Աշխարհի 10 ամենաօգտակար ու առողջարար սննդատեսակները

Գոջի հատապտուղներ, կոկոսի յուղ, նուշի ալյուր... Գովազդի միջոցով մեզ են հրամցնում էկզոտիկ հրաշքներ, բայց այս ամենը սուտ է։ Շատերը չեն էլ կասկածում, որ իսկապես արժեքավոր ու օգտակար կարող են լինել շատ ավելի սովորական, մատչելի ու համեմատաբար ավելի էժան սննդամթերքները։ «Plyvine Catering» բրիտանական ընկերությունը, որը մասնագիտացված է ռեստորանային ու բանկետային մատուցման վրա, կազմել է աշխարհի 10 ամենաառողջ սննդամթերքների ցանկը, որը և կներկայացնենք Ձեզ ստորև։

 

Մեկ կիտրոնի մեջ ավելի շատ վիտամին C կա, քան պետք է մարդու օրգանիզմին մեկ օրվա համար։ Բացի դրանից, կիտրոնն օգնում է բարձրացնել արյան մեջ օգտակար լիպոպրոեինային խոլեստերինի մակարդակն ու ամրացնում է ոսկրային հյուսվածքները։

Կիտրոններում առկա ցիտրուսային ֆլավոնոիդները հատուկ կենսաբանական ակտիվ միացություններ են, որոնք վիտամին C-ի հետ միասին ունեն հակաբորբոքային, ճնշումն իջեցնող, կաթվածներից պաշտպանող ու քաղցկեղի բջիջների աճը կասեցնող ազդեցություն։

Մեկ միջին խուրձ բրոկոլին կապահովի Ձեզ վիտամին K-ի օրական նորմայով։ Այս վիտամինը կարևոր դեր է կատարում ոսկորների մեջ նյութափոխանակության պրոցեսներում, ինչպես նաև նպաստում է երիկամների արդյունավետ աշխատանքին։ Նույն այդ քանակությամբ բրոկոլին պարունակում է վիտամին C-ի օրական դոզայի կրկնապատիկը։

Օնկոլոգիական հիվանդությունների պրոֆիլակտիկա և բուժում։ Սուլֆոֆրան կոչվող նյութը և ևս երկու ակտիվ բաղադրիչները, որոնք առկա են այս բանջարեղենում, ոչ միայն կանգնեցնում է քաղցկեղային բջիջների աճը (հատկապես՝ կրծքի, մաշկի ու շագանակագեղձի քաղցկեղի ժամանակ), այլև ակտիվացնում է դիմադրողականությունը, ինչն օգնում է օրգանիզմին ավելի արդյունավետ դիմակայել հիվանդությանը։

Օրական ընդամենը 7 գրամ շոկոլադը կօգնի նվազեցնել արյան ճնշումը։ Միայն թե հիշեք, որ իսկական դառը շոկոլադի հիմքում չի կարող լինել կաթ ու այլ կաթնամթերք. միայն կակաոյի յուղ, մաքուր կակաո ու մի քիչ շաքար, իսկ կակաոյի հատիկների պարունակությունը չպետք է լինի 70 տոկոսից քիչ։

Կակաոյի փոշին հարուստ է հակաօքսիդանտներով, որոնք նվազեցնում են վնասակար խոլեստերինի տոկոսը և բարձրացնում օգտակար խոլեստերինինը, բարելավում են արյան շրջանառությունը ու դրական են ազդում նյարդային համակարգի վրա։ Հատկապես հաճելի է այն, որ, չնայած բարձր կալորիականությանը, շոկոլադը հեշտ է յուրացվում օրգանիզմի կողմից ու չի գիրացնում (եթե, իհարկե, չեք չարաշահում)։ Սակայն կոֆեինի բարձր պարունակության պատճառով դառը շոկոլադը հակացուցված է երեխաներին։

Կարմիր կարտոֆիլի մեկ հատում այնքան ֆոլիևային թթու կա, որքան անհրաժեշտ է նոր բջիջների աճի ու առողջ զարգացման համար, և այդ քանակությունն այնքան է, որքան առկա է մեկ ափսե սպանախում կամ էլ բրոկոլիում։ Ընդհանուր առմամբ կարտոֆիլն առանց յուղի ու ճարպոտ սոուսների շատ սննդարար ուտելիք է, ու այն այնքան կալորիական չէ, որքան մսամթերքը։

Քաղցր կարտոֆիլի կամ էլ բատատի մեկ հատում առկա է վիտամին A-ի օրական նորմայի ութապատիկը, որն օգնում է քաղցկեղի դեմ պայքարում ու ամրապնդում է օրգանիզմի դիմադրողականությունը։

Այս ձկնատեսակը օմեգա-3 ճարպային թթուների հիանալի աղբյուր է, որն օգնում է նվազեցնել դեպրեսիայի, սրտանոթային ու օնկոլոգիական հիվանդությունների ռիսկը։ Սակայն ամենահետաքրքիրն այն է, որ այն նաև բնական աֆրոդիզիակ է, որը կարող է բարձրացնել Ձեր սեքսուալ էներգետիկան։

Սաղմոնի 150 գրամանոց կտորը պարունակում է նիկոտինային թթվի օրական գրեթե ողջ նորման, որը կանխում է հիշողության կորուստն ու Ալցհեյմերի հիվանության ռիսկը։

Հենց այս ընկույզներն են ամենահարուստը օմեգա-3 ճարպային թթուներով, որոնք, բացի նշված օգտակար հատկություններից, նաև իջեցնում են խոլեստերինի մակարդակն ու պարզապես բարձրացնում տրամադրությունը՝ հարստացնելով ուղեղը երջանկության հորմոնով՝ սերոտոնինով։

Ընկույզում առկա են մեծ քանակությամբ չհագեցված պոլիթթուներ, որոնք մեր օրգանիզմը չի կարողանում ինքնուրույն արտադրել, բայց որոնք խիստ կարևոր են ուղեղի, սրտի, լյարդի ու այլ օրգանների աշխատանքի համար։ Սակայն հիշեք, որ բոլոր ընկույզները խիստ կալորիական են, այնպես որ, պետք է խիստ սահմանափակել դրանց սպառումը։ Օրինակ՝ ընկույզի պարագայում օրական նորման պետք է լինի ոչ ավելի, քան 8 հատը։

Ավոկադոն սննդային թելերի ու օգտակար ճարպերի հրաշալի աղբյուր է, որոնք ապահովում են աղեստամոքսային տրակտի բնականոն աշխատանքն ու նվազեցնում խոլեստերինի մակարդակն ու սրտանոթային հիվանդությունների հավանականությունը։

Ավոկադոն ունի սննդարար նյութերի, վիտամինների ու հակաօքսիդանտների հարուստ համատեղություն և նպաստում է մաշկի հարթեցմանը, ավելացնում է դրա առաձգականությունը, օգնում է պայքարել մաշկային բորբոքումների ու հիվանդությունների դեմ, ինչպիսիք են էկզեման ու պսորիազը։

 

Սա հիվանդությունների դեմ հզոր մարտիկ է, որը պայքարում է բակտերիաների աճի դեմ։

Երբ մենք սխտոր ենք ուտում, դրա բջիջները քայքայվում են՝ առաջացնելով ալիցին, որը հզոր հակաբակտերիալ էֆեկտ ունեցող քիմիական միացություն է կամ էլ բնական հակաբիոտիկ։ Բացի դրանից, ալիցինը նվազեցնում է արյան ճնշումը։ Հարկ է իմանալ, որ ջերմային մշակման դեպքում ալիցինն արագ քայքայվում է, այնպես որ, հում սխտորն ավելի օգտակար է։

Լյուտեինն ու զեակսատինը, որոնցով այդքան հարուստ է սպանախը, բնական հակաօքսիդանտներ են, որոնք ստիմուլացնում են օրգանիզմի պաշտպանական մեխանիզմները։

Նոր գիտափորձերը ցույց են տվել, որ սպանախն ամենաարդյունավետ սննդամթերքներից մեկն է օնկոլոգիական հիվանդությունների պրոֆիլակտիկայի համար։

Շաբաթական ընդհամենը 4 բաժին լոբին, ոլոռը կամ էլ այլ լոբազգի կիրառելը 22 տոկոսով նվազեցնում է սրտանոթային հիվանդությունների ու կրծքի քաղցկեղի հավանականությունը։

Լոբու մեջ առկա նյութերը կոմպլեքս դրական ազդեցություն են ունենում օրգանիզմի վրա ու օգնում են արագ վերականգնել ուժերը ծանր հիվանդություններից հետո և ավելի հեշտ անցնել ռեաբիլիտացիոն փուլով։ Ի դեպ, լոբին միայն մսին է զիջում այս հարցում։