Հայ-լեհական հասարակական կոմիտեն կոչ է արել Լեհաստանի նախագահին դատապատրել Ադրբեջանի հարձակումը

Հայ-լեհական հասարակական կոմիտեն Լեհաստանի Հանրապետության նախագահ Անդժեյ Դուդային կոչ է արել դատապատրել ադրբեջանական զինված ուժերի հարձակումը Արցախի խաղաղ բնակչության և պաշտպանական դիրքերի վրա: «Արմենպրես»-ի փոխանցմամբ`այս մասին նշված է Հայ-լեհական հասարակական կոմիտեի նախագահ Հրաչյա Բոյաջյանի տարածած հայտարարությունում:

«Հայ-լեհական հասարակական կոմիտեն խիստ մտահոգ է Արցախի արևելյան սահմանի ողջ երկայնքով ապրիլի 1-ի լույս 2-ի գիշերը սկսված ռմբակոծությունների և լայնածավալ մարտական գործողությունների պատճառով: Կոչ ենք անում դատապարտել ադրբեջանական զինված ուժերի ուխտադրուժ հարձակումը Արցախի խաղաղ բնակչության և պաշտպանական դիրքերի վրա: Իր ագրեսիվ քայլով Ադրբեջանի ղեկավարությունը ոչ միայն կոպտորեն խախտում է կրակի դադարեցման մասին 1994 թվականին ստորագրված պայմանագիրը, այլև կործանիչ հարված է հասցնում ԼՂ հակամարտության լուծման բանակցային գործընթացին: Իլհամ Ալիևի վարած հակաքրիստոնեական քաղաքականությունը պետք է խստորեն դատապարտել»,-նշված է տեքստում:

«Օսմանյան Թուրքիայի 1915-ին սկսած և անպատիժ մնացած ցեղասպանությունը փորձում են շարունակել ազերիները`հրթիռակոծելով Արցախի խաղաղ բնակավայրերը, ինչի հետևանքով ապրիլի 2-ի լուսադեմին զոհվել և վիրավորվել են խաղաղ բնակիչներ, երեխաներ: Չի կարելի անպատիժ թողնել ինքնորոշման իրավունք ունեցող Արցախի բնակչության դեմ ուղղված ստոր ոտնձգությունները: Դա ոչ միայն շարունակությունն է 1915 թվականի Ցեղասպանության, այլև մահմեդական ծայրահեղականների`ողջ քրիստոնյա աշխարհին հայտարարած պատերազմի շարունակակական շղթայի մի օղակն է»,-ընդգծվում է հայտարարո ւթյան մեջ:

«Փաստորեն, Արցախի պաշտպանության բանակը, երկիրը պաշտպանելուց բացի, իր լուման է ներդնում համաշխարհային ահաբեկչության դեմ կարևոր պայքարում: Անչափ կարևոր է, որ միջազգային հանրությունը աչք չփակի Արցախի խաղաղ բնակչության դեմ տարվող բարբարոսությունների վրա»,-նշվում է Հայ-լեհական հասարակական կոմիտեի նախագահ Հրաչյա Բոյաջյանի հայտարարության մեջ:

Ապրիլի 1-ի լույս 2-ի գիշերը և առավոտյան Ադրբեջանը ղարաբաղա-ադրբեջանական հակամարտ զորքերի շփման գծի ողջ երկայնքով ձեռնարկել է լայնածավալնախահարձակ գործողություններ, որոնց ընթացքում հրթիռահրետանային արկակոծման են ենթարկվել ոչ միայն հայկական զինուժի պաշտպանական դիրքերը, այլևխաղաղ բնակավայրերը:

Ադրբեջանական զինուժի կողմից ապրիլի 2-ին ժամը 08:30-իսահմաններում Մարտունու պաշտպանական ուղղությամբ ՄՄ-21 («Գրադ») կայանքից իրականացվածհրթիռահրետակոծության հետևանքով սպանվել է 12-ամյա ՎաղինակԹաթուլի Գրիգորյանը, ևս երկու երեխա վիրավորվել են: Ավելի ուշ Ստեփանակերտի հիվանդանոց էտեղափոխվել ևս չորս վիրավոր քաղաքացիական անձ: Իսկ ապրիլի 3-ին հայտնի դարձավ, որ Թալիշում նախօրեին ադրբեջանցիները գազանային կերպովգնդակահարել են երեք խաղաղ բնակչի, որոնք չէին հասցրել տարհանվել:

Լեռնային Ղարաբաղի Պաշտպանության բանակի՝ ժամանակին և արհեստավարժ գործողությունների շնորհիվ հնարավոր է եղել իրավիճակը վերցնել հսկողության տակ ևզգալի կորուստներ հասցնել հակառակորդին. ապրիլի 1-ի լույս 2-ի գիշերը և օրվա ընթացքում տեղի ունեցած մարտական գործողությունների ընթացքումադրբեջանական զինուժը տվել է 200-ից ավելի կորուստ: Շարքից հանվել է ընդհանուր առմամբ թշնամական 18 տանկ, մեկ «Գրադ» կայանք:

Հայկական կողմն ունի 18 զոհ և մոտ 37 վիրավոր: Առաջնային գծի հարավային ուղղությամբ ապրիլի 3-ին՝ ժամը 06:00-ից սկսած, հակառակորդը հրթիռահրետանայինմիջոցների և զրահատեխնիկայի կիրառմամբ շարունակել է ագրեսիվ ռազմական գործողությունների վարումը: ՊԲ ստորաբաժանումներն անցել են հակազդիչ գործողութ յունների և Թալիշի ուղղությամբ տիրել նախօրյակին ադրբեջանական ուժերի կողմից գրավված մարտավարական կարևոր նշանակության հենակետին: