Հրաչյա Մաթևոսյանի հոգեհանգիստ կկայանա Սուրբ Հովհաննես եկեղեցում

Անվանի արձակագիր, հրապարակախոս Հրաչյա Մաթևոսյանի հոգեհանգիստը տեղի կունենա հուլիսի 2-ին, ժամը 18-20.00-ը, Կոնդի Սուրբ Հովհաննես եկեղեցում։ Հուղարկավորությունը՝ հուլիսի 3-ին, ժամը 12-14.00-ը, Հայաստանի գրողների միությունից։ Այս մասին տեղեկացրին Հայաստանի գրող ների միության վարչությունից:

Հրաչյա Մաթևոսյանը ծնվել է 1937թ. ապրիլի 1-ին, Թումանյանի շրջանի Ահնիձոր գյուղում (այժմ ՀՀ Լոռու մարզ): Ավարտել է Երևանի պրոֆտեխնիկական 3-րդ ուսումնարանը` ստանալով գրաշար-լինոտիպիստի մասնագիտություն:  Ավարտել է նաև Երևանի Պետհամալսարանի ժուռնալիստիկայի  ֆակուլտետը: Աշխատել է թիվ 2-րդ տպարանում,  Հայաստանի կույրերի միավորման  հրատարակչությունում,  «Ավանգարդ», «Հայրենիքի ձայն», «Հայաստան»  թերթերի խմբագրություններում:  ՀԳՄ անդամ է 1985 թվականից, միաժամանակ անդամ էր  Ռազմածովագիրների միջազգային ընկերակցո ւթյան և ժուռնալիստների միության: Հրաչյա Մաթևոսյանը շուրջ 20 գրքի հեղինակ էր` «Մոլորյալ ժամ» /1999/,  «Խաչքար Հայաստան» /2002/,  «Պինդ կացեք» /2003/,  «Սիրով» /2003/, «Հայրենանկար» /2007/ և այլն:  Նրա բազմաթիվ ակնարկները, հոդվածները, հարցազրույցները, պատմվածքները տպագրվել են հանրապետական մամուլում և գրական հանդեսներում, մեծ ընդունելություն գտնելով ոչ միայն ընթերցողների, այլև գրականագետների ու քննադատների  կողմից:  Գրում էր նաև մանուկների համար:  Նրա շատ ստեղծագործություններ թարգմանվել են ռուսերեն, վրացերեն, անգլերեն  և այլ լեզուներով:

«Հացը հացարարին» գրքի համար արժանացել է ՀԳՄ Վախթանգ Անանյանի անվան, «Հայրենանկար» գիրքը  ՀԳՄ Միքայել Նալբանդյանի անվան մրցանակների:  Երկու անգամ` 1993 և 2003 թվականներին` «Ցավի ծաղիկ» ակնարկաշարի  և «Հրանտ կամ դառնամուխ կյանք»  գրքի  համար արժանացել է  ԼՂՀ Եղիշեի անվան մրցանակի: Հայ-վրացական  բարեկամության ամրապնդման գործում ունեցած վաստակի համար պարգևատրվել է «Հայոս-Քարթլոս» արծաթե մեդալով, ՀՀ մշակոյթի ոսկե մեդալով, ՀՀ վարչապետի հուշամեդալով և այլն:

Հայրենիքի ճակատագրով մտահոգ  Հրաչյա Մաթևոսյան մարդու, գրողի, հրապարակախոսի  ստեղծագործությունները   դեռ երկար   հայրենասիրության և նվիրումի ազդակներ կհաղորդեն  նաև գալիք սերունդներին: