Yerevan, 01.November.2025,
00
:
00
BREAKING


«Պետք է հաղթանակած հետ գար, խոստացել էր ինձ, անընդհատ սպասում եմ, որ Նարեկը մեր տան դուռը կբացի ու անունս կկանչի...». «Փաստ»

INTERVIEW

«Փաստ» օրաթերթը գրում է

Նարեկը պարտադիր զինվորական ծառայությունից հետո պայմանագրային զինծառայող դարձավ: Ծառայությունն անցնում էր Սիսիանի զորամասում, դասակի հրամանատարի տեղակալն էր, ավագ սերժանտ: Վալ յան ասում է՝ ամուսնուն առաջարկում էին շարունակել ուսումը, դրանից հետո բարձրացնել կոչումը, բայց նա անընդհատ հրաժարվում էր: Միշտ ասում էր՝ պետք է զինվորներիս կողքին լինեմ:

«Ընկերական էր բոլորի հետ, ամեն հարցում իրենց միջև վստահություն կար: Առհասարակ, նվիրված էր զինվորական գործին, սիրով ու պատասխանատվությամբ էր մոտենում ամեն ինչին՝ հագուստից սկսած: Այն պետք է կոկիկ ու մաքուր լիներ, մեկ րոպե շուտ զորամաս էր հասնում: Իր նվիրված աշխատանքը գնահատվել է, բազմաթիվ շնորհակալագրեր ու պատվոգրեր ունի: Պարգևատրվել է «Անբասիր ծառայության համար» մեդալով»,-«Փաստի» հետ զրույցում նշում է Վալյան:No description available.

Հիշում է՝ Նարեկն առաջին հանդիպմանը զինվորական համազգեստով է եկել: Կինն ասում է՝«այն Նարեկիս շատ էր սազում, կարելի է ասել՝ հենց այդ պահին էլ սիրահարվել եմ իրեն»: Վալյան ու Նարեկը ծանոթացել և ամուսնացել են 2014 թ.-ին, մեկ տարի անց ծնվել է նրանց որդին՝ Էրիկը, որը, մայրիկի խոսքերով, ամեն ինչով նման է հայրիկին: «Երբեք չէինք վիճում, հոգատար ամուսին և հայր էր: Երբ տանն էր, ազատ ժամանակն անցկացնում էր որդու հետ: Նարեկս ինձ համար ամենալավն էր, տարբերվում էր բոլորից, իրեն որևէ մեկի հետ համեմատել չեմ կարող: Նարեկի անունը տալիս առաջին հերթին ժպտում եմ, և աչքերս արցունքոտվում են, բայց ամենաառաջինը հպարտություն եմ զգում: Լինում են դեպքեր, երբ շատ հաճախ եմ իրեն տեսնում երազում: Այդ օրերին ինձ մոտ տպավորություն է, թե իրեն իրական կյանքում եմ տեսել, կարոտս մի փոքր առել եմ իրենից, օրս էլ մի տեսակ այլ է լինում»,-արցունքների միջից ասում է զրուցակիցս, հետո հավելում՝ Էրիկս Նարեկիս ամենաթանկ նվերն է ինձ:

Հիմա, երբ աստղ է տեսնում երկնքում, որդուն ասում է՝ այդ աստղը քո հայրիկինն է, պետք է քեզ լավ դրսևորես կյանքում, լավ սովորես, որ պապան հպարտանա քեզանով: «Դպրոցում Նարեկի ու ևս մեկ զոհված տղայի՝ Արմենի անկյունն ունենք: Ներս մտնելիս յուրաքանչյուրիս առավոտը տղաների հետ բարևից է սկսվում»: Պիտի պատերազմից հարցնեմ: Թվում է՝ երբեք պատրաստ չեմ լինի միանգամից, առանց նախաբանի այս հարցն ուղղելու: Ինչպես շատերիս, Վալ յային էլ թվում է, թե կյանքը կանգ է առել 2020 թ.-ին, կարծես չկարողանանք առաջ շարժվել: «Սեպտեմբերի 27-ին Սիսիանում ևս տագնապ հնչեց, տղաները բարձրացան դիրքեր»,-ասում է Վալյան:

No description available.

Հոկտեմբերի 8-ին Նարեկն իջել է դիրքերից՝ պետք է Արցախ մեկներ: «Բարձր տրամադրություն ուներ, ասում էր՝ գնում եմ, որ հաղթանակած գամ, հանկարծ չնեղվես, չլացես: Դժվար եմ բաց թողել իրեն, ասում էի՝ մի գնա, պատասխանեց՝ չեմ կարող, տղերքն Արցախում են»: Հոկտեմբերի 9-ից սկսած օրը երկու անգամ խոսել են կամ նամակներ գրել: «Մի քանի անգամ տղաների հետ առաջնագիծ հաց և զենք-զինամթերք է հասցրել՝ առանց մեկ րոպե վարանելու. եթե ոչ ես, ապա ո՞վ: Հոկտեմբերի 14-ին էլ պետք է տանեին: Առավոտյան ընկերուհիս զանգեց, թե Նարեկից լուր ունե՞ս, ասացի՝ ոչ: Մեր ամուսինները միասին էին, եթե մեկս տեղեկություն էր ունենում, մյուսս հանգիստ էր: Ինչ Նարեկն Արցախում էր, իրեն չէի զանգել, բայց այդ պահին կարիք զգացի իր հետ խոսելու: Պատասխանեց՝ Վալ յա, լավ եմ, կզանգեմ: Ու էլ չզանգեց…»,-ասում է Վալյան:

Ողջ օրը կինն իրեն վատ է զգացել, սկեսուրը հանգստացրել է՝ պատերազմ է, գուցե այս պահին հարմար չէ, բայց Վալ յան գիտեր՝ ինչ-որ կերպ իրեն իմաց կտա, որ իր հետ ամեն ինչ կարգին է: «Օրերն անցնում էին, տագնապներս ավելանում, այդպես էլ զանգ չստացանք: Հետո ճշտումներ արեցինք, իմացանք, որ հաց են տարել առաջնագիծ, ու իրենցից այլևս տեղեկություն չկա: Մտածում էինք՝ գուցե ինչ-որ բան է պատահել, անտառում են հայտնվել, անգամ մտածել եմ, որ գերի է ընկել: Հույսով ապրել եմ ինն ամիս, երբեք վատը չեմ մտածել: Հիշում էի իր հետ համատեղ ապրած կյանքի մեր ուրախ դրվագներն ու ժպտում, լացում էի և ժպտում, հիմա էլ է այդպես»,- նշում է նա:

Իսկ ինն ամիս անց Նարեկին «գտնում» են... ԴՆԹ-ի միջոցով: «Իրեն այդպես չէի սպասում, պետք է հաղթանակած հետ գար, խոստացել էր ինձ: Օրերն անցնում են, կարոտս ու սերս էլ ավելի է մեծանում: Հաճախ եմ գնում Սիսիանի պանթեոն, զրուցում իր հետ: Տղաս էլ է գալիս, համբուրում է հայրիկի նկարը, սրբում փոշին: Բայց երեխա է, մեկ էլ կարող է ասել՝ պապաս ինչի՞ չի գալիս: Իսկ ե՞ս: Իսկ ես չեմ հաշտվում, որ Նարեկս չի գալու, հատկապես երեկոյան ժամերին ինձ թվում է՝ դուռը կբացի, անունս կանչելով ներս կմտնի: Անընդհատ սպասում եմ, որ Նարեկը մեր տան դուռը կբացի… Հոգուս մի անկյունում հավատում եմ՝ ինքը կա, ապրում է: Եթե լիարժեքորեն մտածեմ, որ մահացած է, նույն պահին ինքս կմահանամ: Իմ ուժն այսօր իմ ընտանիքն է: Նարեկի ծնողները և քույրն իմ ընտանիքն են, իմ թևն ու թիկունքը, իմ քույրն ու ծնողները, այլ կերպ լինել չի կարող»,- զրույցն ավարտում է Վալյան:

No description available.

