Օրական երկու բաժակ սուրճ խմելու դրական կողմերը

Շատ մարդիկ չեն կարող իրենց օրը պատկերացնել առանց մի քանի գավաթ սուրճի: Սակայն քչերն են տեղյակ, թե ինչ դրական ազդեցություն կարող է ունենալ սուրճի ամենօրյա օգտագործումը: Ուստի, եթե դուք մոլի սուրճ խմող եք, ապա անպայման պետք է տեղեկանաք սուրճի դրական կողմերի մասին: Եթե դուք օրական երկու բաժակ սուրճ եք խմում, ապա`

1. Դուք ձեռք եք բերում մեծ քանակությամբ հակաօքսիդանտներ

   

Սովորաբար 230 մգ սուրճը հարուստ է վիտամին B1-ով, B2-ով, B5-ով, B3-ով, ֆոլաթթվով, մանգանով և կալիումով: Ընդունված է , որ միջինում նորմալ սննդակարգով մարդը ավելի շատ հակաօքսիդանտներ ստանում է սուրճից, քան թե մրգերից և բանջարեղենից:

2. Կարգավորվում է ձեր նյութափոխանակությունը և ուղեղի աշխատանքը

   

Գաղտնիք չէ, որ սուրճը բարձրացնում է տոնուսը, և սա է հիմնական պատճառը, որ շատերը սուրճ են խմում: Իրականում կոֆեինը, արգելափակելով ադենոզին կոչվող արգելափակող նեյրոմեդիատորի գործունեությունը, նպաստում է ուղեղի արդյունավետ աշխատանքին: Սա է գլխավոր պատճառը, որ մենք մեզ թարմ ենք զգում սուրճ ըմպելուց հետո: Սակայն այս ազդեցությունը ժամանակավոր բնույթ է կրում, քանի որ ամեն օր 2-3 բաժակ խմելու դեպքում դուք ընտելանում եք դրան և ազդեցությունը թուլանում է:

3. Ձեր ուղեղը առողջ կլինի նույնիսկ ծերության ժամանակ

   

Ալցհայմերի հիվանդությունը շատ տարածված է տարեցների մոտ, ինչն էլ բերում է մտավոր հետամնացության: Տարեցներին բնորոշ մեկ այլ հիվանդություն Պարկինսոնի հիվանդությունն է, որը երկրորդ ամենատարածված նեյրոդեգեներատիվ հիվանդությունն է, որն առաջանում է ուղեղում դոպամին առաջացնող նեյրոնների պակասից: Սուրճի օգտագործումը նվազեցնում է Պարկինսոնի և Ալցհայմերի հիվանդություններ ունենալու հավանականությունը , և, հետևաբար, նվազեցնում է մտավոր թերզարգացման ռիսկերը:

4. Կնվազեցնեք երկրորդ տեսակի շաքարախտ ունենալու ռիսկը

   

Աշխարհում մոտ 300 միլիոն մարդ տառապում է երկրորդ տեսակի շաքարախտով, և հասկանալի է, որ դուք էլ կանհանգստանաք ձեր առողջության մասին: Եթե դուք սուրճ խմող եք, ապա այս հարցում կարող եք հանգիստ լինել: Որոշ ուսումնասիրություններ պնդում են, որ սուրճ ըմպողները 23-67%-ով ավելի քիչ հավանական է, որ շաքարախտ կունենան:

5. Ավելի քիչ հավանական է, որ լյարդի հիվանդություն կունենաք

   

Սուրճ օգտագործողների մոտ 84%-ով նվազում է լյարդի ցիռոզ ունենալու ռիսկը: Ավելին, օրական 4 և ավել բաժակ սուրճ խմողները ավելի ուժեղ դիմադրողականություն ունեն այդ հիվանդության նկատմամբ:

6. Դուք ավելի երջանիկ մարդ եք դառնում

   

Ո՞վ իրեն ավելի լիցքաթափված և առույգ չի զգում մեկ գավաթ սուրճ ըմպելուց հետո: Սուրճի՝ մեր տրամադրության վրա լավ ազդեցություն ունենալը ամենագլխավոր պատճառներից մեկն է, որ մենք պարբերաբար խմում ենք այն: 2011 թվականին Հարվարդում անցկացված հետազոտությունը պարզել է, որ սուրճ խմող մարդիկ 20%-ով ավելի քիչ հավանական է, որ դեպրեսիայի մեջ կընկնեն: Իսկ մեկ այլ հետազոտություն պարզել է, որ մարդիկ, ովքեր օրական չորս և ավելի գավաթ սուրճ են խմում, 53%-ով ավելի քիչ հավանական է, որ ինքնասպանություն կգործեն:

7. Դուք ավելի երկար կապրեք

   

Այս կետը չափազանց լավն է՝ իրական լինելու համար, սակայն կարծես թե սա նույնպես ապացուցվել է New England Journal of Medicine-ի կողմից 2012 թվականին: Նրանք ուսումնասիրել են 50-71 տարեկան 402.260 մարդկանց սովորությունները և պարզել, 4-5 բաժակ սուրճ խմող տղամարդկանց մոտ 12%-ով ավելի ցածր էր մահացության ռիսկը, իսկ կանանց մոտ՝ 16%-ով: