Կապիկ. Արեւելյան չինական աստղագուշակ Կապիկի համար

Կապիկի տարիներն են.

1908,1920,1932, 1944, 1956, 1968, 1980, 1992, 2004, 2016,2028

Չինաստանում համարվում է, որ Կապիկը հաջողություն ու պաշտպանություն է բերում: Երկրի հարավում ու Թիբեթում ընտանիքները հպարտությամբ էին խոսում այն մասին, որ իրենք հենց կապիկներից են սերում:

Բայց միեւնույն ժամանակ չինացիները համարում են, որ Կապիկի տարում ծնվում են անհուսալի ու հակասական մարդիկ: Լինելով բոլոր նշաններից ամենաքմահաճը՝ Կապիկն այնուամենայնիվ միշտ մնում է բոլորի սիրելին՝ նա ունի հումոր, խորամանկ է ու նենգ:

Տպավորություն է ստեղծվում, որ Կապիկը բոլոր նշանների հետ լեզու է գտնում, բայց այս համերաշխությունը հաճախ ընդամենը մարտավարություն է: Նա շահամոլ է: Հաճոյացող, նույնիսկ ստրկամիտ կապիկը իր տեսակետը մյուսներից թաքցնում է անժխտելի հմտությամբ: Իրականում նա ատում է բոլոր մյուս նշաններին ու իրեն բոլորից վեր է դասում:

Նա շատ համոզիչ է, նրան դուր է գալիս խոսել ու մասնակցել քննարկումներին: Նրա բայրացակամությունն ու վստահ շարժուձեւը օգնում են երկրպագուներ ձեռք բերել: Նա միշտ ուրախությամբ օգտակար խորհուրդներ է տալիս, չնայած ինքը նախընտրում է միայն սեփական դատողություններին ապավինել:

Կապիկը խելացի է ու կիրթ, ունի հոյակապ հիշողություն, որին միայն կարելի է նախանձել: Նա ունակ է հիշել իր տեսածի, կարդացածի կամ լսածի բոլոր մանրամասները: Վերջին հաշվով այդ հիշողությունը նրան պետք է, քանի որ նրա կյանքում կարգուկանոն չկա:

Կապիկը տարբերվում է իր անկրկնելիությամբ, հարուստ երեւակայություն ունի: Նրա համար գրեթե ոչ մի խնդիր չկա: Նա լավատես է, նրա կյանքը հարուստ է իրադարձություններով ու արկածներով: Ունենալով լավ զարգացած գոյատեւման բնազդ, նա կարողանում է ելք գտնել բոլոր՝ նույնիսկ անելանելի թվացող իրավիճակներից:

Շատ Կապիկներ տաքարյուն են ու քմահաճ, շուտ բռնկվող, բայց նաեւ շուտ հանդարտվող: Իսկական կապիկները, որոնք ապրում են մեծ խմբերով, սկսում ե ն ճչալ ու աղաղակել վտանգի դեպքում՝ թշնամու վրա ծառերի վրայից նետելով ճյուղեր ու ընկույզներ: Նույնն էլ մարդկանց դեպքում է: Եթե Կապիկի կյանքում թշնամի է հայտնվում, նա թշնամու հետ դեմ առ դեմ չի մարտնչի: Նա կկանչի իր բոլոր ցեղակիցներին ու ընկերներին ու ապահովելով «աջակցության մեծ խումբ», ինքնավստահ կզգա, կբարձրանա ճյուղի վրա ու անհասանելի բարձրությունից թշնամու վրա կնետի «կոկոսներ», այսինքն նրա դեմ կպայքարի հեռավորությունից:

Կապիկը կարիերիստ է: Նա ունի բոլոր նախադրյալները հաջողության հասնելու համար: Նա անգնահատելի աշխատող է, բայց քմահաճ ու ուժեղ բնավորությունով: Գրեթե չկա մի այնպիսի գործունեության ոլորտ, որտեղ նա չկարողանար հաջողության հասնել: Սակայն նրան հեշտ է շեղելն ու համոզելը: Նա ուզում է ամեն ինչ անել նույն վայրկյանին, անմ իջապես: Ամենաթեթեւ խոչընդոտն անգամ ունակ է փչացնել նրա տրամադրությունը ու խափանել ծրագրերը:

Կապիկները լավ են զգում շրջապատի մարդկանց տրամադրությունը, կարողանում են գտնել մյուսների թույլ կողմերը ու օգտվում են դրանից՝ իրենց նպատակներին հասնելու համար: Շատ Կապիկներ հմուտ ինտրիգաններ են, խաբեբաներ ու արկածախնդիրներ: Նրանք պարզապես զուրկ են խղճից ու հիշում են դրա մասին միայն այն ժամանակ, երբ իրենք են անարդարության զոհ դառնում: Բարոյականությունը նրանց պետք չէ:

Կապիկը նրբանկատ չէ ու կարող է հեշտությամբ ստել, եթե դա անհրաժեշտ է գործի համար: Կարող է անազնիվ արարքներ գործել, եթե վստահ է, որ անպատիժ կմնա, բայց Կապիկին հեշտ է բռնելը: Որոշ Կապիկների ունակ են նաեւ գողության, բայց դա չի կարելի օրինաչափություն համարել:

Կապիկները ինքնասիրահարված են: Նրանք պաշտում են իրենց սեփական արտացոլանքը հայելու մեջ: Բայց այս բոլոր բացասական հնատկանիշներով հանդերձ՝ փառասիրություն, խաբեբայություն, աննրբանկատություն, կապիկի վրա սովորաբար այդքան շատ չեն բարկանում, քանի որ նա նաեւ դուր գալու ու համակրանք շահելու մեծ վարպետ է:

Աղբյուրը՝ NEWS.am STYLE