Ուժեղ քամին տարել է նաև Գյուղատնտեսության նախարարության Ջրային տնտեսության պետական կոմիտեի նախագահ Արամ Հարությունյանի «կռիշը». ժողովուրդն էլ ասում է՝ քամու բերած, քամու տարած (լուսանկարներ, տեսանյութ)

Երեկ՝ նոյեմբերի 12-ին, հանրապետությունում տեղի ունեցած ուժեղ քամու հետևանքով նյութական վնասներ են կրել նաև Եղվարդ քաղաքի մեծ թվով բնակիչներ:

Ինչպես նշված վայրից հայտնում է ֆոտոլրագրող Գագիկ Շամշյանը, ուժեղ քամին պոկել է մի քանի տների տանիքներ, վնասել ծառեր, էլեկտրալարեր:

Ֆոտոլրագրողի հետ զրույցում տուժած քաղաքացիներն ասում էին. «Քաղաքապետարանից եկել, հարցրել են՝ ինչ ա եղել, ինչ չի եղել ու թողել, գնացել են: Եվ հստակ չեն պատասխանել, թե արդյոք մեզ կօգնեն, թե չէ: Մինչև այդ պահը մենք մեր ուժերով ենք վնասները վերականգնում»:

Ֆոտոլրագրողը հայտնում է նաև, որ քամին գրեթե ամբողջովին պոկել է գյուղատնտեսության նախարարության ջրային տնտեսության պետական կոմիտեի նախագահ Արամ Հարությունյանի հսկայական երկհարկանի տան տանիքի թիթեղյա շիֆերները՝ շպրտելով դրանք անգամ հարևան տան տանիքի վրա ու վնասելով նաև այն:

Հավաքվածները նաև արդարացիորեն բարձրաձայնում էին, «Եթե ջրի խնդիր ունեինք, բարեկարգ ճանապարհների, հիմա էլ եկավ ու ավելացավ էս կոտրված տանիքները: Ժողովուրդը ճիշտ ա ասում էլի, որ կարկուտը ծեծած տեղն ա ծեծում: Արամ Հարությունյանը փողի մեշոկի վրա նստած ա: Նա մի օրում իր տանիքի հարցը կլուծի, բա ի՞նչ անեն էն խեղճ ու կրակ մարդիկ, ովքեր սոցիալապես ոչ միայն անապահով են, այլ նաև գործազուրկ են, թոշակառուներ են և ունեն առողջական խնդիրներ: Պետք ա դրանց օգնեն: Ճանապարհների մասին էլ խոսք չկա: 

Նյութի շարունակություը shamshyan.com-ում