր, որն ավարտվեց: Իհարկե, ինձ համար շատ դժվար էր համակերպվել նրան, որ այդ ռադիոկայանը չկա, բայց սա կյանք է, կյանքի ընթացք, որն այդպես ստացվեց: Արդեն բոլորովին ավելորդ է, թե ի՞նչն էր պատճառը, ո՞վ էր մեղավոր: Ես ինձ ներկայացնելու այս ճանապարհը գտա. եթե որևէ հարցում կձախողվեմ, ապա պատասխանատուն միայն ինքս եմ (ժպտում է):

-Ձեր զուգերգերը, որոնք բավական սիրվել էին հանդիսատեսի կողմից, հնարավո՞ր է այսուհետ դուրս մնան Ձեր երգացանկերից և «կորեն»: Օրինակ, կարող եմ նշել «Ծնունդդ շնորհավոր» երգը:

-Այդ երգի և՛ երաժշտությունը, և՛ բառերն ինքս եմ գրել: Հեղինակային իրավունքներն ամբողջովին ինձ են պատկանում, և ինքս էլ միշտ կերգեմ: Սա այն երգերից է, որ, եթե նույնիսկ ես չկատարեմ, միևնույն է, ուրիշները կատարում են: Նաև «Իմ ընկեր» երգը:

Չկա այնպիսի մի երգ, որը կատարելուց խուսափելու կարիք ունենամ: Իսկ եթե կան այնպիսի երգեր, որոնք ես չեմ գրել, չեմ անդրադառնա: Համենայնդեպս, հանգիստ սրտով կարող եմ ասել, որ այն լավ երգերը, որոնք «Արձագանք»-ն ունեցել է, կատարել է, իմ ստեղծագործություններն են եղել:

-Եթե գաղտնիք չէ, ի՞նչ պատճառով կորցրեցիք Ձեր այսքան տարիների ստեղծածը՝ «Արձագանք» ռադիոկայանը: Այսուհետ որոշել եք միայն երգարվեստո՞վ զբաղվել, թե ռադիոաշխարհում նոր բան կձեռնարկեք:

-Ռադիոն 17 տարի աշխատեց, և ես այդ տարիներին օր ու գիշեր աչքս վրան էի պահում, անընդհատ հետևում էի, ղեկավարում, փորձում անել ամեն ինչ, որ այդ ռադիոկայանը շատ գրավիչ ու հետաքրքիր լինի: Սակայն եկավ մի պահ, որ ֆինանսական շատ բարդություններ ստեղծվեցին, հնարավոր չէր ոչինչ անել: Ու, բնականաբար, ռադիոն մեր ձեռքից գնաց: Ես չգիտեմ, երբևէ ռադիոոլորտում կաշխատե՞մ, թե ոչ: Հնարավոր է և համագործակցեմ, ոչինչ չի բացառվում:

-Նույն ռադիոկայանի հե՞տ:

-Չեմ կարծում, թեև ոչինչ չի բացառվում: Եթե այնպիսի հետաքրքիր ծրագիր կլինի, որին արժե անդրադառնալ, գուցե և համագործակցեմ: Սակայն, միտված եմ ավելի շատ զբաղվել իմ ստեղծագործություններով: Առանց այդ էլ, ժամանակին նվիրվելով «Արձագանք» ռադիոյին և ստուդիային, իմ կյանքից մի 25 տարի տվեցի այն բանին, որ լավ սերունդ ունենանք և՛ ռադիոյում, և՛ ստուդիայում: Ժամանակն է, իմ կյանքից գոնե մի քանի տարի նվիրել իմ ստեղծագործություններին: Նաև գիրք եմ գրել, որը շուտով լույս կտեսնի:

-Ինչո՞ւ ռադիոկայանի փրկության լուծումը գտաք այն վաճառելու մեջ, արդյոք այլ տարբերակներ չկա՞յին:

-Այդպես ստացվեց: Գուցե շատ այս ու այն կողմ ընկնելով՝ այլ տարբերակ գտնեինք, բայց…

Գուցե սա ամենալավ լուծումը չէր, բայց, ամեն դեպքում, լուծում էր: 

-Գիտեմ, որ դուք դեմ եք եղել ռադիոկայանը վաճառելուն, վերջնական որոշումը եղել է Եղիշե Պետրոսյանինը: Արդյո՞ք Ձեր գործնական և ընկերական հարաբերությունները փոփոխություն են կրել, վնասվել են:

-Վնասվել են…

Ռուբեն Հախվերդյանն ու Արտավազդ Բայաթյանը

-Կցանկանայի նորից անդրադառնալ երաժշտական աշխարհին. դուք ժամանակին էստրադային ժանրում սերունդ եք դաստիարակել: Շա՞տ մեծ տարբերություն եք նկատում երեկվա և այսօրվա երգարվեստում:

-Փոփոխություններ կան, իհարկե: Այսօրվա սերունդն ավելի շատ հնարավորություններ ունի, խոսքս ոչ միայն երաժշտություն ձայնագրելուն ու գործիքավորելուն է վերաբերվում. թեև դա էլ կարևոր է: Չէ՞ որ հիմա ստուդիաները շատ են, գործիքավորողները՝ նույնպես:

Հեռուստատեսությունը խստություն չի ցուցաբերում: Բավական է, գումար ունենաս և կարող ես ամենուր հայտնվել: Իսկ եթե դառնաս սեղանի, խնջույքի երգիչ, քեզ ընդհանրապես վաստակավորի կոչում կտան ու բոլոր ճանապարհները քո առջև կբացեն: Ինձ երբեմն թվում է, որ ազգովի մասնակից ենք մի մեծ քեֆի: 90-ականների սերունդը, որոնց մենք ընտրում էինք ու փորձում ուղղություն ցույց տալ, տարբերվում էին: Նրանց ինքնանկարն ավելի արտահայտիչ էր, և դա էր նրանց հաջողությունը:

