ՊԱՏՄՈՒԹՅԱՆ ԱՅՍ ՕՐԸ (25 ՀՈՒՆՎԱՐԻ)․ Թենիսի արգելումը, մեխանիկական շարքացանի արտոնագրումը, պաշտոնավարման ընթացքում մայրացած միակ վարչապետը. «Փաստ»

«Փաստ» օրաթերթը գրում է.

ՀԱՅ-ՀԱՅԱՍՏԱՆ

1828-Ռուսաստանի Նիկոլայ 2-րդ ցարի հրամանով Ամենայն հայոց կաթողիկոս Ներսես Աշտարակեցին պարգևատրվել է «Ալեքսանդր Նևսկի» շքանշանով:

1891-ծնվել է մաթեմատիկոս, ինժեներ մեխանիկ Աշոտ ՏերՄկրտչյանը:

1901-ծնվել է դիրիժոր, մանկավարժ Սուրեն Չարեկյանը:

1910-ծնվել է պարսկահայ գրող Գալուստ Խանենցը:

1912-ծնվել է ակադեմիկոս Շավարշ Սիմոնյանը:

1914-ռուս աստղագետ Գրիգորի Նեումնին Պուլկովյան աստղադիտարանում աստերոիդների գոտում հայտնաբերել է նոր աստերոիդ և այն անվանել Հայաստան:

1921-բացվել է Երևանի համալսարանի գրադարանը:

1922-Երևանի Շահումյանի անվան բանվորական ակումբում բացվել է առաջին պետական դրամատիկական թատրոնը (1937 թվականից վերանվանվել է Գ. Սունդուկյանի անվան):

1950 – ծնվել է արձակագիր, դրամատուրգ, թարգմանիչ Գուրգեն Խանջյանը: 1952-ծնվել է նկարիչ Ավետիք Ավետիսյանը:

1983-վախճանվել է արձակագիր Աբիգ Ավագյանը:

2001-Հայաստանը դարձել է Եվրախորհրդի լիիրավ անդամ:

2007- Հայաստանի մայրաքաղաքում բացվել է Դրաստամատ Կանայանի անվան ազգային ռազմավարական հետազոտությունների ինստիտուտը:

2013-Վրաստանում տեղի ունեցած իշխանափոխության շնորհիվ և 2012 թվականի դեկտեմբերին Վրաստանի խորհրդարանի կողմից ընդունված համաներման մասին օրենքի համաձայն, կալանավայրից ազատ է արձակվել ջավախահայ քաղբանտարկյալ Վահագն Չախալ յանը:

2019-հայտարարվել է, որ TENT ծրագրով Եվրամիությունն ու Համաշխարհային բանկը նախատեսում են մինչև 2030 թվականը 12,8 միլիարդ եվրո ներդրում կատարել Արևել յան գործընկերության մաս կազմող վեց երկրում՝ Բելառուսում, Մոլդովայում, Ուկրաինայում, Հայաստանում, Վրաստանում և Ադրբեջանում: Հայաստանին հատկացվել է 732 միլիոն եվրո:

2021-Վրաստանի Մառնեուլում ադրբեջանցիները հարձակվել են հայկական բեռնատար մեքենաների շարասյան վրա, ջարդուխուրդ արել բեռներ փոխադրող 30-ից ավելի մեքենա:

ԱՇԽԱՐՀ

41 –Հռոմի Սենատը սպանված Կալիգուլայի հորեղբայր Կլավդիոսին հռչակել է կայսր:

750-Օմեյդների և Աբասիդների կողմնակիցների միջև տեղի է ունեցել Իրաքի տարածքում գտնվող Մեշ Զաբ գետի ճակատամարտը:

1479-ավարտվել է Վենետիկի և Օսմանյան կայսրության միջև 15 տարի տևած պատերազմը:

1533 – Անգլիայի թագավոր Հենրիխ 8րդն ու Աննա Բոլեյնը գաղտնի ամուսնացել են:

1554-Բրազիլիայում Սուրբ Պողոսի օրը ճիզվիտների կողմից հիմնվել է Սան Պաուլո քաղաքը:

1627-ծնվել է անգլիացի քիմիկոս և ֆիզիկոս Ռոբերտ Բոյլը:

1658-Նոր Ամստերդամի նահանգապետն արգելել է թենիսը, քանի որ, ըստ նրա, այն շեղում է մարդկանց՝ Աստծուն ծառայելուց:

1736– ծնվել է ֆրանսիացի նշանավոր մաթեմատիկոս և մեխանիկ Ժոզեֆ Լուի Լագրանժը:

1759-ծնվել է բրիտանացի (շոտլանդացի) բանաստեղծ, ֆոլկլորագետ Ռոբերտ Բըրնսը:

1799-ԱՄՆ-ում արտոնագրվել է մեխանիկական շարքացանը:

1802-Նապոլեոն 1-ինն ընտրվել է Իտալիայի նախագահ:

1882-ծնվել է անգլիացի կին գրող Վիրջինիա Վուլֆը:

1835– տեղի է ունեցել Վինչենցո Բելլինիի «Պուրիտաններ» օպերայի առաջնախաղը:

1858– առաջին անգամ հնչեցվել է Ֆելիքս Մենդելսոնի հանրահայտ «Հարսանեկան քայլերգը»:

1878-ռուսական տորպեդով խորտակվել է թուրքական շոգենավ, որը աշխարհում տորպեդահարելով նավ խորտակելու առաջին դեպքն է եղել:

1886- ծնվել է գերմանացի դիրիժոր, երգահան Վիլհելմ Ֆուրտվենգլերը:

1905-Հարավային Աֆրիկայում գտել են աշխարհի ամենամեծ՝ «Կուլլինան» ալմաստը (3106 կարատ):

1928-ծնվել է վրացի քաղաքական գործիչ Էդուարդ Շևարդնաձեն:

1938-ծնվել է ռուս բանաստեղծ, երգիչ Վլադիմիր Վիսոցկին:

1938-արևային բարձր ակտիվության պատճառով բևեռափայլ է նկատվել Արևելյան Եվրոպայում:

1947– վախճանվել է ամերիկացի աշխարհահռչակ գանգստեր Ալ Կապոնեն:

1951-վախճանվել է խորհրդային ֆիզիկոս, ակադեմիկոս Սերգեյ Վավիլովը:

1957-Քաշմիրը մտցվել է Հնդկաստանի կազմ:

1981 – ծնվել է ամերիկացի R&B ժանրի երգչուհի և երգերի հեղինակ Ալիշա Քիզը:

1990-Պակիստանի վարչապետ Բենազիր Բհուտոն դարձել է աշխարհում միակ վարչապետը, որը պաշտոնավարման ընթացքում երեխա է ծնել:

1992-կալիֆորնիական Օքլենդում անգլիացի թեթևատլետ Ստիվ Բեկլին ժամանակակից կառուցվածքի նիզակը նետել է 90 մետրից հեռու:

2010– եթովպական Ethiopian Airlines ընկերության «Boeing 737» մակնիշի ինքնաթիռը վթարի է ենթարկվել, ինչի հետևանքով զոհվել է 82 մարդ:

2011– Եգիպտոսում սկսվել են բողոքի ցույցեր ընդդեմ նախագահ Հոսնի Մուբարաքի:

Մանրամասները՝ «Փաստ» օրաթերթի այսօրվա համարում