Կազիմիրովն Ադրբեջանին մեղադրում է բանակցային գործընթացը ձախողելու մեջ

ԵԱՀԿ Մինսկի խմբի նախկին համանախագահ Վլադիմիր Կազիմիրովը Լեռնային Ղարաբաղի հակամարտության խաղաղ կարգավորմանն ուղղված բանակցություններում առաջընթացի բացակայության համար մեղադրում է Ադրբեջանին: Երևանում լրագրողների հետ զրույցում դիվանագետն ընդգծեց, որ վերջերս առիթ է ունեցել լսելու դեռևս 1990-ականներին հակÕ �մարտող կողմերի ղեկավարների հանդիպումների և ելույթների  ձայնագրությունները: «Ես ցանկանում եմ ընդգծել, որ այդ ժամանակ Ադրբեջանի նախագահ Հեյդար Ալիևը հայտարարել է, որ հակամարտությունը պետք է կարգավորվի բացառապես խաղաղ ճանապարհով: Եվս մեկ ձայնագրությունում Հեյդար Ալիևը հայտարարում է, որ պատրաստ է ամեն օր վերահաստատել զինադադարը: Համապատասխանո՞ւմ են Ադրբեջանի ներկա գործողություններն այդ հայտարարություններին, ես կարծում եմ, որ պատասխանը բոլորի համար է պարզ, իհարկե՝ ոչ»,- ընդգծեց Կազիմիրովը:

Նախկին համանախագահի խոսքով՝ քանի դեռ չի եղել այն փոխըմբռնումը, որ հակամարտությունը պետք է կարգավորվի բացառապես խաղաղ ճանապարհով, չի կարելի հույս ունենալ, որ բանակցային գործընթացը կարող է արդյունք տալ: «Սա կարևորագույն հանգամանք է, որը բխում է նաև ՄԱԿ-ի անվտանգության խորհրդի ընդունած 4 բանաձևերից: Բոլոր բանաձևերում առաջնային է համարվում ռազմական գործողությունների, հրադադարի խախտումների դադարեցումը: Նաև պահանջ կա վերացնելու շրջափակումը, վերականգնելու տնտեսական և տրանսպորտային կապերը, սակայն մենք տեսնում ենք, որ մինչև այս պահը այÕ ½ պահանջները չեն կատարվել»,- շեշտեց դիվանագետը:

Կազիմիրովն ընդգծեց, որ հաճախ է պաշտոնական Բաքվի կողմից լսում դժգոհություններ ԵԱՀԿ Մինսկի խմբի գործողություններից և ընդհանրապես այդ ձևաչափից, սակայն խնդիրը Մինսկի խմբի մեջ չեն, այլ՝ հակամարտող կողմերի: Հայաստանն ու Լեռնային Ղարաբաղը, նրա համոզմամբ, պատրաստ են աշխատելու, որպեսզի այդ հակամարտությունը լուծեն խաղաղ ճանապարհով, իսկ ադրբեջանական կողմն այս պահին պատրաստ չէ դրան: «Համենայն դեպս, այդ երկրի ղեկավարությունը չի հետևում անգամ Ադրբեջանի համազգային առաջնորդ համարվող Հեյդար Ալիևի ցուցումներին, որոնց մասին ես քիչ առաջ խոսեցի&raqu o;,- եզրափակեց Կազիմիրովը:

Լեռնային Ղարաբաղի հակամարտության ռազմական փուլը ծագել է 1991թ., երբ ի պատասխան ԼՂ բնակչության ինքնորոշման պահանջի, ադրբեջանականիշխանությունները փորձեցին հարցը լուծել` խորհրդային անվտանգության ուժերի (ԿԳԲ-ի հատուկ ջոկատներ) կողմից անձնագրային ռեժիմի իրականացման քողի տ ակէթնիկ զտումներ իրականացնելով եւ լայնածավալ ռազմական գործողություններ սկսելու ճանապարհով, որը բերեց հազարավոր զոհերի եւ զգալի նյութականկորուստների: 1994թ. կնքվեց զինադադար: Ներկայումս հիմնախնդրի կարգավորման շուրջ բանակցությունները ընթանում են ԵԱՀԿ Մինսկի խմբի համանախագÕ �հների (Ռուսաստան, ԱՄՆ, Ֆրանսիա) միջնորդությամբ, սեղանին դրվել է նաև 2007թ. նոյմբերին միջնորդների կողմից ներկայացված մադրիդյանառաջարկությունները:

Ադրբեջանը մինչ այսօր չի կատարում ՄԱԿ-ի Անվտանգության խորհրդի 1993 թ. 4 բանաձեւերը` շարունակելով տարածաշրջանում սպառազինությունների մրցավազքիհրահրումը եւ կոպտորեն խախտելով միջազգային իրավունքի ուժի եւ ուժի սպառնալիքի չկիրառման սկզբունքը: