ՊԱՏՄՈՒԹՅԱՆ ԱՅՍ ՕՐԸ (25 ՄԱՅԻՍԻ). Հայաստանում կայացել են խորհրդարանական ընտրություններ ու սահմանադրական հանրաքվե

ОБЩЕСТВО 25 Май, 2019 13:34

ՏՈՆԵՐ ԵՎ ՀԻՇԱՏԱԿԻ ՕՐԵՐ

Աֆրիկայի ազատագրման միջազգային օր, Արգենտինա՝ Մայիսյան հեղափոխության օր, Հորդանան՝ Անկախության օր, Թուրքմենստան՝ Աշխաբադի օր, Ուկրաինա՝ Կիևի օր, գնչուներ՝ կաթոլիկների Սարի Կալիի մկրտության օր։

ՀԱՅ-ՀԱՅԱՍՏԱՆ

1857-ծնվել է դերասանուհի Սիրանույշը։

1933-ծնվել է հայագետ, աղբյուրագետ և կովկասագետ Պարույր Մուրադյանը։

1935-ծնվել է ճարտարապետ Արծվին Մինասյանը։

1951-ծնվել է գրող և թարգմանիչ Վաչագան Սարգսյանը:

1968-տեղի է ունեցել Սարդարապատի ճակատամարտին նվիրված հուշահամալիրի բացումը։

1968-ծնվել է ռուսաստանցի հայազգի գործարար և բարերար Ռուբեն Վարդանյանը։

2001- Երևանում տեղի է ունեցել Հավաքական անվտանգության պայմանագրի անդամ վեց պետությունների նախագահների գագաթաժողովը:

2002- Մեկ տարի առաջ Հայաստանի կոմունիստական կուսակցության (ՀԿԿ) ներսում տեղի ունեցած խմորումների հետևանքով կուսակցությունից հեռացված անդամները անցկացրել են Հայաստանի նորացված կոմունիստական կուսակցության (ՀՆԿԿ) առաջին համագումարը:

2003- կայացել են խորհրդարանական ընտրություններ ու սահմանադրական հանրաքվե. քվեաթերթիկների լցոնման մասին ահազանգեր այս ըտրությունների ժամանակ գրեթե չեն եղել: Ամենատարածված ընտրախախտումը եղել է ընտրակաշառքը:

2007-Երևանի «Զվարթնոց» օդանավակայանում բացվել է նոր ուղևորային համալիրը:

2018- ազգային անվտանգության ծառայության աշխատակիցները մուտք են գործել մաքսազերծմամբ և հարկային հաշվառմամբ զբաղվող «Նորֆոլկ քընսալթինգ» ընկերություն և առգրավել փաստաթղթերը:

-վարչապետ Նիկոլ Փաշինյանը զինված ուժերի բարձրագույն սպայական անձնակազմին ներկայացրել է գլխավոր շտաբի նոր պետին՝ Արտակ Դավթյանին:

ԱՇԽԱՐՀՈՒՄ

5493 մ.թ.ա.-համաձայն կրոնական պատկերացումների, սա աշխարհի արարման պայմանական օրն է, որից սկսվել է Ալեքսանդրիական ժամանակագրությունը։

1085-Ալֆոնսո 4-րդ Խիզախը մուսուլմաններից հետ է գրավել Տոլեդոն ։

1579-Իվան Ահեղը նամակ է ուղարկել Դոնի կազակներին։ Այս օրը համարվում է Դոնի կազակության հիմնադրման օր։

1659-Անգլիայի, Շոտլանդիայի և Իռլանդիայի լորդ-պրոտեկտոր Ռիչարդ Կրոմվելը հրաժարական է տվել։

1787-Ջորջ Վաշինգտոնի նախագահությամբ հավաքվել է սահմանադրական Կոնվետ, որպեսզի մշակի ԱՄՆ-ի Սահմանադրությունը։

1829-Լոնդոնում կայացել է Մենդելսոնի «Առաջին սիմֆոնիայի» պրեմիերան։

1869-բացվել է Վիեննայի օպերայի շենքը։ 1889-ծնվել է ռուս և ամերիկացի ավիակոնստրուկտոր, գիտնական, գյուտարար, առաջին ռուսական ինքնաթիռների և ամերիկյան ուղղաթիռների կոնստրուկտոր Իգոր Սիկորսկին։

1892-ծնվել է հարավսլավ քաղաքական գործիչ, 1953 թվականից Հարավսլավիայի ղեկավար Իոսիպ Բրոզ Տիտոն։

1895-Օսկար Ուայլդը լոնդոնյան դատարանի կողմից դատապարտվել է երկու տարով՝ «անբարոյական վարմունքի» համար՝ կապ տղամարդու հետ։

1941-Լիվիա են մտել և ամրացել գերմանական զորքերը։

1946-հայտարարվել է Հորդանանի անկախությունը Անգլիայից։

1957-բացվել է ԽՍՀՄ-ի ամենամեծ հյուրանոցը ՝ «Ուկրաինան»։

1963-աֆրիկական երկրների՝ Ադիս-Աբեբայում կայացած 1-ին կոնֆերանսում ստեղծվել է «Աֆրիկական միություն» կազմակերպությունը։

1979-Չիկագոյում վթարի է ենթարկվել ԴՍ10-ը, զոհվել է 273 մարդ: Սա այն ժամանակվա համար ԱՄՆ-ի պատմության ամենախոշոր աղետն էր։

2002-Թայվանի նեղուցի շրջանում վթարվել է Բոինգ-747 ինքնաթիռը, զոհվել է 225 մարդ:

2005-Ստամբուլում կայացած եզրափակիչ խաղում «Լիվերպուլը» 5-րդ անգամ դարձել է ՈՒԵՖԱ-ի չեմպիոնների գավաթակիր։

2014-մահացել է լեհ ռազմական և պետական գործիչ Վոյցեխ Յարուզելսկին։

Կամո Խաչիկյան