Տղամարդ և կին. «շոկոլադի հորոսկոպ»

Սիրելիին կոնֆետ նվիրելուց առաջ Կանադայում Տորոնտոյի համալսարանի փորձագետները խորհուրդ են տալիս «շոկոլադի հորոսկոպի» միջոցով իմանալ՝ ձեզ ինչ է սպասվում նվերից հետո: Այս մասին գրում է toneto.net-ը:

Խոյ
Այս նշանի ներկայացուցիչները համարվում են շատ էներգետիկ և հուզական: Ուստի մի զարմացեք, եթե 1 ժամ անց ձեր նվիրած կոնֆետները կերած լինեն:

Ցուլ
Այս նշանի ներկայացուցիչները բնորոշվում են իշխող բնավորությամբ: Ուստի նրանք չեն կարողանա մյուսների հետ կիսել իրենց սիրելի կոնֆետները:

Երկվորյակ
Այս նշանի ներկայացուցիչների համար առավել հարմար են ասորտի կոնֆետները, քանի որ այդ մարդիկ բազմազանություն են սիրում:

Խեցգետին
Այս նշանի ներկայացուցիչներն այնքան ռոմանտիկ են, որ թվում է՝ ձեր նվիրած կոնֆետը հավերժ կպահեն: Ուստի դուք ևս հնարավորություն կունենաք այն փորձելու:

Առյուծ
Առյուծները բնորոշվում են առատաձեռնությամբ և բարությամբ, ուստի նրանք, անխոս, ձեզ հետ կկիսեն կոնֆետները: Բայց միաժամանակ բազմիցս կհիշեցնեն, որ ուտում եք ձեր իսկ ընտրած քաղցրավենիքը:

Կույս
Այս նշանի ներկայացուցիչները բնորոշվում են կազմակերպվածությամբ: Ուստի սպասեք, որ նրանք շոկոլադն արդարացիորեն կկիսեն՝ միաժամանակ հաշվելով կալորիաների քանակը:

Կշեռք
Այս նշանը համարվում է առավել առատաձեռն, ուստի վստահ եղեք՝ նվիրած կոնֆետների կեսը ձեզ կտան:

Կարիճ
Այս նշանի ներկայացուցիչները առավել շնորհակալ կլինեն նվերի համար: Այդպիսի նվերից հետո երեկոյի ռոմանտիկ շարունակություն սպասեք:

Աղեղնավոր
Այս նշանի ներկայացուցիչները համարվում են առավել դժվարահաճ: Ուստի կոնֆետ ընտրելիս հաշվի առեք ձեր զուգընկերոջ ճաշակն ու ցանկությունները թակարդում չհայտնվելու համար:

Այծեղջյուր
Զգույշ եղեք: Նույնիսկ եթե հարցնեք՝ ինչ կոնֆետ է նախընտրում այս նշանի ներկայացուցիչը, պատրաստ եղեք շատ ժամանակ ծախսել «պատվերի» ձեռքբերման համար: Այծեղջյուրների ցանկությունները շատ արագ են փոխվում:

Ջրհոս
Այս նշանի ներկայացուցիչներին նվեր տալուց հետո, անկասկած, շնորհակալական խոսքեր կլսեք: Միևնույն ժամանակ ջրհոսը, ամենայն հավանականությամբ, չի մոտենա շոկոլադին, քանի որ նախընտրում է ճիշտ սնունդ և առողջ կենսակերպ:

Ձուկ
Այս նշանի ներկայացուցիչները ձեզ այնքան շնորհակալ կլինեն ուշադրության համար, որ շոկոլադը կհյուրասիրեն ձեզ մինչև ուտեք ամբողջ տուփը: