Ինքնավստահ լինելու 3 միջոց

Կյանքում կան բազմաթիվ իրավիճակներ, որոնք հանգստություն և ինքնավստահություն են պահանջում, ինչպես օրինակ աշխատանքային հարցազրույցը, հրապարակային ելույթը, կարևոր հանդիպումը և այլն: Բարեբախտաբար կան մի քանի մեթոդներ, որոնք կարող են օգնել ձեզ հաղթահարել ձեր վախերը և ինքնավստահ լինել:

Այսօր մենք ձեզ կներկայացնենք 3 գիտականորեն ապացուցված տեխնիկաներ, որոնք կօգնեն հավատալ ինքներդ ձեզ:

1. Հաղթողի դիրք ընդունեք և մնացեք այդ դիրքում 2 րոպե
   Հարվարդի սոցիալական հոգեբան Էմի Քադդին կարևորում է մարմնի լեզվի և ինքնավստահության փաստը: Նա խորհուրդ է տալիս մինչև ինչ-որ դժվար գործողություն անելը ուժեղ և հզոր մարդու դիրք ընդունել: Առավոտյան անմիջապես արթնանալուց հետո, կամ վերելակում, կամ էլ լոգարանում հայելու առջև կանգնեք այդ դիրքով:
   Սուպերհերոսի դիրքը մոտավորապես հետևյալ տեսքն ունի՝ կանգնեք ուղիղ մեջքով, ուսերը հետ տարեք, մի փոքր բարձրացրեք կզակը և ոտքերը բացեք կոնքերին հավասար: Այդպես դուք կզգաք, թե ինչպես է ուժը և ինքնավստահությունը մտնում ձեր մեջ: Մնացեք այդ դիրքում երկու րոպե: Շնչեք խորը և ռիթմիկ: Կամ պատկերացրեք, որ դուք օլիմպիական չեմպիոն եք և կանգնել եք հաղթական հարթակի վրա: Մասնագետները պնդում են, որ նման դիրքում մնալը ավելի լավ արդյունքի է բերում: Այդպես մեր մարմնի դիրքն օգնում է մեզ ինքնավստահ զգալ:

2. Պատկերացրեք ձեր ապագա «եսը»
   Ձեր ապագայի վառ և մանրամասն պատկերն ունենալը կօգնի ձեզ հաղթահարել ձախողման վախը: Նյու Յորքի համալսարանի մարքեթինգի տեխնոլոգիաների դասախոս Հալ Հերշֆիլդը խնդրել է իր հետազոտության մասնակիցներին պատկերացնել, թե ինչ է լինելու նրանց հետ ապագայում:

Դրանից հետո նա մասնակիցներից մի քանիսին ցույց է տվել իրենց պատկերները ավելի մեծ տարիքում և ապա առաջարկել է բոլորին ստարտ-ափի ներդրողներ դառնալ: Նրանք, ովքեր տեսել էին իրենց «տարիքով» նկարները երկու անգամ ավելի հավանական էր, որ ներդրողներ կդառնային, քան թե նրանք, ովքեր չէին տեսել իրենց նկարները: Պարզվեց, որ երբ մենք պարզ տեսնում ենք մեր ապագայի պատկերները, մենք փորձում ենք անել ամեն ինչ՝ դրան հասնելու համար և, արդյունքում, ավելի վճռական ենք գործում:

3. Շնորհակալություն հայտնեք ձեր կյանքին
   Ջենն Սկալիան, ով միայնակ մայր է և անցել է շատ դժվարությունների միջով՝ միաժամանակ աշխատանքից հեռացվելով, ամուսնալուծվելով և մեծ պարտքեր ունենալով: Նա պատմում է, որ նա կարողացավ իր կյանքի այդ ծանր փուլը հաղթահարել ինքնազարգացմամբ զբաղվելով: Առաջին հերթին նա ամեն օր շնորհակալություն էր հայտնում այն ամենի համար, ինչ նա ունի:

Ինչպիսի՞ օգուտ սա կարող է ունենալ մեզ վրա: Այսպես մենք կարող ենք հեշտությամբ շփոթեցնել մեր գիտակցությունը և նման մտածելակերպով օգնել ինքներս մեզ հավատալ մեր հաջողությանը և ի վերջո հասնել դրան: Ավելին՝ երբ մենք երախտապարտ ենք ինչ-որ բանի համար, մենք դրական ենք տրամադրվում և ներքին էներգիա ենք հավաքում:

 

Նյութը հրապարակման պատրաստեց Past.am-ը: