Խորհուրդներ` բարձրակրունկների սիրահարների համար

Life.panorama.am-ը գրում է.

Բարձրակրունկ կոշիկները կերպարին հաղորդում են անկրկնելի տեսք և էլեգանտություն: Հասարակ կնոջը դարձնում են գեղեցկուհի, ով գտնվում է տղամարդկանց ուշադրության կենտրոնում:

Քայլել 10 սանտիմետրանոց բարձրակրունկներով և միաժամանակ հարմարավետություն զգալ, ստացվում է ոչ բոլորի մոտ: Այստեղ գործը ոչ թե չկարողանալու, այլ սխալ կոշիկների մեջ է: Ինչպես ընտրել բարձրակրունկներ և վայելել յուրաքանչյուր քայլը:

Կոշիկները պետք է համապատասխանեն ոտքերին, այլ ոչ թե ընդհակառակը: Մի համար փոքր կամ մեծ կոշիկները անհարմարավետություն կստեղծեն:

Կայուն կրունկ

Ընտրեք այնպիսի կոշիկներ, որպեսզի քաշը ընկնի ամբողջ ոտքի վրա: Սխալ կոշիկները կարող են ոչ միայն  փչացնել քայլվածքը, այլ լուրջ խնդիրներ առաջացնել ոտքերի և ողնաշարի հետ:

Շատ բարձր կրունկ ունեցող կոշիկները դիմացի հատվածում նույնպես պետք է մի փոքր բարձր լինի, որպեսզի փոքրացվի ճնշումը ոտքերի վրա:

Եթե նախկինում դուք բարձրակրունկներ չեք կրել, ապա սկսեք ավելի հեշտ տարբերակներից: Սովորեք քայլել տանը, այնուհետև դուրս եկեք: Միջոցառման համար վերցրեք ձեզ հետ նաև ցածր կոշիկներ:

Ուշադրություն դարձրեք քայլվածքին

Ճիշտ քայլվածքի համար լարեք փորի մկանները, ուղղեք ուսերը  և հետ տարեք մազերը՝ այդպիսով դուք մաքսիմալ կհավասարակշռեք ձեր քաշը և կազատվեք մեջքի ցավից:

Հավասարակշռություն

Հավասարակշռությունը շատ ավելի հեշտ է պահել հաստ կրունկ ունեցող կոշիկների վրա, քան բարակ կրունկներով:

Կոշիկ ընտրելիս կանգ առեք բնական կաշիների վրա, քանի որ արհեստական կաշիները թույլ չեն տալիս որ ոտքերը շնչեն և անհարմարավետություն են ստեղծում:

Կրունկի ամեն երկու սանտիմետրը 25%-ով ավելացնում է մատների վրա ընկնող ճնշումը:

Կոշիկը չափելիս անպայման քայլեք, քանի որ նստած ժամանակ ոտքը փոքրանում է 0.5-1 սանտիմետրով:

Ձեր գրավչությունն ու սեքսուալությունը կախված է ոչ թե կրունկի բարձրությունից, այլ քայլվածքից։