Այժմ շատ երգիչներ կան, որոնք միմյանցից չեն տարբերվում ոչ ձայնով, ոչ երգերով, երբեմն՝ ոչ էլ նույնիսկ արտաքինով: Բեմ դուրս եկող արտիստը պետք է «խարիզմա» ունենա, բեմը նրան պետք է սպասի: Բայց շատերը փողով են բեմ դուրս գալիս, իսկ այդ բեմը նրանց չի սպասում, հաջորդ օրն իրենց մոռանում են:

-Տևական ժամանակ 90-ականների արձագանքցիները տեսադաշտում չկային, իրենց իսկ խոսքերով՝ իրենց առջև «դռները » փակել էին…

-Իսկապես, եկավ մի շրջան, որ նրանցից ոչ մեկին ճանապարհ չէին տալիս, բայց պատճառները չգիտեմ: Միակ ռադիոն «Արձագանք» ռադիոկայանն էր, որտեղ նրանց ձայնը հնչում էր: Ես չգիտեմ, թե նրանց անտեսելն ու ամեն ինչից հեռու պահելն ինչ նպատակ էր հետապնդում և ո՞վ էր այն ձեռնարկել, բայց դա իրողություն է:

-Շնորհակալ եմ զրույցի համար: Ձեզ բարի համերգային երեկո:

-Շնորհակալ եմ, այս համերգը կարևոր է ինձ համար:

Նելլի Մարգարյան

Повестка дня «возвращения» 300 тысяч азербайджанцев и «окно Овертона»: Армения на пути к очередной уступке. «Паст»Почему сегодня находиться за решёткой в Армении — «большая честь»? «Паст»Государство снова наносит удар по бизнесу: на этот раз мишенью стали застройщики. «Паст»Защищенная экосистема благодаря высоким технологиям: FPWC и Ucom объединяют усилия Пашинян поручил усилить давление. «Паст»Какую позицию занимают политические силы в этой антицерковной кампании? «Паст»Из России выдворили главу азербайджанской диаспоры ПодмосковьяДепутат Артур Саркисян арестован на два месяцаСуд публикует решение относительно ходатайства об аресте депутата Артура СаркисянаВ Армении прошла акция протеста с требованием исключить российские телеканалы из мультиплексаРешение о мере пресечения в отношении депутата Артура Саркисяна будет оглашено через 2-3 часаСамвел Карапетян подал в суд на блогера Романа БагдасарянаДепутат парламента: Ожидаются значительные уступки Армении, и цель властей – изолировать всех, кто может им помешатьПолитолог: Захват церкви открывает прямой путь к ТурцииВ честь 80-летия Великой Победы будет выпущена книга «Азатцы – герои маленького села» Артема Минасяна«Ноа» начинает путь в Лиге чемпионов с эффектной победыПашинян в Абу-Даби встретится с АлиевымMeta удалила рекламу эскорт-услуг с Instagram, но Telegram продолжает их продвигатьКомпания «Игнайт» присоединилась к образовательной программе «Родом из Арцаха»Кто и как проявляет себя в рамках этой антицерковной кампании. «Паст» Власти Греции ввели обязательные перерывы в работе из-за жары свыше 40°CПолитическое преследование: Оппозиционный депутат осудил политику действующих властей АрменииЮрист об обысках в ЭСА: Происходит правовой террорТема запрета российских телеканалов снова актуальна: «Паст»На направлении Хознавар зафиксирована устойчивая интенсивность обстрела: Азербайджан продолжает стратегию поддержания напряжённости. «Паст»Времени мало: какие опасности возможны в ближайшем будущем? «Паст»В Капане стартовал 3-й Международный музыкальный фестиваль Kapan FestАвиакомпании потеряли 20 млрд. рублей из-за транспортного коллапса в России24News: Правоохранители готовятся снова вторгнуться в Первопрестольный ЭчмиадзинСитуация в Армении напоминает политические репрессии: Штефан ШеннахПубликация Пашиняна – это психологическая угроза в адрес Церкви: Ара ПогосянЕва Геворгян отправляется с гастролями в АвстралиюПарламент Армении разрешил начать уголовное преследование в отношении Сейрана Оганяна и Арцвика МинасянаАрхиепископ Аджапаян: Католикос не мог спонсировать то, чего не существуетМакрон и Стармер сближают Лондон и Париж, но на горизонте появляются трещиныПоявились подробности смерти уволенного сегодня главы Минтранса РоссииВ парламенте Армении проходит тайное голосование по лишению оппозиционеров неприкосновенностиВ Твери накрыли азербайджанскую ОПГПарижский ресторан Джулии Сефеджян «Baieta» получил звезду МишленГенсек НАТО предупредил о возможной Третьей мировой: Китай может напасть на Тайвань, а Россия — на страны НАТОАрмения установит квоты на ввоз сельхозпродукции из ИранаВ армянском культурном центре Зеленокумска прошло мероприятие воскресной школы «Верацнунд»Карен Хачанов вышел в четвертьфинал Уимблдона-2025Оппозиционер: Дело депутата Арцвика Минасяна следует называть политическимВ Ереване продолжается внеочередное заседание Национального СобранияНикол Пашинян разрушает все наши основы: Гаяне АсламазянАрмения отмечает День КонституцииКонституция играет ключевую роль в жизни любого государства. Абрам Овеян Послание Самвела Карапетяна: Наступает пора принципиального объединения вокруг новой силыШествие в защиту бизнесмена, мецената Самвела Карапетяна дошло до здания СНБ Армении