Արտահայտություններ, որոնք նյարդայնացնում են Կենդանակերպի նշանների ներկայացուցիչներին

 

Խոյ՝ «Հանգստացիր»

 

Երբ Խոյը փորձում է ձեզ ինչ-որ բան ասել, օրինակ, նախազգուշացնում է, ապացուցում է կամ բարոյախրատական ճառեր է կարդում, հանկարծ չփորձեք նրան ասել՝ հանգստացիր։ Ռազմատենչ Խոյի համար այդ արտահայտությունը լսելը նույնն է, ինչ կատաղած Ցուլի համար՝ կարմիր կտոր տեսնելը։ Ի պատասխան՝ Խոյը ոչ միայն չի հանգստանա, այլ, ընդհակառակը, անկառավարելի կդառնա։ Իսկ հաշվի առնելով այն, որ Խոյերն անզուսպ են ու ակնթարթորեն իրենց կատաղությունը թափում են իրենց նյարդայնացնող մարդու վրա, ով արել է վերոբերյալ արտահայտությունը, նրան չես նախանձի։

 

 

Ցուլ՝ «Դու ճիշտ չես»

 

Ցուլերն անհավատալիորեն համառ անձնավորություններ են, ովքեր սովորականի պես համարում են, որ իրենց կարծիքը միակ ճշմարիտն է, և շատ են նյարդայնանում, երբ նրանց ասում են՝ դու ճիշտ չես։ Ոչ ոքի դուր չի գալիս, երբ կասկածում են իրենց խոսքերին, բայց Ցուլերի մոտ դա հիվանդագին ինքնասիրության է հասնում։ Դրա համար էլ ցանկացած կասկած իրենց կոմպետենտության վերաբերյալ Ցուլերն ընդունում են՝ որպես ստորացում ու իրենց ձեռք առնելու նշան։ Իսկ ստորացում այդ մարդը չի կարող տանել։

 

Երկվորյակներ՝ «Լռիր»

 

Երկվորյակները շփվող անձնավորություններ են, ովքեր պաշտում են գտնվել ուշադրության կենտրոնում։ Երկվորյակները չեն կարող լռել անգամ մեկ րոպե. Չէ՞ որ նրա կյանքը մտքերի փոխանակման, վեճերի ու քննարկումների անընդհատ շղթա է։ Եթե ինչ-որ մեկը փորձում է լռեցնել Երկվորյակին կամ ասում է, որ հոգնել է նրա շատախոսությունից, նա վայրկենաբար կորցնում է իր հեղինակությունը վերջինիս աչքերում ու ինքնաբերաբար համալրում է նրա թշնամիների բանակը։ Այդուհետ այդ մարդու շփումը Երկվորյակի հետ զուտ գործնական կլինի։

 

 

Խեցգետին՝ «Մի նյարդայնացիր»

 

Խեցգետինն իր բնույթով կասկածամիտ ու իր գործողությունների համար անընդհատ մտատանջվող մարդ է։ Եվ որքան կարևոր է գործը, այնքան շատ է նա մտածում դրա մասին։ Միայն թե պետք չէ ուշադրություն դարձնել այդ մարդու նյարդային վիճակի վրա, և ավելին, այդ մարդուն մեղադրել վախկոտության մեջ։ «Մի նյարդայնացիր» արտահայտությանն այդ մարդն արձագանքում է նույն նյարդայնությամբ, ասես նրան խորապես վիրավորել են։ Հնարավոր է, նման վարքագծով Խեցգետինը մատնում է իրեն, բայց այդպիսին է նրա բնավորությունը։

 

Առյուծ՝ «Դու թույլ ես»

 

Առյուծը սեփական արժանապատվության ընդգծված զգացում ունեցող մարդ է։ Նա եսասեր է, ով ամեն ինչում պետք է լավագույնը լինի, իսկ շրջապատողների՝ նրա մեծության մեջ կասկածները կարող են թանկ արժենալ վերջիններիս համար։ Առյուծին ասեք՝ «Դու թույլ ես», կամ՝ «Դու այն չես, ինչպիսին որ քեզ ներկայացնում ես», և կտեսնեք, թե ինչպես է հանգիստ ու բարեհոգի այդ մարդը վերածվում նյարդային և խոցելի գազանի։ Ի դեպ, նույն բանը կկատարվի, եթե դուք որոշեք քննադատել այդ մարդու արտաքին տեսքը։

 

Կույս՝ «Դա քեզ չի վերաբերում»

 

Կույսերին հետաքրքիր է այն ամենը, ինչ տեղի է ունենում նրանց շուրջ։ Նրանք հետաքրքրվում են տեղի ունեցող պրոցեսներով, քանի որ դա նրանց թույլ է տալիս զգալ իրենց նշանակությունը։ Դրա համար էլ այն մարդիկ, ովքեր փորձում են խիստ նվազեցնել Կույսերի գործունեության նշանակությունը, սարսափելի նյարդայնացնում են նրանց։ «Դա քեզ չի վերաբերում» արտահայտությունը լսելուց հետո Կույսերը դադարեցնում են այն արտաբերողի հետ բոլոր շփումները։

