Արմանին ընդմիշտ փոխեց մարդկանց պատկերացումները հագուստի մասին. 10 անգնահատելի խորհուրդ դիզայներից

Life.panorama.am-ը գրում է.

Ջորջիո Արմանին հանդիսանում է աշխարհի ամենաազդեցիկ ոճաբաններից մեկը: Նա ստեղծել է մի ոճ, որը մենք օգտագործում ենք, առանց գիտակցելու, որ նախկինում այլ կերպ է եղել: Արմանին հեղափոխություն է արել նորաձևության աշխարհում ՝ ապացուցելով, որ գեղեցիկը ամենևին չի նշանակում անհարմար: Նրա ստեղծած ոճը դարձավ դասականի և էլեգանտության լավագույն տարբերակը:

Կարծում ենք, որ հանճարեղ դիզայների խոսքերը կարող են պետք  գալ շատերին:

1. «Լինել էլեգանտ չի նշանակում աչքի ընկնել, դա նշանակում է ընդմիշտ մնալ հիշողության մեջ»:

Իրականում  Ջորջիո Արմանիին իրական հաջողություն է բերել Հոլիվուդը: Դիզայներին աշխարհը ճանաչել է «Ամերիկյան սուտենյոր» ֆիլմից, որտեղ գլխավոր դերերում խաղում էր Ռիչարդ Գիրը, ով կրել է Armani-ի հագուստները: Բոլոր տղամարդիկ ցանկանում էին այդ հերոսի պես լինել՝ կրել բաճկոն, տաբատ վերնաշապիկ և փոխկապ Armani-ից:

2. «Ոճի և նորաձևության մեջ տարբերությունը որակի մեջ է»:

Արմանիի ձեռագիրը կատարյալ կարն է, փափուկ կտորները  և մինիմալիզմը, որը նա անվանում է «փոքրի կատարելությունը»: Վարպետի ցանկացած հագուստին բնութագրական է էլեգանտությունը և ներդաշնակությունը այն կրողի հետ:

3. «Էժան կոշիկը վատ տնտեսում է: Պետք չէ տնտեսել հագուստի գլխավոր պարագայի վրա: Այն ձեր ոճի հիմքն է»:

4. «Գրավչությունը ինքնավստահության հետևանք է: Դա ոչ միայն արտաքինն է, այլ նաև ներքինը»:

5. Արմանին պատմում է, որ ցանկանում էր լինել բարձրահասակ և ունենալ ավելի մեծ քիթ: Բայց պետք է բավարարվել նրանով ինչ ունեք, և օգտագործել այն մաքսիմալ արդյունավետ: Պետք չէ ծախսել ամբողջ կյանքը, ինչ-որ բան փոխելու համար, ինչը անհնար է:

6. «Ես ուրախ եմ, որ մեր օրերում կրկին ցանկություն կա լինել էլեգանտ: Էլեգանտությունն այն արտաքինի բանալին է, որը ենթակա չէ ժամանակի փոփոխություններին, իսկ դա նշանակում է, որ Դուք նույնպես դուրս չեք գա նորաձևությունից: Ինձ համար ոճը ավելի կարևոր է, քան  նորաձևության կարճատև տենդենցները:

Արմանին ամբողջության փոխել է էլեգանտության մասին պատկերացումները՝ դարձնելով այն հարմարավետ: Ոճաբանը հանել է ավելորդ զարդերն և մտցրել է սպորտային էլեմենտ դասական հագուստի մեջ: Այդպիսով այն դարձնելով նորաձև և հարմարավետ:

7. Հագուստ ընտրելիս պետք չէ շատ ջանք գործադրել: Ամենաոճային մարդիկ այնպիսի տեսք ունեն ասես ոչ մի ջանք չեն գործադրում իրենց արտաքինի համար»:

Իր ուղղու սկզբում Արմանին հրաժարվեց ժապավեններից և զանազան աքսեսուարներից, իր ոճի հիմնական սկզբունքը դարձնելով մինիմալիզմը: Նա մի փոքր անփութություն մտցրեց իր կերպարների մեջ: Ընտրելով կտորներ՝ այն դարձրեց ավելի հարմարավետ:

8. «Սևն ու մուգ կապույտը մնացած գույներից լավ են նիհարեցնում:  Նախընտրելով այդ գույները, Դուք կարող եք փորձել տարբեր ձևի և կտորի հագուստներ»:

9. « Լավ ընտրված բույրը կարող է դառնալ Ձեր տարբերակիչ հատկանիշը: Դա առաջինն է, ինչը զգում են մարդիկ, երբ Դուք մտնում եք սենյակ և վերջինը, ինչը անհետանում է, երբ դուք գնում եք»:

10. «Ընտրեք չեզոք գույների կտորներ, դրանք ավելի երկար կծառայեն ձեզ՝ նորաձևության տեսանկյունից»:

Մարդիկ, ովքեր աշխատում են Արմանիի հետ համարում են, որ նրա ձեռքերում կա անհավանական ուժ: Նա նույնպես դա չի հերքում, ասելով, որ երբ նա կտոր է վերցնում, ապա զգում է էներգիա, անկախ իրենից ընտրում է կտոր և սկսում այն ձևավորել: Այդ աշխատանքը նա համարում է աշխարհի ամենազգացմունքայիններից մեկը:

11. Ես միշտ ցանկացել եմ օգնել կանանց և տղամարդկանց զգալ իրենց ոճային և ինքնավստահ այն  հագուստում, որը նրանք գնում են: Ես չեմ ստեղծում ուղղակի նորաձևություն: Ոճը այն միակ ճոխությունն է, որը կարող է իրեն թույլ տալ յուրաքանչյուրը, անկախ նրանից, ունի գումար, թե ոչ:

Ջորջիո Արմանին ընդմիշտ փոխեց մարդկանց պատկերացումները հագուստի մասին: Իսկ այդպիսի բան կարող էր անել միայն հանճարը: