Ի տարբերություն ադրբեջանական զինվորի, մենք պաշտպանում ենք մեր հայրենիքը. Արմեն Ռուստամյան

 Հայ ժողովուրդն այս օրերին միասնական է, որովհետև ի տարբերություն ադրբեջանցիների, պաշտպանում է իր հայրենիքը, կռվում է ու կռվելու է իր հայրենիքի համար: Ազգային ժողովի նիստի ընթացքում այս մասին ասաց ԱԺ ՀՅԴ խմբակցության ղեկավար Արմեն Ռուստամյանը: «Այն ինչ տեղի ունեցավ, անսպասելի չէր: Մենք գիտեինք, որ Բաքուն, Ադրբեջանը մի օր նորից դիմելու է այս արկածախնդրությանը, նորից թերագնահատելու է մեզ, գերագնահատելու է իր ուժերը և փորձելու է արագ, իրենց կարծիքով արդեն ծնկի եկած հակառակորդին ոչնչացնել: Սա նորություն չէ, և  նաև նորություն չի, որ արձանագրեցինք այն համախմբումը, որ հայ ժողովուրդը միշտ դրսևորել է ծանր պահերին՝ մի կողմ թողնելով և երկրորդական համարելով բոլոր տարաձայնությունները: Հայ ժողովուրդը  համախմբվել է, որովհետև, մենք ի՝ տարբերություն ադրբեջանական զինվորի, պաշտպանում ենք մեր հայրենիքը, մարտնչում ենք մեր հայրենիքի համար և կռվելու ենք մինչև վերջ, մինչև մեր հայրենիքը իր գոյությունն ամբողջ աշխարհին փաստի:  Եթե դա ևս մեկ անգամ փաստելու կարիքը կա, մենք մե կ անգամ էլ կանենք դա: Մենք պատրաստ էինք սրան, որովհետև հասկացել ենք, որ եթե ցանկանում ես խաղաղություն, պետք է պատրաստ լինես պատերազմի: Այս տրամաբանությամբ ենք ապրել, և դրա մասին է վկայում այն հանգամանքը, որ արդեն ռազմական գործողությունների ընթացքում է դրսևորվում մեր պատրաստակամությունը»,- «Արմենպրես»-ի հաղորդմամբ՝ նշեց Ռուստամյանը:

Ռուստամյանն ուրախությամբ ընդգծեց, որ այս օրերին հայ ժողովրդի համախմբումը համահայկական բնույթվ ունի: «Այսօր ողջ հայկական հատվածները  զորաշարժի մեջ են: Ես ուրախ եմ, որ դրա համար հիմքեր են ստեղծվել, մենք միշտ ասել ենք, որ մեր ուժը մեր վրա պետք է դնենք: Միշտ ասել ենք, որ Հայաստանը պետք է ռազմական փոխօգնության համաձայնագիր ունենան, և հիմա շատ ուրախ ենք, որ այդ ուղղությամբ քայլեր են ձեռնարկվում ամենաբարձր մակարդակով:  Մենք պետք է ցույց տանք, որ Լեռնային Ղարաբաղը, Հայաստանը և Սփյուռքը մեկ ուժ է, միասնություն է, և ոչ մեկ չի կարող մեր գոյությունը կասկածի տակ դնել»,- եզրափակեց պատգամավորը:

Ապրիլի 1-ի լույս 2-ի գիշերը և առավոտյան Ադրբեջանը ղարաբաղա-ադրբեջանական հակամարտ զորքերի շփման գծի ողջ երկայնքով ձեռնարկել է լայնածավալ նախահարձակ գործողություններ, որոնց ընթացքում հրթիռահրետանային արկակոծման են ենթարկվել ոչ միայն հայկական զինուժի պաշտպանական դիրքերը, այլև խաղաղ բնակավայրերը: Ադրբեջանական զինուժի կողմից ապրիլի 2-ին ժամը 08:30-իսահմաններում Մարտունու պաշտպանական ուղղությամբ ՄՄ-21 («Գրադ») կայանքից իրականացված հրթիռահրետակոծության հետևանքով սպանվել է 12-ամյա Վաղինակ Թաթուլի Գրիգորյանը, ևս երկու երեխա վիրավորվ ել են: Ավելի ուշ Ստեփանակերտի հիվանդանոց է տեղափոխվել ևս չորս վիրավոր քաղաքացիական անձ: Իսկ ապրիլի 3-ին հայտնի դարձավ, որ Թալիշում նախօրեին ադրբեջանցիները գազանային կերպով գնդակահարել են երեք խաղաղ բնակչի, որոնք չէին հասցրել տարհանվել: Լեռնային Ղարաբաղի Պաշտպանության բանակի՝ ժամանակին և արհեստավարժ գործողությունների շնորհիվ հնարավոր է եղել իրավիճակը վերցնել հսկողության տակ և զգալի կորուստներ հասցնել հակառակորդին. ապրիլի 1-ի լույս 2-ի գիշերը և օրվա ընթացքում տեղի ունեցած մարտական գործողությունների ընթացքում ադրբեջանական զինուժը տվ ել է 200-300 կորուստ: Շարքից հանվել է ընդհանուր առմամբ թշնամական Ùáï 20 տանկ, մեկ «Գրադ» կայանք: Հայկական կողմն ունի 18 զոհ և մոտ 37 վիրավոր: Առաջնային գծի հարավային ուղղությամբ ապրիլի 3-ին՝ ժամը 06:00-ից սկսած, հակառակորդը հրթիռահրետանային միջոցների և զրահատեխնիկայի կիրառմամբ շարունակել է ագրեսիվ ռազմական գործողությունների վարումը: ՊԲ ստորաբաժանումներն անցել են հակազդիչ գործողությունների և Թալիշի ուղղությամբ տիրել նախօրյակին ադրբեջանական ուժերի կողմից գրավված մարտավարական կարևոր նշանակության հենակետին: