10 կարծրատիպեր չինացիների մասին, որոնք չեն համապատասխանում իրականությանը

Ճանապարհորդ, քունգ ֆուի մարզիչ Մարիա Պիպենկոն որոշել է կոտրել բոլոր այն կարծրատիպերը և կլիշե մտքերը, որոնք մեզ մոտ առաջանում են Չինաստան անվանումը լսելիս:

• Մենք կարծում ենք, որ չինացիները չունեն պատշաճ վարվելաձև և այնքան էլ քաղաքավարի չեն: Սակայն լավ դաստիարակված չինացին, համոզված եղեք, իր քաղաքավարությամբ և պահվածքով մի քանի անգամ գերազանցում է արևմուտքի ժողովուրդներին: Թաշկինակով քիթն անվայել մաքրելը կամ ընկերոջը թույլ տալ, որ քո փոխարեն վճարի, կոպիտ արարքներ են, սակայն քաղաքավարի չինացին այսպիսի բաների մասին երբեք չի էլ մտածի: Նրանք յուրաքանչյուր դեպքում փորձում են առաջինը դիմացինի մասին մտածել:

• Դաժան չինացիները կատուներ և շներ են ուտում: Իսկ տեսնես ինչու՞ ենք մենք խոզեր և կովեր ուտելը ավելի լավ համարում: Չինացի ուսանողները հաճախ են ասում. «Ինչու՞ ուտել շներին, չէ՞ որ նրանք մեր ընկերներն են»: Այո՛, Չինաստանում երբեմն ուտում են կատուներին, սակայն դա անող մարդկանց քանակը չափազանց քիչ է:

• Չինացիներին իրարից տարբերելը հնարավոր չէ: Իհարկե հնարավոր է: Մալայզիական և սինգապուրյան չինացիներին շատ հեշտ է տարբերելը, ինչպես նաև երկրի հարավային և հյուսիսային մասերում բնակվողներին: Ուղղակի հարկավոր է հարմարվել շրջապատիդ, և որոշ ժամանակ անց կսկսեք զգալ նրանց տարբերությունները:

• Բոլոր չինացիները կարճահասակ են: Նրանց կարճահասակությունը կապված է սննդակարգի հետ, սակայն վերջին 20 տարիների ընթացքում նրանց կենսակերպն ու առողջությունը բարելավվել է՝ այդպիսով նպաստելով հասակի աճին:

• Չինական ապրանքները վատ որակ ունեն: Իհարկե, չինական անորակ շատ ապրանքներ բանի պետք չեն, սակայն հանրահայտ բրենդներից շատերի պիտակներին էլ նայելիս գրված կտեսնեք Made in China։ Որակը կախված է նրանից, թե որ կազմակերպությունից եք գնում կամ պատվիրում ապրանքը:

• Չինաստանն էժան երկիր է: Գնային հսկայական անդունդ կա մեծ քաղաքների և մարզերի միջև: Կենտրոնական Չինաստանում կարող եք մեծ բնակարան վարձել $200-ով, սակայն կդժվարանաք անգամ փոքրը գտնել Շանհայում՝ $500-ով: Միակ բանը, որն այստեղ ավելի էժան է, քան արևմուտքում, սնունդն է:

• Չինացիները միայն բրինձ են ուտում: Չինական խոհանոցն ամենաբազմազանն է ողջ աշխարհում՝ սկսած բանջարեղենների տեսակներից մինչև համեմունքները: Կախված տարածաշրջանից և եղանակից՝ չինական խոհանոցը հսկայական բազմազանություն է առաջարկում:

• Դաժան պատժամիջոցներ՝ թմրանյութերի կիրառման համար: Շատ օտարերկրացիներ վրդովված են սրանից, սակայն այս ցուցակում սա միակն է, որ համապատասխանում է իրականությանը: Թմրանյութերի կիրառման համար գործածվող պատիժները սկսվում են երկար ազատազրկումներից մինչև անգամ մահապատիժ: Սակայն եկեք համաձայնենք, որ դա ոչ թե քմահաճույք է, այլ անհրաժեշտություն: 20-րդ դարի սկզբին Չինաստանի բնակչության մեծ մասը կախվածություն ուներ ափիոնից, և այժմ զարմանալի չէ, որ չինական կառավարությունն ամեն ինչ անում է դա կանխելու համար:

• Բոլոր չինացիները քունգ ֆուի վարպետներ են: Ճիշտ է, և բոլոր ամերիկացիներն էլ սիրում են համբուրգեր: Քունգ ֆուն չինական մշակույթի անպառակտելի մասն է կազմում: Չկա այնպիսի ֆիլմ կամ հեռուստաշոու, որի մեջ ի ցույց չդրվի այս մարտարվեստը: Մեր օրերում հմուտների քանակը Չինաստանում իրականում այնքան էլ մեծ չէ:

• Մի ընտանիք՝ մի երեխա: Ես երբեք չէի հարցնում իմ չինացի ընկերներին՝ ունե՞ն նրանք քույր կամ եղբայր, թե՞ ոչ, մինչև որ չպարզեցի, որ ունեն, այն էլ՝ մի քանիսը: Մեկ երեխայի կանոնը մեծ քաղաքների համար է: Մարզերում ծնողներն ուղղակի վճարում են յուրաքանչյուր երեխայի ծնունդից հետո, և կապ չունի, թե վերջինս գրանցված է, թե ոչ: Ի դեպ՝ 2016 թ. հունվարի 1-ից սկսված՝ յուրաքանչյուր չինացի արդեն իրավունք ունի երկու երեխա ունենալու: