Հայազգի բլոգեր Արեգ Շչեպիխինին սպառնում է մինչև 6 տարվա, իսկ նրան առևանգողներին՝ մինչև 15 տարվա ազատազրկում

ОБЩЕСТВО 5 Июнь, 2025 18:25

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Հայազգի «բլոգեր» Արեգ Շչեպիխինին սպառնում է վեց տարվա ազատազրկում, որի նկատմամբ համացանցում ծայրահեղականության կոչերի և ատելության կամ թշնամանքի հրահրման առնչությամբ քրեական գործ է հարուցվել, հաղորդում է ТАСС-ը։

Ավելի վաղ ՌԴ քննչական կոմիտեի մամուլի ծառայությունից հայտնել էին, որ Շչեպիխինի դեմ քրեական գործ է հարուցվել ՌԴ Քրեական օրենսգրքի 280-րդ հոդվածի 2-րդ մասի (ծայրահեղական գործունեության հրապարակային կոչեր) և ՌԴ Քրեական օրենսգրքի 282-րդ հոդվածի 2-րդ մասի հատկանիշներով (ատելության կամ թշնամանքի հրահրում, ինչպես նաև մարդկային արժանապատվության նվաստացում): Առաջին հոդվածը նախատեսում է մինչև հինգ տարի ազատազրկում, երկրորդը՝ մինչև վեց։

Մոսկվայի Յարոսլավսկի երկաթուղային կայարանում բլոգերի առևանգմանը մասնակցած անձինք դարձել են մեղադրյալներ առևանգման և պաշտոնեական լիազորությունների չարաշահման հոդվածներով հարուցված գործով։ Այդ հոդվածներից առաջինով նախատեսում են 5-15 տարվա, երկրորդով՝ 4-10 տարվա ազատազրկում։

Մեկ օր առաջ Քննչական կոմիտեն հայտարարել էր, որ Շչեպիխինի առևանգողների դեմ գործ է հարուցվել։ Վեց քաղաքացիների մեղադրանք է առաջադրվել Քրեական օրենսգրքի 126-րդ հոդվածով (մարդկանց առևանգում) և Քրեական օրենսգրքի 286-րդ հոդվածով (իշխանության չարաշահում): Նրանց համար խափանման միջոց դեռևս չի ընտրվել։

Հունիսի 3-ի երեկոյան Շչեպիխինին առևանգել են Յարոսլավսկի երկաթուղային կայարանում. անհայտ անձինք բռնել են նրան և խցկել սև Mercedes-ի բեռնախցիկ՝ թարթող լույսով և AMR համարանիշներով, որոնք օգտագործում են անվտանգության ուժերը։ Ինչպես ավելի ուշ պարզվել է, այդ Mercedes-ը բազմիցս ուղեկցել է Սայդահմեդ Էլդարբիևի ավտոմեքենան, որին անվանում էին Չեչնիայի ղեկավար Ռամզան Կադիրովի մտերիմ անձ և նույնիսկ նրա օգնական։ Ոստիկանությունը հետապնդել է ավտոմեքենան, սակայն կարողացել է այն կանգնեցնել միայն Կիևի մայրուղու Մոսկվայի օղակաձև ճանապարհից երեք կիլոմետր հեռավորության վրա։ Առևանգվածը ձերբակալման պահին ավտոմեքենայում մեջ չի եղել։ Շչեպիխինն ինքը պատմել է, որ իրեն քաղաքից դուրս են տարել և «ատրճանակի կոթով կոտրել ականջները», բայց «նրան շատ ուժեղ չեն տանջել, ավելի շատ հարցաքննել են», մասնավորապես՝ հետաքրքրվելով՝ արդյոք նա կապեր ունի՞ Ուկրաինայի հետ։

Չեչնիայի իշխանությունները հայտարարել են, որ Շչեպիխինը «չի առևանգվել, այլ կալանավորվել է»։ Չեչնիայի ազգային քաղաքականության նախարար Ահմեդ Դուդաևը հիշեցրել է, որ «բլոգերն» իր տեսանյութերում վիրավորել է չեչեններին և մահմեդականությանը։ «Ձերբակալությունն իրականացրած իրավապահ մարմիններն, ըստ էության, փրկել են նրա կյանքը, կամ առնվազն՝ առողջությունը։ Որովհետև հարյուր հազարավոր մահմեդականներ, և ոչ միայն մահմեդականները, որոնք լսել են նրա անընդունելի, վիրավորական արտահայտությունները կրոնի, Աստծո և ազգությունների մասին, բառացիորեն այրվում էին ազգամիջյան և միջկրոնական բախումների այդ հրահրողին անհապաղ պատասխանատվության ենթարկելու ցանկությունից», -նշել է Դուդաևը։

Հետևեք մեզ՝ այստեղ