 

Կշեռք՝ «Արագացրու»

 

Կշեռքներին այնքան էլ հեշտ չէ հունից հանել։ Դրանք հավասարակշռված ու չշտապող մարդիկ են, ովքեր աշխատում են ամեն ինչում հասնել ներդաշնակության։ Ճիշտ է, նրանք էլ թույլ կողմ ունեն։ Սկսեք շտապեցնել Կշեռքներին, և դուք կտեսնեք, թե որքան նյարդային է դառնում այդ մարդը։ Կշեռքներին ժամանակ է պետք ամեն ինչ կշռադատելու համար նախքան որոշում կայացնելը, իսկ այս մարդուն շտապեցնելու փորձերը  նյարդայնացնում են նրան։

 

Կարիճ «Ես քեզ վերջնագիր եմ ներկայացնում»

 

Կարիճին վերջնագիր ներկայացնելը նույնն է թե՝ մտնես կատաղած վագրի վանդակը։ Հետևանքները մոտավորապես նույնն են։ Կարիճները տանել չեն կարողանում, երբ իրենց հետ վերջնագրերով են խոսում։ Այդ իրավիճակում նրանք ագրեսիվ և անգամ վտանգավոր են դառնում, քանի որ վայրկենապես հունից դուրս են գալիս։

 

Աղեղնավոր «Ամեն ինչ վատ է»

 

Աղեղնավորները կենսախինդ անձնավորություններ են, ովքեր չեն տրտնջում ու հուսալքվում նույնիսկ անելանելի իրավիճակների դեպքում։ Իսկ ահա նվնվացողներին նրանք տանել չեն կարողանում։ Սկզբում նրանք փորձում են մարդուն համոզել, որ նա խտացնում է գույները ու ամեն ինչ սև տոներով է տեսնում։ Բայց եթե զրուցակիցը չի լսում Աղեղնավորին, վերջինս նյարդայնանում է։ Զարմանալի չէ, որ պասիվ անձնավորությունների հետ, ովքեր ամեն ինչից վախենում են և գերադասում են ոչ մի բանի չխառնվել, Աղեղնավորն ընդհանուր լեզու է գտնում։

 

Այծեղջյուր՝ «Հիմարություններ մի ասա»

 

Այծեղջյուրները խելացի անձնավորություններ են՝ իրենց մասին շատ բարձր կարծիքով։ Նրանք ոչ միայն խելացի են, այլև հպարտանում են իրենց փորձով ու գիտելիքներով։ Իսկ այս անձնավորությունների սիրելի զբաղմունքը մարդկանց խորհուրդներ տալն է ու սեփական ինտելեկտը ցուցադրելը։ Բայց եթե ինչ-որ մեկը Այծեղջյուրին ցույց է տալիս, որ նա թերի գիտելիքներ ունի այս կամ այն հարցում, հատկապես՝ «հիմարություններ մի ասա» արտահայտությամբ, նա ռիսկի է դիմում ոչ միայն փչացնել հարաբերություններն Այծեղջյուրի հետ, այլ, ի դեմս նրա, թշնամի ձեռք բերել։

 

Ջրհոս՝ «Դու ձանձրալի ես»

 

Ջրհոսներն իրենց ազատասեր անձնավորություններ են համարում ու իսկական արկածներ փնտրողներ։ Նրանց հետ պարզապես հնարավոր չէ ձանձրանալ։ Դրա համար էլ, երբ ինչ-որ մեկը Ջրհոսին մեղադրում է ձանձրալի լինելու մեջ, դա նրանց նյարդայնացնում է։ Եվ այն մարդիկ, ովքեր համարում են, որ Ջրհոսի հետ շփվելը հետաքրքիր չէ, պարզապես ջնջվում են նրանց կյանքից։

 

Ձկներ՝ «Լսեցի, այստեղ քո մասին ասում էին…»

 

Այս նշանին պատկանող անձինք բամբասանքներ չեն սիրում ու ատում են դրանք տարածողներին։ Բայց երբ իմանում են, որ իրենց քննարկում են, զայրանում են թե այդ մարդկանց, թե բամբասանքը տարածողների վրա։։ Ձկներն ուղղամիտ ու բաց մարդիկ են, ովքեր սովոր չեն իրենց ծանոթներին քննարկել նրանց թիկունքում, և տանել չեն կարողանա, եթե ինչ-որ մեկը նրանց մասին բամբասանքներ տարածի։ Նմանատիպ խոսակցությունից հետո այդ մարդիկ հավիտյան կզրկվեն Ձկների ընկերակցությունից։