Պատերազմական շրջանում հաճախ հանդիպող հիվանդություններ: Ղրիմ-Կոնգոյի արյունահոսային տենդ: Գեորգի Ավետիսյանի սյունակը

Սիրելի ընթերցողներ, կան հիվանդություններ, որոնք ավելի հաճախ գլուխ են բարձրացնում պատերազմական ժամանակահատվածում: Ավելորդ չի լինել խոսել այդ հիվանդությունների մասին՝ իրազեկված լինելը կարող է նաև պաշտպանել հիվանդանալուց: Եվ այսպես, հաջորդ հիվանդությունը, որի մասին կուզեմ խոսել, Ղրիմ-Կոնգոյի արյունահոսային տենդն է: Այլ հիվանդությունների մասին կարող եք տեղեկանալ հաջորդ հրապարակումներում:

 

 

Ղրիմ-Կոնգոյի հեմոռագիկ տենդը (ՂԿՀՏ)՝ սուր, ծանր ընթացքով, տարափոխիկ (միջատների խայթոցների միջոցով փոխանցվող) հիվանդություն է: Ըստ պատմական տվյալների ՂԿՀՏ-ն գլուխ է բարձրացրել գրեթե բոլոր պատերազմների ժամանակ:

 

Հիվանդությունը արտահայտվում է տենդով, թունավորումներով, մաշկի և նեքին օրգանների արյունազեղումներով: ՂԿՀՏ-ով հիվանդանում են խոշոր եղջերավոր կենդանիները, ոչխարները և այծերը: Այս հիվանդությամբ կարելի է վարակվել Hyalomma ընտանիքի տզերի միջոցով, ինչպես նաև վարակակիր կամ հիվանդ կենդանիների մորթի ժամանակ, հաճախ հիվանդանում են անասնապահությամբ զբաղվողները և անասնաբույժները:

 

Հիվանդությունից մահացությունը կարող է կազմել 30%:

Հիվանդ մարդիկ, վարակված կենդանիները, կրծողները, թռչունները հանդիսանում են վարակի աղբյուր:

 

Հայաստանում կարծես այս հիվանդության դեպքեր չեն գրանցվել, սակայն հիվանդությունը ՀՀ տարածք ներմուծելու ռիսկը բավականին մեծ է, քանի որ հիվանդության համաճարակներ հաճախ արձանագրվում են Կրասնոդարի, Ստավրոպոլի երկրամասերում, Վոլգոգրադի, Ռոստովի շրջաններում, Իրանում:

 

Հիվանդությունից պաշպանվելու համար, պետք է օգտագործել տզերից պաշտպանվելու հնարավոր եղանակները, ինչպես նաև ուշադրություն դարձնել անձնական հիգիենայի պահպանման վրա:

 

Առողջ եղեք և մի վախեցեք:

Կիսվել