Դու իմ վերջինը ճակատագրով. հարցազրույց տիտղոսակիր գեղեցկուհի Իրինա Թովմասյանի հետ

Tert.am-ը գրում է.

Օրերս տիտղոսակիր գեղեցկուհի Իրինա Թովմասյանը հարազատների և ընկերների հետ քաղաքի ակումբներից մեկում տոնել է իր ծննդյան 34-րդ տարեդարձը: Երեկոյի ընթացքում հյուրերի առջև իր կատարումներով հանդես է եկել Իրինայի դուստրը` Մեգգին:

Իսկ ավարտին, տոնական տորթի մոմերը փչելիս, խնջույքի «մեղավորը» մտապահել է իր անփոփոխ երազանքը` առողջ տեսնել բոլոր հարազատներին` երեք դուստրերին, ամուսնուն, մորը, քրոջը... 

Տարեդարձի առիթով մենք, ըստ ավանդույթի, տեղեկացանք Իրինայի վերջին նորությունների մասին:

- Վերջին անգամ ում եք զանգահարել և ինչ առիթով:

- Քիչ առաջ Մեգգիից հետաքրքրվեցի «Հ3» հեռուստաալիքով իր հաղորդաշարի վերաբերյալ ժողովի արդյունքների մասին:

- Վերջին հաղորդագրությունը, որ ստացել եք:

- Դրանք անդադար են ու անվերջանալի` տարեդարձիս առիթով շնորհավորանքներ են:

- Վերջին անգամ երբ եք թերթել ընտանեկան ալբոմը:

- Մի քանի օր առաջ` Սուրբ Սարգսի տոնի հետ կապված հեռուստաընկերություններից մեկի խնդրանքով ամուսնուս հետ լուսանկար էի փնտրում:

- Վերջին անգամ երբ եք անկողնում սրճել և ում մատուցմամբ:

- Ես առհասարակ սուրճ չեմ խմում:

- Վերջին անգամ երբ եք մետրո նստել:

- Այնքան վաղուց չեմ նստել, որ նույնիսկ չեմ կարող մտաբերել:

- Վերջին անգամ երբ եք հուզվել և ինչու:

- Երբ Մեգգիս անցյալ ծննդյանս օրն անակնկալ կերպով ինձ «Իմ մայրիկ» երգը նվիրեց:

- Վերջին անգամ երբ եք բարկացել և ինչու:

- Այսօր եմ բարկացել միջնեկ աղջկաս վրա, երբ նա ակամայից նեղացրեց փոքր քրոջը:

- Վերջին անգամ երբ եք լիաթոք ծիծաղել և ինչ առիթով:

- Երեկ Լուսինեի հետ հիշում էինք մեր լոնդոնյան արկածներն ու անզուսպ ծիծաղում զավեշտալի պահերի առիթով:

- Վերջին գիրքը, որ կարդացել եք:

- Օրերս ավարտեցի Մարտին Իդենի «Նպատակասլացությունը»։

- Վերջին ֆիլմը, որ դիտել եք:

- «Ամուր սեր». այսպես էր կոչվում ֆիլմը, որ օրեր առաջ դիտեցի ամուսնուս հետ: Հավանում եմ նման գեղեցիկ ֆիլմերը:

- Վերջին անգամ ում եք հյուրընկալվել:

- Ավելի շատ ինքս եմ սիրում հյուրեր ընդունել: Բայց հյուր էլ եմ գնում: Ահա օրերս հյուրընկալվել էի մտերիմ ընկերուհուս` Եվային: Նա մասնագիտությամբ բժշկուհի է:

- Վերջին անգամ ում եք վստահել Ձեր նվիրական խոհերը:

- Միշտ վստահում եմ սիրելի քրոջս` Լուսինեին և նրա հետ էլ կիսվում եմ ցանկացած թեմայով: