«Դոմինո» սիթքոմի դերասանուհու նուրբ և գայթակղիչ ֆոտոշարքը

Blognews.am-ը գրում է.

Դերասանուհի Գայանե Ավետիսյանին հեռուստադիտողը տեսնում է «Դոմինո» սիթքոմում. նա մարմնավորում է Սոֆային: Օրեր առաջ Գայանեն լուսանկարվել է BlogNews.am–ի համար, որտեղ ներկայցել է երեք կերպարներում`մեկը մյուսից տարբեր: Իսկ զրույցի ընթացքում Գայանեն անկեղծացել  և հետաքրքիր փաստեր է պատմել իր կյանքից և գործունեությունից:

Դերասնուհին վերջերս է վերադարձել հանգստից, ինչպես նա պատմեց մայրիկի հետ գնացել էին քույրիկին այցելության, ով բնակվում է Արաբական Էմիրություններում. «Ամեն տարի գնում եմ, ճիշտ է կար ժամանակ, երբ ես այնտեղ աշխատում էի Բրիտանական թատրոնում: Դա պայմանագրային աշխատանք էր ու խաղում էի շատ հետաքրքիր ներակայցման մեջ, որտեղ ներգրաված էին տասնչորս երկրների դերասաններ: Այս տարի չգնացի , քանի որ «Դոմինոյում» խաղալու հետաքրքիր առաջարկ ստացա: Ես սերիալներում նկարահանվելու շատ առաջարկներ էի ստանում, բայց մերժում էի, իսկ սիթքոմի ձևաչափը ինձ շատ հետաքրքեց:  

Գայանեն նշում է, որ դերասանի համար մեծ փորձ և վարպետություն է եղել խաղալ բրիտանական թատրոնում, և այդ բոլոր հնարքները օգտագործել այստեղ. «Մինչև ընտրվելը շատ-շատ բարդությունների միջով անցա.  անում էի գրեթե ամենը` երգ, պար  և շատ դժվար էր աշխատել մի ռեժիսորի հետ, ով բացարձակապես բրիտանական ակցենտով էր խոսում: Չնայած` լավ տիրապետում եմ անգլերենի, բայց  անկեղծ պետք է ասեմ` առաջին տաս օրը ես ամեն օր արտասվում էի փորձերից հետո, քանի որ չէի հասկանում, թե ինչ էր ինձ ասում: Ինձ տվեց մաքսիմալ ավելի անկեղծ  լինել բեմում և ավելի քիչ մտածել, թե  դու որքան  գեղեցիկ ես այդ պահին: Շատ լավ եմ զգացել, որպես դերասան այդ փառահեղ փայմաններում,  ինչը ցավոք չունենք այստեղ, բայց հուսամ` կունենանք: Ես երբեք չեմ կտրում իմ հույսը, որ մի օր այստեղ էլ արտիստը կապրի արտիստին վայել կյանքով»:  

Չնայած պայմանները փառահեղ էին, բայց դերասանուհին որոշեց չմնալ այնտեղ, այլ ապրել և ստեղծագործել հայրենիքում.«Այստեղ շատ-շատ ավելին կարող եմ անել, միգուցե ավելի քիչ եմ վաստակում քան դրսում, բայց նախ ընտանիքս է այստեղ, ընկերներս, մտերիմներս: Այստեղ անելիքներս ավելի շատ են, մի տեսակ չեմ կարողանում այստեղից կտրվել և գնալ: Գիտես, ես հասկացել եմ` բավականին ուժ ունեմ ամեն ինչ զրոյցի սկսելու, բայց եթե կա շանս այստեղ գեղեցիկը զարգացնելու, ապա պետք է մնալ»:

Գայանեի համար «Դոմինոն» հրաշալի, թարմ նախագիծ է. «Սա նորություն էր ինձ համար, նոր ոճ, որքան էլ որ թատրոնում արդեն տասնչորս տարի է խաղում եմ և բազում դերեր եմ կերտել` միևնույն է այս ձևաչափը հետաքրքիր էր: Բոլորս մի կարևոր բան ենք գիտակցում, որ մենք ոչ թե ծիծաղեցնում ենք մարդկանց,  այլ  պարզապես փորձում ենք իրավիճակը  խաղալ այնպես, որ այն դառնա ծիծաղելի»:  

Հեռուստաէկրանին դերասանը միշտ անհոգ է, ժպիտ է պատճառում, ուրախացնում հեռուստադիտողին, բայց իրականությունը մի քիչ այլ է. «Կա մի բան, դա եկել է թատրոնից և փոքրուց, երբ դեռ ուսանող էի: Շատ կարևոր է գիտակցել, որ դիմացինը պարտավոր չէ կրել քո հոգսերի արդյունքը և դա իրեն հետաքրքիր չէ:  Օրինակ թատրոնում հանդիսատեսը տոմս է գնում և հույս ունի երկու ժամ կտրվել իրականությունից: Եղել են դեպքեր, երբ բարձր ջերմությամբ խաղացել եմ, նույնիսկ այն ժամանակ երբ հայս վիրահատվում էր, որովհետև այդ պահին քո մասին չես մտածում:  Դերասանի կյանքը միայն իրենը չէ: Եթե դերասանները ժպտում են, այնպես չէ, որ նրանք հոգս չունեն»:   

Գայանեի օրվա գրաֆիկը բավականին հագեցած է, նա հասցնում է ամեն բան և միևնույն ժամանակ գեղեցիկ և խնամված լինել. «Ես արթնանում եմ շատ ուշ, քանի որ երեկոյան աշխատում եմ: Հասցնում եմ զբաղվել տնային գործերով. ես տան աղջիկ եմ և սիրում եմ զբաղվել մաքրությամբ, զայրանում եմ,  երբ մեկ-մեկ բացում եմ պահարանս և հասկանում, որ երեկ նկարահանում եմ ունեցել և այն թափթփված է: Ես ամեն ինչ հասցնում եմ, եթե հարցնեք իմ մայրիկին`նա իր աղջիկներից գոհ է»:  

Հայտնի մարդիկ այսօր բացի իրենց հիմանական աշխատանքից ունեն նաև երկրորդ աշխատանք. «Այսօր որքան էլ որ գումար ստանաս, միևնույն է բավարար չէ մանավանդ դերասանուհու համար, երբ նա պետք է միշտ խնամված և գեղեցիկ տեսք ունենա:  Ես սիրում եմ գեղեցիկ հագնվել, համեղ ուտել, սիրում եմ ընկերներիս հետ սրճարաններում լինել, մի խոսքով սիրում եմ գեղեցիկ ապրել:  Ես դեմ եմ այն երևույթին, որ ինչպիսի տեսքով ունի դերասանը էկրանին, այնպիսին էլ առօրյայում.  երբևէ ինձ այդպես չեն կարող տեսնել: Ես առօրյայում լրիվ առանց դիմահարդարման եմ, անգամ երբմեն ինձ չեն էլ ճանաչում , ասում են ինչ փոքր ես և դա ինձ իսկապես շատ ուրախացնում է: Ես դժգոհ չեմ այսօրվա իմ ստացած գումարից, չեմ կարող ասել որ  մեծ գումարներ եմ վաստակում, բայց պետք է ամեն դեպքում շնորհակալ լինել ամեն ինչի համար»:

Գայանեն ունի դերասանական սկզբունքներ, վստահ է` ամեն դերի համար արած գործողությունը պետք է արդարացված լինի.«Եթե ինձ  առաջարկեն նկարահանվել ֆիլմում, որտեղ պետք է բաց տեսարանում նկարահանվեմ, դա պետք է արդարացված լինի: Օրինակ ինչպես է հոլիվուդյան ֆիլմերում, որ առանց այդ տեսարանի ֆիլմը չէր ընկալվի առհասարակ: Դերասանը պետք է հասկանա` ինչի համար է ըտնրված այդ դերի համար: «Դոմինո»-ում ես խաղում եմ մի կնոջ կերպար, որն ինձ նման չէ. իմ կողքի տղամարդը շատ ուժեղ պետք է լինի: Ես դեմ եմ մայրիշխանության, բայց ես բացահայտել եմ Սոֆայի կերպարը, թե ինչպես պետք է քայլի, ինչպես զայրանա, նույնիկս թե ինչպես պետք է հագնվի: Այսինքն պետք է կարողնաս մտնես, թափանցես կերպարիդ մեջ, թե ինչ է քեզանից ուզում: Դու պարտովոր ես խաղալ տարբեր դերեր և մնաս դու»:

Դերասանուհին նաև հայտնի է որպես երգահան.նրա գրչին են պատկանում բազմաթիվ հիթային երգերի խոսքեր, իսկ դրանք շատ հետաքրքիր են ծնվում.«Իմ երգերը շատ տարբեր են իրարից, ես ունեմ մի ձեռագիր և երբ լսում են` հասկանում են որ ես եմ գրել: Հետաքրքիր մի բան ասեմ, երբ երաժշտությունը լավը չի լինում, գալիս են հիթային բառեր, բայց ոչ խորը: Երգեր կան, որ րոպեական են ծնվում: Բոլոր երգերի խոսքերն անգին են, որովհետև սիրված երգերն անգին են: Այն ինչ վճարում են հեղինակներին, սիմվոլիկ շնորհակալության պես մի բան է: Եղել են դեպքեր երբ երգը շատ լավն է եղել, խոսքերը լրացնող, բայց կատարողից հասկացել եմ, որ այլ արտիստ պետք է կատարեր»:

Գայանեն զրույցի ընթացքում նշեց, որ իր բանաստեղծությունների հիման վրա գիրք է գրել, որը շուտով լույս կտեսնի. « Այս գիրքը կարդալով կտեսնեք լրիվ այլ Գայանե Ավետիսյան, որովհետև շատ դժվար է տեսնել քո ներսի ամենաամենաթաքուն մտքերը, որոնք չգիտակցված գալիս են մեկ-մեկ թղթին: Շատ չեմ ուզում փակագծերը բացել, ուզում եմ շատ տեղին լինի և չեմ ուզում դա անեմ պարզապես անելու համար»:

Դերասանուհին անկեղծացավ և պատմեց, որ շատ խոցել է և շուտ է վստահում մարդկանց, բայց շատ շուտ էլ ներում է. « Խոցելի եմ, բայց այդ ամենով հանդերձ նաև ուժեղ.  չեմ չարանում: Այն ինչ մարդիկ չգիտեն իմ մասին, կիմանան այս հարցազրույցից հետո»:  

Զրույցի վերջում Գայանեն նշեց, որ իրեն պակասում է իր իրական հեքիաթը, իր ընտանիքը. «Ուզում եմ` իմ ընտանիքում հեքիաթային լինի ամեն ինչ, բայց նաև շատ իրական: Իմ կողիք տղամարդը կսիրի և կնդունի ինձ այնպիսին, ինչպիսին որ ես կամ:  Միայն այդ դեպքում է գալիս իրական հեքիաթը»: