ԱՄՆ դեսպանը կարևորում է իրազեկված մասնակցությունը Սահմանադրության հանրաքվեին

 Հայաստանում ԱՄՆ դեսպանատունը հետևում է սահմանադրական փոփոխությունների հանրաքվեի քարոզարշավի ընթացքին` կարևորելով բաց և ազատ բանավեճի, լրատվամիջոցներից հավասարապես օգտվելու հնարավորության ապահովումը:

Մարդու իրավունքների պաշտպանի գրասենյակի կողմից կազմակերպված «Մարդու իրավունքները Սահամանադրության նոր նախագծում» քննարկմանը այս մասին հայտնեց ՀՀ-ում ԱՄՆ արտակարգ ևլիազոր դեսպան Ռիչարդ Միլսը:

«Կարևոր է, որ ՀՀ յուրաքանչյուր քաղաքացի հնարավորություն ունենա ծանոթանալ Սահմանադրությանը և իմանա դրա հետևանքների մասին, որ այն կունենա իր վրա, և կայացնի իրազեկված որոշում: Բոլորը կողմերի կարծիքները պետք է լսելի լինեն, դեմ և կողմ տեսակետներով մարդիկ հավասար հնարավորություններ ունենան օգտվելու լրատվամիջոցներից`մասնավորապես հեռարձակվող լրատվամիջոցներից»,- լրագրողներին ասաց դեսպանը:

Ամերիկյան դիվանագետը հավելեց, որ մասամբ ծանոթացել է Սահմանադրության նոր նախագծին, ինչպես նաև Վենետիկյան հանձնաժողովի և հայաստանյան քաղաքացիական հասարակության տված գնահատականներին,  սակայն խուսափեց որևէ գնահատական տալ: «Ինձ` Միացյալ Նահանգների կառավարության ներկայացուցչիս համար տեղին չէ որևէ գնահատական տալ նախագծին: Հայ ժողովուրդը պետք է ուսումնասիրի նախագիծը, մասնակցի բանավեճերին, հասկանա` ինչ հետևանքների կհանգեցնեն այդ փոփոխություններն իր կյաքնում և իրազեկված  որոշում կայացնի: Եվ եթե որոշում կայացվի փոխել սահմանադրու թյունը, ապա դա նրա ընտրությունն է»,- հավելեց նա:

Սահմանադրական փոփոխությունների հանրաքվեի քարոզարշավը մեկնարկել է հոկտեմբերի 10-ին և կշարունակվի մինչև դեկտեմբերի 4-ը: Նոր Սահմանադրությանհանրաքվեն կանցկացվի դեկտեմբերի 6-ին, առավոտյան 08.00-ից բաց կլինեն բոլոր ընտրատեղամասերը: Հանրաքվեն գործելու է Ընտրական օրենսգրքիկանոնակարգով և Հանրաքվեի մասին օրենքով:

Քարոզարշավի համար անվճար եթերաժամանակ է տրվելու միայն ԱԺ խմբակցություններին, իսկ եթեր տրամադրող հեռուստա և ռադիոընկերություններն իրենց վճարովիեթերաժամանակի մեկ րոպեի գինը պետք է ներկայացվեր հոկտեմբերի 15-ից ոչ ուշ: Իսկ հանրաքվեին մասնակցելու իրավունք ունեցող քաղաքացիների ցուցակներըկփակցվեն հոկտեմբերի 27-ին: