6 սովորույթ, որոնց հետեւանքով դուք վաղ կծերանաք

ԼԱՅՖ 22 Փետրվար, 2016 10:34

News.am-ը գրում է.

Որոշ սովորույթներ, որոնց վրա Դուք ոչ մի ուշադրություն չեք դարձնում, փչացնում են Ձեր առողջությունը. հենց դրանց պատճառով Դուք կարող եք ժամանակից շուտ ծերանալ:

1. Սխալ սնունդ

Ֆասթ-ֆուդը, որը շատերն այնքան սիրում են, Ձեզ ստիպում է չափից շատ ուտել, միաժամանակ օրգանիզմին գործնականում ոչ մի օգտակար նյութ չի տալիս` վիտամիններ եւ հանքանյութեր: Եթե Ձեր սննդակարգը հիմնականում կազմված է ֆասթ-ֆուդից, իսկ դրանում առողջ, օգտակար սնունդ քիչ կա, առկա է ռիսկ, որ Ձեր օրգանիզմը հազիվ թե կարողանա երկար պահպանել իր երիտասարդությունն ու առողջությունը:

2. Նստակյաց կյանք

Նստակյաց կյանքն ու ֆիզիկական ակտիվության պակասը մեծացնում են մի ամբողջ շարք հիվանդությունների զարգացման ռիսկը եւ նպաստում օրգանիզմի ծերացման արագացմանը:

3. Ծխելը

Աշխարհում տարեցտարի աճում է սրտի հիվանդություններից տառապող ծխողների քանակը: Ծխելը վտանգավոր է ոչ միայն առողջության, այլեւ արտաքինի համար. ծխողների ատամներն ու մաշկն անհամեմատ ավելի վաղ են փչանում, քան չծխողներինը:

4. Սպիրտի չարաշահումը

Մի գավաթ գինին ֆլավոնոիդների անհրաժեշտ քանակություն է պարունակում եւ, եթե հակացուցումներ չկան, կարող է օգտակար լինել օրգանիզմի համար ընդհանուր առմամբ եւ սրտի համար մասնավորապես: Բայց ալկոհոլի ավելցուկը մեծացնում է սրտի խփոցների ռիթմը եւ վնաս է հասցնում օրգանիզմին:

5. Չափից մեծ ծանրաբեռնվածություններ

Սպորտը շատ օգտակար է առողջության համար, բայց չափից մեծ ծանրաբեռնվածությունը վտանգավոր է: Չի կարելի, օրինակ, սկսել մեծ արագությամբ վազել անմիջապես, չմտածելով եւ չնախապատրաստելով օրգանիզմը: Գերլարումը ուժասպառ է անում սիրտը եւ արագացնում է նրա ծերացումը` զարկերակների փոքրիկ խցանումներ առաջացնելով:

6. Սթրես

Սթրեսը կողմնակիորեն մեծացնում է սրտի հիվանդությունների ռիսկը` մեծացնելով սրտխփոցի ռիթմը: Այդ պատճառով մարդը դառնում է ֆիզիկապես պակաս եւ շատ ուտելու հակված: Այդ ամենն իր հերթին նպաստում է վաղ ծերացմանը: