Թբիլիսիի քաղաքային խորհրդի նախագահը չի բացառել մանկապարտեզներից մեկում հայկական բաժին բացելը

Թբիլիսիի քաղաքային խորհրդում ավանդաբար ընդգրկված են եղել հայ պատգամավորներ եւ այսօր էլ խանգարող որեւէ հանգամանք չկա, որպեսզի Վրաստանում ակտիվ գործունեություն ծավալող հայերն ընդգրկվեն նաեւ քաղաքային խորհրդում: Տեսակետը Թբիլիսիի քաղաքային խորհրդի նախագահ Գիորգի Ալիբեգաշվիլիին  armenian-community.ge կայքի հետ զրույցում Ալիբեգա շվիլիին ասել է, որ ակտիվ հայերը կարող են մասնակցել ընտրություններին, ինչպես համամասնական, այնպես էլ մեծամասնական ընտրակարգով: «Վրաստանը բազմազգ և հանդուժող երկիր է: Դա համընդհանուր ճանաչում գտած փաստ է: Մեր օրենսդրությունը ոչ ոքի չի արգելում մասնակցություն ունենալ քաղաքական գործընթացներին: Այսօրվա դրությամբ ընտրությունները մեր երկրում անցկացվում են մեծամասնական և համամասնական համակարգով: Մենք ունենք ակտիվ հայ ներկայացուցիչներ: Ինձ համար նման խնդիր գոյություն չունի: Չկա որևէ իրավիճակ, որի դեպքում մենք ինչ-որ մեկին արգելենք մասնÕ �կցել քաղաքական կյանքին: Ամեն ինչ պետք է տեղի ունենա ժողովրդավարության շրջանակում: Երկրի բնակչությունն ինքը պետք է որոշի, թե ով կներկայացնի իր շահերը: Հայտնի է, մեր խորհրդարանում ավանդաբար եղել են հայ պատգամավորներ: Համապատասխանաբար, ես կարծում եմ, որ նման մոտեցումը լիովին ընդունելի է Թբիլիսիի Քաղաքային Խորհրդի համար»,- ասել է նա` հավելելով, որ բազմազգության թեման իր համար շատ կարեւոր եւ հոգեհարազատ է, քանի որ ինքը մեծացել է հայերի, հրեաների, ռուսների շրջապատում:

Խոսելով ազգային փոքրամասնությունների ներկայացուցիչների համար տեղական և պետական մարմիններում քվոտաների ներմուծման մասին, Գիորգի Ալիբեգաշվիլիին խորհուրդ է տվել ուսումնասիրել միջազգայնորեն ճանաչված չափանիշներն ու շարժվել ըստ դրա: «Բնականաբար, ենթադրվում է, որ ազգության խնդիրը միշտ էլ գոյություն կունենա: Բայց ամեն ինչ կախված է նրանից, թե մենք ինչպես կվերաբերվենք դրանց և ինչ ճանապարհով կփորձենք լուծել գոյություն ունեցող հարցերն ու խնդիրները: Ես համոզված եմ, որ հաշվի առնելով վրացիների բնավորությունն ու պատմական փորձը` բոլոր աÕ �դ հարցերը լիովին լուծելի են: Մենք թշնամական վերաբերմունք չունենք ոչ մի ազգի նկատմամբ»,- ասել է նա:  

Լրագրողի դիտարկմանը, որ Թբիլիսիում ապրում է մոտ 60 հազար հայ, բայց մինչ այժմ քաղաքում չկա ոչ մի պետական մանկապարտեզ, որտեղ դասավանդումը կտարվեր հայոց լեզվով, Ալիբեգաշվիլին ասել է, որ մանկապարտեզների հարցը քաղաքին անհանգստացնող ամենասուր հարցերից մեկն է:

 «Դա հատուկ որևէ մեկ ազգության խմբի հարցը չէ: Չնայած որ հայկական մանկապարտեզի հարցը հստակ խնդիր է, միաժամանակ այն գլոբալ է քաղաքի մասշտաբով: Կառավարությունը որոշում է ընդունել այն մասին, որ մանկապարտեզներն անվճար դառնան: Ցավոք, պարզվել է, որ մենք չենք կարող բոլոր երեխաներին ապահովել մանկապարտեզների ծառայություններով: Շատ շենքերում, որոնք պետք է մանկապարտեզներ լինեին, այսօր անօրինականորեն ապրում են փախստականներ: Այդ շենքերն իրենց նպատակին չեն ծառայում:  Մենք արդեն սկսել ենք աշխատել մանկապարտեզների խնդիրների լուծմամբ: ԱյսօրվÕ ¡ դրությամբ ավելի քան 10 000 երեխա մանկապարտեզ հաճախելու հնարավորություն չունի: Հայկական մանկապարտեզի հարցը պետք է քննարկվի հատկապես այս համատեքստում: Գոյություն ունեն բազմաթիվ մասնավոր մանկապարտեզներ… Հայկական համայնքը զրկված չէ լիցենզիա ստանալու և մանկապարտեզ բացելու հնարավորությունից: Դա կարող է խնդրի ժամանակակից լուծում դառնալ: Այնքան, մինչև պետությունը չորոշի իրականացնել պատասխանատվության իր բաժինը: Խնդրի լուծման այլ տարբերակ կա»,- ասել է նա` չբացառելով նաեւ այն հանգամանքը, որ գուցե գործող մանկապարտեզներից մեկում բացվ ի հայկական բաժին: