Oրվա բաղադրատոմսը.Իտալական պիցցա

ԼԱՅՖ 5 Հուլիս, 2016 19:49

Բաղադրիչներ

Խմորի համար՝
ջուր - 50մլ (տաք)
խմորիչ - 1/4թ/գդ
շաքարավազ - 1/2թ/գդ
աղ - 1/2թ/գդ
ալյուր - 1 բաժակ
ձու - 1 հատ (փոքր)
ձիթայուղ - 1ճ/գդ
Միջուկի համար՝
լոլիկ - 100գր
խոզապուխտ - 100գր
պանիր - 120գր
տաքդեղ - 1 հատ
սունկ շամպինիոն - 100գր (թարմ)
Լոլիկի սոուսի համար՝
լոլիկ - 2-3 հատ
օրեգանո - 1 պտղունց
ռեհան - 3-4 տերև
ձիթայուղ - 2ճ/գդ
շաքարավազ - 1 պտղունց
աղ - 1 պտղունց

Պատրաստման եղանակ

Տաք ջրի մեջ լուծեք շաքարավազը, խմորիչը և աղը:
Ալյուրի կեսը լցրեք մեծ թասի մեջ, վրան կոտրեք ձուն, լավ խառնեք, ապա ավելացրեք ալյուրի մնացած մասը, ձիթայուղը:
Խմոր հունցեք և թողեք հանգստանա 30րոպե:
Պատրաստեք լոլիկի սոուսը: Դրա համար լոլիկների վրա եռացրած ջուր լցրեք, որպեսզի հեշտությամբ կեղևահանեք դրանք: Կտրատեք լոլիկները, լցրեք բլենդերի մեջ, ավելացրեք մնացած բաղադրիչները և լավ խառնեք: Բլենդերի պարունակությունը լցրեք կաթսայի մեջ և եփեք սոուսը միջին կրակի վրա 5րոպե : Թողեք սոուսը սառչի:
Բարակ բացեք խմորը 35-40սմ տրամագծով, վրան քսեք լոլիկի սոուսը:
Ապա տեղադրեք կտրատված սունկը, խոզապուխտը, տաքդեղը, լոլիկը, վրան շաղ տվեք քերած պանիր և մանրացված կանաչի (մաղադանոս, կանաչ ռեհան):
Պիցցան տեղադրեք նախապես 220աստիճան տաքացրած ջեռոցում և եփեք 15-20րոպե:
Կարևոր է հիշել, որ պիցցան ջեռոցում չափից ավել պահելը կհանգեցնի խմորի չորանալուն:

Այս բարակ իտալական պիցցան շատ հարմար է ընկերական հավաքույթների համար: Եթե որոշել եք պիցցա-փարթի կազմակերպել, գտեք մեր կայքում նաև պիցցայի մուս բաղադրատոմսերը: