Այս տարեց մարդու մահից հետո նրա թոռները գտան իրենց հասցեագրված մի նամակ. դրանում առկա անգին խորհուրդները առ այսօր ոգեշնչել են հազարավոր մարդկանց

Blognews.am-ը գրում է.

Ջեյմս Ֆլանագանը՝ Նյու Ջերսիից, իր թոռներին շատ սիրող պապիկ էր: Իր վաղաժամ մահվանից առաջ նա իր հինգ թոռնիկներին նամակ է թողել, որտեղ նա շարադրել է երջանիկ կյանքի համար տպավորիչ խորհուրդներ:

Այս նամակով նա ոչ միայն իր թոռներին է ոգեշնչել, այլ շատ ուրիշ մարդկանց:

Ձեզ ենք ներկայացնում է այս հուզիչ պատմությունը:

«Իմ թանկագին Ռայան, Կոնոր, Բրենդոն, Չառլի և սիրելի Մերի Կետրին:

Իմ իմաստուն և հեռատես աղջիկ Ռեյչելը պնդում էր, որ ես ձեզ համար մի քանի կարևոր խորհուրդներ գրեմ, որոնք ինձ կյանքն է սովորեցրել: Ես գրում եմ ձեզ այս նամակը 2012 թվականի ապրիլի 8-ին, իմ 72-րդ տարեդարձի նախօրեին:

1 Ձեզանից յուրաքանչյուրն իսկական Աստծո պարգև է, ինչպես ձեր ընտանիքի, այնպես էլ ողջ աշխարհի համար: Միշտ հիշեք այդ մասին: Հատկապես այն պահերին, երբ կասկածների և հուսահատության սառցե քամին կներխուժի ձեր կյանք:

2 Ոչ ոքից և ոչնչից մի վախեցեք, երբ հարցը վերաբերում է կյանքից լիարժեք հաճույք ստանալուն: Հետևեք ձեր երազանքներին և հույսերին, չնայած այն բանին, թե որքան անհասանելի կամ տարօրինակ կթվան դրանք ուրիշներին: Շատերը չեն անում այն, ինչ իրենք են ուզում, միայն նրա համար, որ անհանգստանում են, թե ինչ կասեն կամ կմտածեն ուրիշները: Խուսափեք վատատես մարդկանցից: Կյանքում ամենավատ բանն է՝ շրջվել հետ և ասել. «Ես պետք է, ես պիտի…»: Ռիսկի դիմեք, սխալներ արեք:

3 Այս աշխարհում բոլորը շատ սովորական մարդիկ են: Ոմանք ցանկանում են կրել «զիլ» գլխարկներ, ոմանք երազում են հարգարժան կոչումների մասին կամ իշխանության և ցանկանում են, որ իրենց բոլորից վեր համարեն: Մի հավատացեք նրանց: Նրանք նույնպես ունեն կասկածներ, վախեր, հույսեր: Նրանք ուտում են, խմում են, քնում են, գազեր են բաց թողնում՝ բոլոր մարդկանց նման:

4 Ցուցակ կազմեք, թե ինչ եք ուզում այնել այս կյանքում. Գնալ ինչ-որ տեղ, սովորել ինչ-որ բան, օտար լեզու սովորել, ինչ-որ յուրահատուկ մեկին հանդիպել: Երկար ցուցակ գրեք, և ամեն տարի դրա մի փոքր մասն արեք: Մի ասեք ինքներդ ձեզ. «Ես դա վաղը կանեմ, կամ մյուս ամիս, կամ մյուս տարի»: Քանի որ այդ դեպքում, այդ բանն այդպես էլ չի արվի:

5 Առաջնորդվեք այս իռլանդական ասացվածքով. «Գովաբանեք երեխային, և նա հաջողակ կմեծանա»:

6 Բարեհամբույր եղեք և արեք ամեն ինչ, ուրիշներին օգնելու համար, հատկապես թույլերին, վախեցածներին և երեխաներին: Յուրաքանչյուրն իր խնդիրներն ունի և յուրաքանչյուրին պետք է ձեր աջակցությունը:

7 Չմտնեք բանակի այն շարքերը կամ այլ կարմազմակերպություններ, որտեղ սովորեցնում են սպանել: Պատերազմը չարիք է:

8 Որքան հնարավոր է շատ գրքեր կարդացեք: Դրանք ուրախության, իմաստության և ոգեշնչման հիանալի աղբյուր են: Դրանց պետք չեն ո՛չ մարտկոցներ, ո՛չ ինտերնետին միանալու սարքեր, դրանք կարող եք վերցնել ձեր հետ, ուր որ ցանկանաք:

9 Ազնիվ եղեք:

10 Ճանապարհորդեք: Մշտապես ճանապարհորդեք, հատկապես երիտասարդ ժամանակ: Մի սպասեք, թե երբ «բավականաչափ» գումար կունենաք, կամ, թե երբ «հաջողակ պահ» կլինի: Այդպես, դա երբեք տեղի չի ունենա: Հենց այսօր զբաղվեք ձեր անձնագրի հարցերով:

11 Ձեր համար ընտրեք մասնագիտություն և աշխատանք, որը դուք կսիրեք: Պետք չէ բացառել, որ կլինեն դժվար պահեր, բայց հիմնականում, աշխատանքից պետք է հաճույք ստանալ: Խուսափեք աշխատել՝ միայն հանուն գումարի: Դա ձեր հոգուն վնաս կհասցնի:

12 Մի բղավեք: Դա երբեք չի օգնում, այլ միայն ցավ է պատճառում ձեզ և ուրիշներին: Միշտ, երբ ես բղավել եմ, ես ոչնչի չեմ հասել:

13 Միշտ պահեք երեխաներին տված ձեր խոստումները: Երբեք մի ասեք «տեսնենք», եթե ցանկանում եք ասել «ոչ»: Երեխաները ձեզանից ճիշտ են սպասում, տվեք նրանց այդ ճիշտը սիրով և բարությամբ:

14 Երբեք սեր մի խոստովանեք այն մարդուն, ում չեք սիրում:

15 Ապրեք՝ բնության հետ ներդաշնակության մեջ: Գնացեք անտառ, սարեր, լողափեր, անապատներ: Դա կարևոր է ձեր հոգու համար:

16 Այցելեք Իռլանդիա: Դա այն վայրն է, որտեղ ծնվել է, սկիզբ է առել մեր ընտանիքի ոգին:

17 Գրկեք այն մարդկանց, ում սիրում եք: Հենց հիմա ասեք, թե որքան շատ եք սիրում նրանց, մի սպասեք, որ շատ ուշ լինի:

18 Շնորհակալ եղեք: Իռլանդական մի ասացվածք կա. «Այսօր մեր կյանքի օրն է, և այն չի կրկնվելու: Ապրեք ամեն օր՝ այս մասին հիշելով»: