Մարդկային հարաբերությունների էներգետիկան

Style.news.am-ը գրում է.

փման ընթացքում երկու մարդկանց աուրաների միջեւ առաջանում են հոսանքներ, որոնց միջոցով էներգիայի հոսք է տեղի ունենում։ Եթե մարդիկ միմյանց դուր են գալիս, էներգիայի հոսքը շատ մեծ է լինում եւ առաջանում է հոգեւոր կապ։ Էներգիայի այս փոխանակությունը կարող է ունենալ եւ դրական, եւ բացասական ազդեցություն մարդկանց վրա։

Հոգեւոր կապ

Եթե մարդիկ մի շարք նմանություններ եւ ընդհանրություններ են գտնում միմյանց մեջ, առաջանում է հոգեւոր կապ։ Այս կապը կարող է պահպանվել շատ երկար՝ ամիսներ, տարիներ։ Առողջ հարաբերությունների դեպքում ձեւավորվում են վառ, մաքուր եւ պուլսացիոն հոսանքներ եւ այստեղ տեղի է ունենում էներգիաների համարժեք փոխանակում։ Նման հարաբերություններին բնորոշ են վստահությունը, մտերմությունը, անկեղծությունը եւ ազատությունը։

Կոտրված սրտեր

Իսկ եթե հարաբերությունները անառողջ են՝ զուգընկերները կախված են մեկը մյուսից, ուրեմն այս հոսանքները բավականին ծանր են։ Նման դեպքերում զուգընկերներից մեկը զրկված է ազատությունից, քանի որ մյուսը ձգտում է լիովին վերահսկել նրան՝ փակելով նրա աուրան։

Երբ հարաբերությունները աստիճանաբար մարում են, ալիքները սկսում են թուլանալ, եւ մարդիկ օտարանում են միմյանց հանդեպ։ Իսկ երբ մարդիկ բաժանվում են, բայց նրանց էներգետիկ հոսանքները դեռ պահպանվում են, ուրեմն նրանք շարունակում են ձգել միմյանց։ Լինում են դեպքեր, երբ զուգընկերներից մեկը չի կարողանում հաշտվել բաժանման մտքի հետ եւ փորձում է ամեն կերպ վերականգնել հարաբերությունները։ «Մեղավորը» հենց այս էներգետիկ հոսանքներն են։

Հոգին հիշեցնում է  

Կան էներգետիկ հոսանքներ, որոնք ժամանակի ընթացքում անհետանում են։ Իսկ մտերիմ հարաբերությունների դեպքում այնպիսի հոսանքները պահպանվում են անգամ բաժանումից հետո։ Հատկապես շատ ուժեղ են այն հոսանքները, որոնք ձեւավորվել են սեռական եւ բարեկամական կապերի արդյունքում։

Ցանկացած սեռական կապի ժամանակ ձեւավորվում է հոգեւոր կապ, որը միացնում է տվյալ մարդկանց կյանքի հետագա փուլերի ընթացքում։ Զուգընկերները անգամ կարող են չիմանալ միմյանց անունները, սակայն այս կապն առաջանում է։ Ի դեպ, տեւական ժամանակ իրար հետ ապրող մարդկանց էներգետիկ դաշտերը նմանվում են միմյանց եւ միանման գործում։ Հենց սա է պատճառը, որ միասին ապրելով՝ զույգերը նմանվում են իրար։

Վանող զգացմունքներ

Եթե երկու մարդկանց աուրաները խիստ տարբերվում են, ուրեմն նրանց շփումը շատ դժվար կստացվի, քանի որ այս մարդիկ վանող զգացմունքներ են ունենալու միմյանց հանդեպ։

Երբ մարդը չի ցանկանում ինչ-որ մեկի հետ շփվել, նա փակում է իր էներգետիկ դաշտն ու էներգետիկ հոսանքները։ Արդյունքում դիմացինը կարծում է, որ իրեն չեն լսում կամ չեն կարեւորում։

Մարդիկ ակամայից աշխարհը բաժանում են «լավի» եւ «վատի» եւ ձգտում են դեպի իրենց ձգել լավը, իսկ վատը՝ վանել։ Բայց պետք է հիշել, որ ցանկացած կապ՝ լինի լավ, թե վատ, ունի իր հետեւանքները։ Իսկ ինչպիսին կլինեն այդ հետեւանքները, կախված է ձեր ընտրությունից։