«Փաշինյանի օրակարգը կործանելու է ՀՀ-ն. եթե սրանք շարունակեն ղեկավարել մեր երկիրը և օր առաջ չշպրտվեն իշխանությունից, այլ ելք չի լինելու»․ «Փաստ»

«Փաստ» օրաթերթը գրում է

Երեկ ՀՀ անկախության օրն էր, որն արդեն 3-րդ տարի է՝ այսպես էլ տոն չի դառնում: Երեկ օրվա առթիվ իշխանությունն այցելեց Եռաբլուր՝ բառի բուն իմաստով ոտնատակ անելով 44-օրյա պատերազմում զոհված զինծառայողների, անհետ կորածների ծնողներին: Քաղաքագետ Գագիկ Համբարյանը «Փաստի» հետ զրույցում հիշեցրել է՝ առաջին անգամ չէ, որ գործող իշխանությունները, Նիկոլ Փաշինյանի գլխավորությամբ, այս «ձևաչափով» պղծում են Եռաբլուրը:

«Հիշենք, թե Փաշինյանն ինչպես էր պատերազմից հետո իր մոլագար երկրպագուների հետ դեպի «Եռաբլուր» քայլերթեր կազմակերպում: Հիշենք ամեն գնով Եռաբլուրի տարածք թափանցելու բոլոր փորձերը: Անձը մոլագար է: Մոլագարների մոտ բնավորության գիծ կա՝ անընդհատ գնում են այն վայրը, որտեղ իրենք հանցագործություն են կատարել. Նիկոլ Փաշինյանն ու իր շրջապատն իրենց հոգու խորքում շատ լավ գիտեն, որ 44-օրյա պատերազմի ավելի քան 4000 զոհերի, ինչպես նաև ընդամենը օրեր առաջ կարճատև պատերազմի ավելի քան 300 զոհերի մեղավորը հենց իրենք են, գլխավոր մեղավորը՝ Նիկոլ Փաշինյանը: Բացի այդ, ինքն այսպիսով ցույց է տալիս, որ թքած ունի անգամ զոհված զինծառայողների հարազատների կարծիքի վրա: Փաշինյանը չի՞ հասկանում, որ շատ դեպքերում ծնողները դեմ են, որ այցելի իրենց երեխաների շիրիմներին: Հիմա սա զոռբայությո՞ւն է, հոգեկան անհավասարակշռությո՞ւն, խելագարությո՞ւն, աննամուսությո՞ւն, անպատկառությո՞ւն, թե՞ բոլորը միասին վերցրած: Էլ ինչպե՞ս կարելի է բնութագրել այն, ինչ տեսանք»,-ասաց քաղաքագետը:

Անդրադառնալով ոստիկանների գործողություններին՝ նա շեշտեց. «Ինձ մոտ տպավորություն էր, որ ոստիկանների մեծ մասը հայ չէ, այլ ադրբեջանցիներ ու թուրքեր, որոնք պարզապես տիրապետում են հայոց լեզվին: Ես չեմ պատկերացնում, որ հայ ոստիկանները 4 հոգով կարող են քարշ տալով տանել ու գետնին պառկեցնել 44-օրյա պատերազմում անհետ կորած զինվորի ծնողին: Հայ տղամարդը չի կարող վայրենի ու անմակարդակ ձևով վերաբերվել զոհված զինծառայողների հարազատներին: Կարելի էր, չէ՞, գոնե ավելի կոռեկտ վերաբերվել այդ մարդկանց, որոնց դժբախտության թիվ մեկ մեղավորը այս իշխանությունն ու Նիկոլ Փաշինյանն են: Իսկ այդ 2 մետրանոց, 100 կիլոգրամանոց տղաներին ինչո՞ւ չեն տանում սահման պահելու, թե՞ դրանք հատուկ իր «ջանդակապաշտպաններն» են»:

Ինչ վերաբերում է անկախությանը, Համբարյանը շեշտեց. «Ինձ համար Անկախության օր չկա: Շնորհավորենք, որ այն, ինչ ունեինք 27 տարի, «Նիկոլ Անհողի» իշխանության գալուց հետո կորցրե՞լ ենք: Հաղթանակած մեր երկիրը վերածել են Պաղեստինի նման չկայացած երկրի: Թուրքիայի նախագահը հայտարարում է, թե Ադրբեջանն ավարտել է ՀՀ սահմանին իր ռազմական օպերացիան ու հասել իր ուզածին: Այս նույն բառամթերքով Իսրայելը խոսում է Պաղեստինի հետ, երբ Պաղեստինի տարածքում ինչ-որ օպերացիա է իրականացնում: 31-ամյա ո՞ր անկախությունն է շնորհավորում Նիկոլը: Այն, որ թուրքը Ջերմուկից 2 կմ հեռավորության վրա՞ է, ո՞ր անկախության, այն, որ Խոզնավար-Սոթք հատվածում թուրքերը առաջ են եկել, թե՞ այն, որ Ներքին Հանդի մոտ թուրքը 5-6 կմ առաջ է եկել ու ամրացնում է դիրքերը: Ու Նիկոլը, որը յուրահատուկ ձևով տիրապետում է կեղծիքի ու մանիպուլ յացիայի արվեստին, հասարակության որոշ շերտերի անգրագիտությունից օգտվելով, փորձում է իր բոլոր ձախողումները նախկինների վրա գցել»:

Խոսելով Ադրբեջանի սանձազերծած վերջին ռազմական գործողություններից՝ քաղաքագետը հավելեց. «Սա ո՛չ նոր փուլ է, ո՛չ էլ նոր շրջափուլ: Սա 2020 թվականի կապիտուլ յացիոն ակտից հետո տեղի ունեցող հերթական ողբերգությունն է մեր պետության, մեր պետականության ու մեր ազգի համար: Անձը կապիտուլ յացիան ստորագրելուց ու թուրքերին բավարարելուց հետո 2 տարվա մեջ որևէ մի փամփուշտ բանակի համար չի գնել, ինչի մասին և հայտարարում է: Բանակը զինաթափելու, այն կազմաքանդելու ծրագրով Փաշինյանը փորձում է թուրքերին ցույց տալ, որ կատարում է նրանց պատվերներն ու պահանջները, իսկ բանակ չունենալը Ադրբեջանի թիվ մեկ պահանջներից մեկն է: Բայց կապիտուլ յանտ Նիկոլը չի՞ հասկանում, որ թուրքը դրանով չի բավարարվելու: Երբ թուրքն ասում է՝ ՀՀ-ն պետք է բանակ չունենա, դրանով հասկացնում է, որ երբ ուզենա՝ հարձակվելու է ու պատառ-պատառ անի արդեն ՀՀ տարածքները, ինչի վառ ապացույցը Ադրբեջանի՝ 2021-ի մայիսից սկսած սողացող օկուպացիան է»:

Թե՛ Բաքվի, թե՛ Անկարայի սանձարձակությունները, ըստ քաղաքագետի, մի բանի մասին են վկայում. «Նրանք տեսնում են, որ ՀՀ-ն շարունակում է ղեկավարել իրենց կողմից նվաստացված ու նսեմացված Նիկոլ Փաշինյանը: Վերջինս կարող է հայաստանյան իր ներքին, այսպես ասած, «կլիենտուրային» համոզել, թե շատ հզոր է ու կարող է հավասարը հավասարին բանակցել իրեն նսեմացրած, նվաստացրած ու կապիտուլ յացիոն ակտ պարտադրած երկրի ղեկավարի հետ: Նման բան չկա: Նա չի կարող հավասարը հավասարին բանակցել մեկի հետ, որն իրեն նսեմացրել ու պարտության է մատնել: Ու այս ամենի հետևանքը մենք տեսնում ենք մեր ամենօրյա կյանքում: Ադրբեջանցիներն ամեն օր նսեմացնում ու նվաստացնում են ՀՀ-ն ու հայությանը: Իսկ «խաղաղության օրակարգը», որն առաջ են տանում կապիտուլ յանտները՝ Նիկոլ Փաշինյանն ու իր թայֆան, վերջնարդյունքում կործանելու է Հայաստանի Հանրապետությունը: Եթե սրանք շարունակեն ղեկավարել մեր երկիրը և օր առաջ չշպրտվեն իշխանությունից, այլ ելք չի լինելու: Սրանք արդեն չափն անցնում են: 2018-ին զավթեցին իշխանությունը, ու արդեն 2021-ի արտահերթ խորհրդարանական ընտրություններում ընտրողների ընդամենը 26 տոկոսի կողմից ձայն ստացած այս քաղաքական ուժը փորձում է խոսել ամբողջ ժողովրդի անունից: Ի դեպ, այդ 26 տոկոսի ձայնն ուղղակիորեն աղետալի հետևանքներ է բերում ամբողջ հայության գլխին»:

