Օրվա բաղադրատոմսը. Մեղրով տորթ

cooks.am-ը գրում է.

Բաղադրիչներ

մեղր – 150գր
ձու – 3 հատ
շաքարավազ – 100գր
կարագ – 100գր
ալյուր – 350 գր
սոդա – 1,5 թ/գդ
թթվասեր – 500 գր
խտացրած կաթ եփված – 1 տուփ

Պատրաստման եղանակ

• Հարում ենք ձուն։
  
• Ձվի վրա ավելացնում ենք մեղրը, շաքարավազն ու կարագը։ Ստացված զանգվածը դնում ենք գոլորշու վրա և խառնում մինչև ստացվի համասեռ զանգված։
  
• Ավելացնում ենք սոդան։
  
• Ավելացնում ենք ալյուրը։
  
• Ապա հարում ենք ստացված զանգվածը: Պետք է ստացվի թույլ և կպչուն խմոր:
• Պերգամենտային թղթի վրա շրջան ենք գծում, 2-3 գդալ խմոր ենք լցնում շրջանի մեջ, ապա  ջրում թրջած գդալով կամ դանակով տարածում ենք խմորը շրջանի մեջ։
  
• Դնում ենք բլիթները ջեռոցի մեջ ու թխում յուրաքանչյուրը 5-7 րոպե 200 աստիճանում։ Այնուհետև տաք վիճակում առանձնանում ենք բլիթները թղթից։
  
• Կրեմի համար հարում ենք խտացրած կաթը և աստիճանաբար ավելացնում թթվասերը։
  
• Եթե խտացրած կաթը շատ ջրիկ է, և կրեմը թույլ է ստացվել, տեղափոխում ենք սառնարան 30րոպեով, որպեսզի պնդանա։
  
• Բլիթները պատում ենք կրեմի հաստ շերտով։
  Տորթը կարելի է ձևամանի մեջ հավաքել, որ ոչինչ չթափվի և կոկիկ լինի։
  
• Տորթը սառելուց հետո ձևամանի միջից հանում ենք։ Այն կարելի է դասական ձևով զարդարել. կրեմով և ավելացած բլիթների փշրանքով պատել։
  
• Կարող ենք այն զարդարել նաև շոկոլադե կրեմով և մանրացրած գետնանուշով:
  
• Պատրաստի տորթը տեղափոխում ենք սառնարան 24 ժամով, ապա հանում ենք, կտրում և մատուցում այն:
  

Այսպիսի մեղրով տորթ կարող եք պատրաստել նաև ձեռքի տակ եղած ցանկացած կրեմով. օրինակ խտացրած կաթով ու կարագով, եփած կրեմով և այլն:)