Ինչու չի կարելի երկար նայել հայելու մեջ

Մեզանից յուրաքանչյուրն ամեն օր առնչություն է ունենում մեր կենցաղի համար այդքան սովորական դարձած հայելիների հետ, ու քչերն են պատկերացնում, թե իրականում ինչ ազդեցություն են մեզ վրա թողնում հայելիները, և ինչ է կատարվում, եթե երկար նայում ենք հայելու մեջ։

Կան հազարավոր նախապաշարմունքներ, հավատալիքներ ու միստիկ պատմություններ՝ կապված առեղծվածային այս իրի հետ։ Դրա հարթ ու արտացոլող մակերևույթը գայթակղում էր հնադարյան պաշտամունքների քրմերին, փիլիսոփաների ու գիտնականների, իսկ կախարդներն օգտագործում էին հայելիներն իրենց կախարդություններում։

Ինչու չի կարելի երկար նայել հայելու մեջ

Այս իրի հետ կապված կան բազմաթիվ հավատալիքներ, որոնք հստակորեն բացահայտում են, թե ինչ կլինի, եթե երկար նայես հայելու մեջ։ Ըստ որոշ վարկածների՝ դա կարող է բերել վաղաժամ ծերացման, իսկ այլոք պնդում են, որ հայելին կլանում է մեր կենսական էներգիան ու քայքայում է մեր պաշտպանիչ աուրան։ Բանն այն է, որ հայելային մակերևույթն ունի ոչ միայն արտացոլելու, այլ նաև էներգետիկա կուտակելու հատկություն, ու միշտ չէ, որ այդ էներգետիկան դրական է։ Դրա համար էլ խորհուրդ է տրվում հնարավորինս հաճախ սրբել Ձեր տան հայելիները։

Գոյություն ունեն նաև որոշակի կանոններ՝ կապված տան հայելիների ձևի, չափերի ու գտնվելու տեղի հետ։ Դրական էներգետիկա ստանալու համար հայելին պետք է լինի կլոր կամ էլ օվալաձև, ու դրա չափերը պետք է հարմար լինեն ընտանիքի բոլոր անդմաներին։ Այսինքն՝ նրանց ամբողջական արտացոլանքը պետք է երևա հայելու մեջ։ Բացի դրանից, պետք է իմանալ, որ հյուրասենյակում, խոհանոցում ու միջանցքում գտնվող հայելիները կարող են դառնալ դրական էներգետիկայի աղբյուր, իսկ զուգարանի ու ննջարանի հայելին՝ ընդհակառակը։

Հին ժամանակներում հայելու մեջ երկար նայելը նույնիսկ մեղք էր համարվում, քանզի կար սնահավատություն, որ այն մաս-մաս գողանում է մեր հոգու մասնիկները, ու դա հատկապես վերաբերվում էր կանանց, ովքեր սիրում էին զմայլվել իրենք իրենցով։ Համարվում էր, որ նման կանանց հոգին կարող է ամբողջովին անցնել հայելու մյուս կողմն ու մահանալ այնտեղ։ Մեր նախնիները համարում էին, որ հայելու մեջ բնակվում են մեր երկրորդ «Եսերը», ու հենց դրա համար է համարվում, որ հայելին կոտրելը վատ նշան է, քանի որ, կոտրելով այն, դու կոտրում ես քո հոգու մի մասը։

Հայելու մեջ նայելիս հատկապես չի կարելի նայել ուղիղ աչքերիդ, քանի որ դա բերում է էներգիայի հսկայական կորստի։ Ամերիկացի գիտնականները նույնիսկ փորձարկում են արել ու մարդկանց հանձնարարել են երկար ժամանակ ուսումնասիրել իրենց արտացոլանքը հայելու մեջ։ Արդյունքները պարզապես ցնցող էին, արդեն երեք րոպե հետո մարդը սկսում էր լուրջ հոգնածություն զգալ, իսկ որքան ավելի երկար էր նա նայում իր արտացոլանքին, այնքան ավելի շատ էներգիա էր կորցնում, ավելին՝ որոշ դեպքերում դա սկսում էր ազդել նաև հիշողության վրա։

Այսինքն, կարելի է ասել, որ հայելիներն իսկական էներգետիկ վամպիրներ կարող են լինել, եթե չկարողանաք դրանք ճիշտ օգտագործել։ Չի կարելի հայելու մեջ նայել, երբ հիվանդ ես ու դժբախտ, որովհետև հայելին հիշում է նաև մեր էմոցիաները և հետագայում կարող է այդ կուտակած բացասական լիցքը մեր իսկ վրա կրակել։ 

Ինչպե՞ս ճիշտ նայել հայելու մեջ, որպեսզի չվնասվենք

Իհարկե, վերոնշյալը հետաքրքիր է ու գուցե մի քիչ վախեցնող, բայց ժամանակակից կինն այնպես է կառուցված, որ նա պարզապես չի կարող առանց հայելու։ Նա միշտ պետք է իր աչքերով տեսնի, որ լավ տեսք ունի, իսկ դա առանց հայելու անելը բավականին դժվար բան է։ Ուստի, որպեսզի ինքնաբերաբար չսկսենք կլանել հայելու բացասական լիցքերը, դրան պետք է մոտենալ ժպտալով ու անպայմանորեն հավատալով, որ Դուք ամենահմայիչ ու գայթակղիչ կինն եք, և եթե Դուք դա անեք պարբերաբար ու հետևողականորեն, շուտով հայելին ինքը կսկսի հաստատել դա։ Եվ երբ Դուք «ընկերանաք» Ձեր հայելու հետ, այդ պահից կարող եք չվախենալ դրա մեջ երկար նայելուց։