Կարճ լռությանը հաջորդում է բոլորիս համար ամենացանկալի միտքը՝ թող այս դաժան պատերազմը չլիներ, ու չկորցնեինք մեր սիրելիներին: «Իմ միակ, անկրկնելի, սիրելի եղբայրս: Փոքրամարմին էր, բայց մեծ հոգու տեր: Կարող էինք զրուցել տարբեր թեմաներից, միշտ կիսվում էի իր հետ բոլոր հարցերով, կարոտել եմ իր խորհուրդներին: Որպես եղբայր նա միշտ իմ թիկունքին էր: Իր գալով իմ տունն ուրախությամբ էր լցվում: Մտքով միշտ իր հետ եմ, անգամ հիմա, երբ ինչ-որ քայլ եմ անում, գիտեմ, թե ինչպիսին կլիներ իր արձագանքը, ամեն ինչ այնպես եմ անում, որ իրեն գոհացնեմ, կարծես նա ֆիզիկապես իմ կողքին է»,-նշում է Նարեկի քույրը՝ Արփինեն:

Ասում է՝ երբ եղբոր անունն է տալիս, առաջինն իր արտաքին կոկիկությունն է հիշում ու անմեղ հայացքը: Արփինեի համար հատկապես ցավալի է մեկ փաստ՝ իրենց ողջ ընտանիքն այդպես էլ չիմացավ, թե ինչ պատահեց Նարեկի հետ, ինչպես նա զոհվեց: «Մինչև հոկտեմբերի 8-ը Սյունիքի դիրքերում էր, հետո իրենց իջեցրել էին, պետք է Արցախ մեկնեին: Իրեն արագ կարգի բերեց, զրուցեց տանեցիների հետ: Ամեն անգամ աչքիս առաջ այն պատկերն է, երբ ասաց՝ Ափո, Ներսեսի (Արփինեի ամուսինն է-խմբ.) համար ծխախոտ եմ գնել, հետս տանեմ, որ հանդիպենք, տամ: Հետո ճանապարհ ընկան դեպի Հադրութ: Չորս անգամ տղաներին հաց է հասցրել առաջնագիծ: Չնայած հոգնածությանը, ասել է՝ էլի կտանեմ: Ցավն այն է, որ այդտեղ ընդհատվում է իր կյանքի պատմությունը, այլևս ոչինչ չգիտենք՝ ինչ է պատահել, քանի օր են ողջ եղել, ի վերջո, ինչպես են զոհվել: Ոչինչ չգիտենք:

Ուզում ենք անընդհատ խոսել ու պատմել իր մասին, բայց իր կյանքի այդ հատվածը մինչ օրս մեզ համար անհայտ է: Ամուսնուս մասին ընկերները պատմում են, ավելի շատ ինֆորմացիա ունենք, իսկ ապերի մասին՝ ոչ: Գիտենք, որ այդ մի քանի օրվա ընթացքում կռվել է, բայց հինգ տղաները, որոնք եղել են առաջնագիծ հաց ու զինամթերք տանող մեքենայի մեջ, չեն վերադարձել, ու չգիտենք, թե ինչ է պատահել: Նաև փոխգնդապետը, որը ևս իրենց հետ է եղել: Նրան, ի տարբերություն հինգ տղաների, մինչ օրս չեն գտել: Ինն ամիս տևեց սպասումը, մտքերով իր հետ էի, անծանոթ ու ծանոթ զանգերի հետ վեր էի թռչում, հույս ունեի, որ իր ձայնն եմ լսելու: Ինն ամիս անց գտանք իրեն: Բոլորն ասում էին՝ այնքան ճարպիկ է, որ իր հետ բան չի լինի, կգա, բայց, ցավոք…Ամուսնուս ու եղբորս կորցրեցի այս պատերազմում, ցավս մեծ է ու անսփոփելի»,-եզրափակում է Արփինեն: Հ. Գ. Նարեկ Մնացականյանը Սիսիանի քաղաքապետարանի կողմից արժանացել է «Մարտական ծառայության համար» մեդալի:

