Իմ սիրտը 20 տարեկան է և ես չեմ պատրաստվում մեծանալ. 97- ամյա Տաո

PHOTO 10 December, 2015 13:30

Wnews.am-ը գրում է.

Ձիգ մաշկ, ամուր մարմին, առողջություն եւ կյանքով պարզապես ուրախանալու հնարավորությունը չպետք է անհնարին թվա։ Ամեն դեպքում աշխարհում գոյություն ունեն այդպիսի կանայք, ինչպիսին Տաո Պորչոն-Լինչն է։
Նրա անցյալում է դերասանուհու, մոդելի, պարուհու, գործարարի եւ ամենակարեւորը յոգա դասավանդողի կարիերան։

Ապրելով մի ամբողջ դար քչերը կարող են գլուխ գովալ նման անցյալով, կազմվածքով եւ այն էներգիայով, որն ունի ողջ աշխարհում հայտնի Հնդկաստանի բնակչուհին։ Ոգեշնչվեք եւ ձեր մեջ թողեք միայն դրական մտքեր։
Մեր տարիքը մեր իմաստության գիծն է, որը տարեց տարի երկարում է։ Յուրաքանչյուր օր, ամիս, տարի հնարավորություն է իրագործել այն, ինչի համար չէր բավականացնում համարձակությունն ու ուժը։ Տեսեք Տաոի օրինակը, որքան հրաշալի կարող է լինել կյանքը, եթե ամեն վայրկյանն օգտակար անցկացնել։

Երիտասարդությունը

Պրակտիկորեն մեկ դար առաջ Հնդկաստանում լույս աշխարհ եկավ իմաստուն հոգով Տաո Պորչոն-Լինչը, ում անունը թարգմանաբար նշանակում է բնության էներգիա։

Ութ տարեկանից նա հետեւում էր յոգայով զբաղվող տղաներին։ Նրան ապշեցնում էր, թե ինչ են նրանք անում իրենց մարմնի հետ։ Նրա մոտ եւս ցանկություն առաջացավ զբաղվել յոգայով։

Նրա մորաքույրը զայրանում էր Տաոի վրա եւ նշում, որ յոգան միայն տղամարդկանց համար է, սակայն Տաոն միեւնույնն է սկսեց զբաղվել դրանով։

Կարիերա. Ամեն ինչ սկսվեց մոդելային բիզնեսից, որտեղ Տաոն արժանացավ «Եվրոպայի լավագույն ոտքեր» կոչմանը։ Նա չէր դադարում ճանապարհորդել հատկապես հաճույք ստանալով Փարիզի մշակույթից։ Երկրորդ համաշխարհային պատերազմի ժամանակ Տաոն արտագաղթեց Լոնդոն։ Այդ ժամանակ նա տիրապետում էր միայն ֆրանսերենի եւ հնդկերենի։ Համաշխարհային պատերազմից հետո Տաոն նկարահանվեց մի քանի ֆիլմերում։ Այդ ժամանակ նրան դուր էր գալիս յոգայի անվճար դասեր տալ իր կոլեգաներին, նա ոգեշնչվում էր նրանցով, իսկ նրանք Տաոյով։

Յոգա. 1962 թ. Տաոն ամուսնացավ եւ ավելի շատ ժամանակ կարողացավ հատկացնել իրեն, ուստի նա խորացավ յոգայի փիլիսոփայության մեջ։ Հինգ տարի անց նա վերջնականապես թողեց դերասանուհու կարիերան եւ զբաղվեց միայն յոգայով։ 10 տարի անց նա ստեղծեց Yoga Teachers Association-ը։

Ավելի ուշ, Տաոն Նյու Յորքում հիմնեց The Westchester Institute of Yoga ինստիտուտը։

Շնորհիվ այդ հաստատության այժմ աշխարհի տարբեր անկյուններում ապրող 3 000 մարդ մասնագիտացել է յոգայի բնագավառում։ Տաոն էներգիա է ստանում իր ուսանողներից։

Նա մեծ հաճույք է ստանում, երբ կարողանում է մարդուն ապացուցել, որ նա իսկապես ունակ է անել այն, ինչում միշտ համոզված չէր։

Այսօր. Տաոի համար գոյություն չունի անհնարինն ու բացասականը։ Նա փորձում է թեթեւացնել իր եւ շրջապատի կյանքը միշտ ժպտալով, օրը սկսելով այն մտքից, որ ունակ է այսօր անել ամեն ինչ, չէ որ վաղը երբեք չի գալիս։

83 տարեկանում Տաոն կոտրել էր իր կողը եւ բժիշկների խոսքերով չէր կարող դասավանդել յոգա, սակայն համառ կինը ոչ միայն չթողեց յոգան, այլ մեկ շաբաթ անց հերթագրվեց պարի դասընթացների եւ այժմ ակտիվորեն մասնակցում է միջազգային մրցումներին։

Մի քանի տարի առաջ Պորչոն Լինչին գրանցեցին Գինեսի ռեկորդակիրների գրքում որպես յոգայի ամենատարեց մասնագետ։ Այժմ Տաոն 97 տարեկան է եւ համոզված է, որ աշխարհում չկա մի բան, որը մենք չենք կարող իրականացնել մեր ներքին ուժի օգնությամբ։

5 ոգեշնչող միտք Տաոից.

«Աշունը մեզ համար հիշեցում է։ Չէ որ մինչ տերեւները չորանում ու թափվում են, կարեւոր է հիշեց, որ այս աշխարհում միշտ գարուն կլինի, որպեսզի նրանք բարձրանան ու ծաղկեն։ Մեր մեր նորը գտնելն ու փոխվելը յուրաքնաչյուրիս է անհրաժեշտ»։
«Առավոտյան արթնանալիս, ես գիտեմ, որ ինձ սպասում է կյանքիս լավագույն օրը։ Ես երբեք չեմ մտածում, թե ինչ չեմ կարող անել։ Կարեւոր է, որ առավոտյան գլխում լինեն միայն դրական մտքեր, իսկ կյանքում բացակայի ամեն ինչ հետագայի վրա թողնելու սովորությունը»։
«Յոգան միավորում է բանականությունը, մարմինն ու հոգին։ Այն նման է բնության։ Ես բացահայտել եմ, որ կարող եմ նպատակադրել իմ կյանքը, երբ հետրում եմ բնությանն ու կրկնում նրա յոգայում։ Դա միշտ օգնում է պայքարել սթրեսի դեմ եւ մի անգամ օգնել է հաղթահարել կյանքի լուրջ ճգնաժամը»։
«Ձեր բանականության եւ մարմնի մեջ հավաքեք սրտի ողջ երաժշտությունը։ Թող այն թույլ չտա ձեզ ժամանակն անիմաստ կորցնել եւ հրաժարվել իրական կյանքի հրաշքներից»։
«Իմ սիրտը դեռ քսան տարեկան է եւ ես չեմ պատրաստվում մեծանալ»։