Իմ անչափահաս որդին այսօր գտնվում էր ոստիկանությունում․ Վիկտոր Ենգիբարյան
VIDEO
Ճակատագրի հեգնանքով այսօր իմ անչափահաս որդին գտնվում էր ոստիկանությունում, քանի որ ականատես էր եղել ենթադրյալ գողության: Այս մասին այսօր՝ փետրվարի 13-ին, ԱԺ-ում անչափահասների հարցաքննության կարգում փոփոխություններ կատարելու մասին նախագծի քննարկման ժամանակ ասաց «Իմ քայլը» խմբակցության պատգամավոր Վիկտոր Ենգիբարյանը։
«Անկեղծ ասած ինձ համար տարօրինակ է, որ մինչ այս նախաձեռնությունը, փաստորեն, անչափահաս երեխային կարող են 6 ժամ պահել, և օրինական ներկայացուցիչ կարող է լինել նաև անձը, ում հետ կապված երեխան դիմել է ոստիկանություն»,-ասաց նա:
Նախագծի հիմնական զեկուցող Նիկոլայ Բաղդասարյանն արձագանքեց, որ ոչ թե 6, այլ ընդմիջումներով 8 ժամ է մնում քննչական մարմնում։
Նա նաև ընդգծեց՝ անչափահասների հետ աշխատանքի համար հոգեբաններ են անհրաժեշտ։




















