ԼՈՒՍԻՆԵ ԱՌԱՔԵԼՅԱՆ

Մանրամասները՝ «Փաստ» օրաթերթի այսօրվա համարում

Young Musician from the “Born in Artsakh” Program, Arsen Safaryan, Performed at the Anniversary Concert of the “Artis Futura” Foundation with the Moscow “Russian Philharmonia” Symphony OrchestraNew Campaign Ahead of Savings Day: IDBank Think beyond today. Why save?Ucom General Director Ralph Yirikian Presented His Vision for Telecommunications in the Era of AI The Armenian UBPay system partners with iSend remittance global service Connected, Convenient, Converse: Andranik Grigoryan Presents Converse Bank’s Digital Transformation Journey at the BACEE Conference IDBank - Silver Sponsor of BACEE’s 50th Jubilee International Banking Conference With the support of IDBank and Idram, the “Symphonic Forest” project was launched Ucom Supports the Development of a Safe and Trusted Digital Environment in Armenia Young Musicians of the “Born in Artsakh” Program Bring the Voice of Artsakh to MoscowSuren Parsyan to Represent Armenia at “Sagarmanthan: The Great Oceans Dialogue 2025” International ForumPay at cafés and bars with Idram&IDBank and earn lots of idcoinsUnibank Launches Online Queue Booking SystemWith Unibank’s Sponsorship Armenia Hosts Open Rock Climbing ChampionshipAraratBank Serves as Title Sponsor of "What? Where? When?" Intellectual GameConverse Bank’s CFO Highlights the Bank’s Resilient Growth and Management Practices at the BACEE Conference Idram Announces Partnership with the World’s Leading Crypto Exchange Bybit in the Field of Innovative Payments IDsalary Package – A Convenient and Beneficial Tool Ucom Reopens Its Sales and Service Center on 8 Komitas Avenue AraratBank: Financial Partner of Théâtron FestivalThe Sound of Artsakh in the USA Converse Bank and Asia Alliance Bank Launch Strategic Partnership Educational Trip and First U.S. Concert of the Music for Future Foundation’s Young MusiciansUcom General Director Ralph Yirikian Speaks on Digital Security JOIN US: Transfer Your Real Estate-Secured Loan to AraratBank on Favorable Terms Converse Bank Receives BACEE Award for International Banking Cooperation at 50th Jubilee Conference Unibank to Issue Cards Featuring Designs Created by KidsConverse Bank Becomes the Diamond Sponsor of the 50th BACEE Jubilee ConferenceFinancial Literacy Lesson with Idram Junior Silicon Mountains 2025 Tech Summit Concludes with the Support of Ucom IDBank issued the 6th tranche of bonds of 2025 200 Scholarships for the Best Students. Ameriabank Announces a Contest for the Second Year in a Row Ucom Supports the Development of a Digital Security Culture in Armenia AraratBank Modernizes Matenadaran's Security SystemThe Power of One Dram, My Forest Armenia, and the Armenian State Symphony Orchestra Sign a Memorandum of CooperationUcom and Nokia։ Autonomous Networks and AI Applications for 6GAraratBank and Teach For Armenia Sign Memorandum of CooperationThe Aylagir Coding Contest sponsored by AraratBank concludesIDBank Sponsors YSU International Conference on “Transforming Economy”Solar Solutions in Areni: Ucom and FPWC Support Environmental Protection Silicon Mountains 2025 Tech Summit Speakers Met with Media Representatives Financial Literacy with Idram and IDBank: A Meeting with the Students of the Republican Center for Children and YouthSIA 2025 Award Ceremony Held under AraratBank SponsorshipRenovation Loans, Fast and Affordable with IDBankAraratBank Joins ArcaQRNature in the Language of Music: IDBank as Main Partner of the “Symphonic Forest” ConcertUcom Is the Platinum Partner of the Silicon Mountains 2025 SummitDekavva Foundation Signs Partnership Agreement with Gegharkunik Regional AdministrationWith the Financing of IDBank, the Village of Svarants Will Have a Kindergarten: The “Side by Side” Program ContinuesDigiTec 2025: Armenia’s Biggest Tech Event Promises Nonstop Surprises