Համբարյանի խոսքով, խաղաղության օրակարգ առաջ տանելու համար Փաշինյանը նախևառաջ պետք է վերականգներ կորուստները. «Առաջինը պետք է վերականգներ մեր բանակի մարտունակությունը: Մինչդեռ Փաշինյանն ընտրեց ամենասարսափելի տարբերակը, որը նրան պարտադրված էր Բաքվից. այն է՝ կազմաքանդել հայկական բանակը: ԱԺ ամբիոնից ինչ-որ հեքիաթներ է պատմում՝ ասելով, թե փող ունենք, բայց զենք չի կարող գնել: Ի դեպ, ասվածի որևիցե ապացույց, փաստ չներկայացրեց, որովհետև իր ասածները ծայրից ծայր կեղծիք են ու սուտ: Եթե ՀՀ-ն ցանկանար զենք գնել, օրինակ՝ Հնդկաստանից կամ Չինաստանից, հնդիկներն ու չինացիները այդ զենքը մեզ չէին վաճառելո՞ւ: Էլ չեմ խոսում Իրանի մասին: Եթե փորձեր այդ զենքը տեղափոխել Հայաստան, նույն Իրանն արգե՞լք էր հանդիսանալու: Ավելին ասեմ, համոզված եմ, որ Իրանն այդ տեղափոխումները անգամ իր հաշվին կաներ՝ հաշվի առնելով, որ, ելնելով իր ազգային շահից, այս պահին ավելի շատ է հայամետ քաղաքականություն վարում, քան Երևանում վեր ընկած Նիկոլն ու իր թայֆան: Կամ՝ ի՞նչ է նշանակում՝ «փող ունենք»: Բա որ փող ունենք, ինչո՞ւ է տարեկան մոտ 900 միլիոն դոլարի պարքտի տակ է գցում երկրին ու ամբողջ հանրությանը: Հետո ասում է՝ «փող ունենք»: Դե, թեպետ պատահական չէ, որ 2022-ի 8 ամիսներին ավելի քան 100 միլիոն դոլար պարգևավճար է բաժանել»:

Անդրադառնալով մեր երկրի շուրջ առկա իրավիճակից բխող տարածաշրջանային իրողություններին՝ քաղաքագետն ընդգծեց. «Նիկոլ Փաշինյանը բոլոր աշխարհաքաղաքական կենտրոններին է ձեռնտու, որովհետև կապիտուլ յանտ Նիկոլը պատրաստ է բոլորի պատվերները կատարել:Նիկոլ Փաշինյանը հիմա կրկին «գեղցի ճարպիկ» է խաղում, փորձում իր «գեղցի ճարպկությամբ», իբրև թե, խուսանավել բախումներից՝ կատարելով բոլորի պահանջներն այն դեպքում, երբ դրանց մեծ մասը հակահայկական, հակահայաստանյան են: Նիկոլ Փաշինյանը, մեծ հաշվով, ձեռնտու չէ միայն ՀՀ-ին ու հայությանը: Մեր ամենակարևոր խնդիրը հետևյալն է. չգիտես ինչու, 100 տարին մեկ պետք է հասկանանք, որ թիվ մեկ բարեկամը, թիվ մեկ ընկերը մեր բանակը պետք է լինի: Փաշինյանը, սակայն, 2020-ի խայտառակ պարտությունից հետո որևէ քայլ չի ձեռնարկել հայկական բանակի հզորացման համար: Այն, ինչ հիմա ունենք, իր հանցավոր անգործության հերթական հետևանքն է»:

ԱՆՆԱ ԲԱԴԱԼՅԱՆ

Մանրամասները՝ «Փաստ» օրաթերթի այսօրվա համարում