Ադրբեջանում եւս մեկ անչափահաս ինքնասպանություն է գործել

Ադրբեջանում գնալով մեծանում է անչափահասների ինքնասպանությամբ կյանքին վերջ դնելու դեպքերի թիվը:

Վկայակոչելով APA լրատվական գործակալությունը, անչափահասի հերթական ինքնասպանության դեպքն է գրանցվել Մասալլըի շրջանում:

Շրջանի Արաբ գյուղի 17-ամյա բնակիչ Գիսմեթ Գասըմովը կախվել է սեփական տանը:

Ինքնասպանության պատճառները հայտնի չեն: Փաստի առնչությամբ հետաքննություն է սկսվել: Ադրբեջանում ինքնասպանների տարիքը սրընթացորեն երիտասարդանում է, իսկ շատ դեպքերում ինքնասպանությունների մի մասը իշխանությունները ներկայացնում են որպես սպանություն կամ դժբախտ դեպք:

Մանկական հոգեբույժ Նարմինա Հաջիեւայի խոսքով` վերջին 10-20 տարիներին Ադրբեջանում մանկական ինքնասպանությունների թվաքանակը 15-16 անգամ աճել է:

Հոգեբան Ազադ Իսազադեն ավելի վաղ հայտնել էր, որ ինքնասպանությունների մեծացած թվաքանակն Ադրբեջանում կապված է հասարակության մեջ ագրեսիայի աճով, ինչը խոսում է, ընդհանուր առմամբ նրա դեգրադացիայի մասին: Բացի այդ, ընդգծվել էր, որ Ադրբեջանում ինքնասպանությունների թվի մեծացման պատճառը կապված է սոցիալ-տնտեսական իրավիճակի վատացման հետ: Մասնավորապես, այդ երկրում ինքնասպանությունները հաճախակիացել են վարկային պարտքերի պատճառով:  

Ադրբեջանում ինքնասպանությունների պաշտոնական վիճակագրություն չի տարվում, սակայն, ադրբեջանական ԶԼՄ-ների համաձայն` 2016 թվականի սկզբից մինչ այժմ Ադրբեջանում արդեն անչափահասի կողմից ինքնասպանությամբ կյանքն ավարտելու 29 դեպք է գրանցվել: Ադրբեջանում 2016 թվականի ընթացքում ընդհանուր առմամբ ինքնասպանության 244 դեպք է տեղի ունեցել, որոնցից 111-ը` կին:

Ինքնահրկիզման է դիմել 16 քաղաքացի, որոնցից 14-ը մահացել են: Ինքնասպանության փորձ է կատարել 111 քաղաքացի: