ՊԱՏՄՈՒԹՅԱՆ ԱՅՍ ՕՐԸ (1 ՆՈՅԵՄԲԵՐԻ).Ուժի մեջ է մտել Մաասթրիխթի պայմանագիրը, որով փաստացի ստեղծվել է Եվրամիությունը.«Փաստ»

«Փաստ» օրաթերթը գրում է.

ՏՈՆԵՐ ԵՎ ՀԻՇԱՐԺԱՆ ՕՐԵՐ

Անտիգուա և Բարբուդա՝ Անկախության օր, Ալժիր ՝ Ազգային օր, Մեքսիկա և ԱՄՆ՝ Մեռելոց:

ՀԱՅ-ՀԱՅԱՍՏԱՆ

1828 – օծվել է Բուլղարիայի Պլովդիվ քաղաքի հայկական Սուրբ Գևորգ եկեղեցին:

1871 – ծնվել է կոմպոզիտոր Ալեքսանդր Սպենդիարյանը:

1899 – վախճանվել է նշանավոր ֆիդայի, ազգային ազատագրական շարժման գործիչ Աղբյուր Սերոբը:

1899 – ծնվել է հայ խորհրդային ռեժիսոր, դերասան և թատերական գործիչ Արմեն Գուլակյանը:

1908 – ծնվել է ռումինահայ ջութակահար Կարապետ Ավագյանը:

1911 – ծնվել է ռուս-հայկական ծագումով ֆրանսիացի գրող, կենսագրագիր և պատմաբան Անրի Թրուայան (Լեոն Տարասով):

1913 – ծնվել է ճարտարապետ և բարերար Լիթեր Էսքիջեանը:

1960 – վախճանվել է հայազգի գրականագետ, թարգմանիչ Հակոբ (Յակով) Խաչատրյանցը:

1968 – վախճանվել է արևմտահայ բանաստեղծ, դերասան Պահարեն:

1977 – վախճանվել է ԽՍՀՄ զրահատանկային զորքերի գլխավոր մարշալ Համազասպ Բաբաջանյանը:

1993 – Ղարաբաղյան առաջին պատերազմի ժամանակ հայկական բանակն ազատագրել է շրջկենտրոն Զանգելանը՝ իրեն հարող բնակավայրերով, իսկ ադրբեջանական բանակի զանգելանյան գունդը Արաքսի վրայով փախել է Իրան:

1999 – Հայաստանի վարչապետ է դարձել Վազգեն Սարգսյանի եղբայրը՝ Արամ Սարգսյանը:

2001 – Երևանում մեկնարկել է Ուշուի աշխարհի առաջնությունը:

2002 – Հայաստանը ստանձնել է Սևծովյան տնտեսական համագործակցության (ՍԾՏՀ) կազմակերպության վեցամսյա նախագահությունը:

2003 – Հայաստանի Կենտրոնական բանկը շրջանառության մեջ է դրել 10000 դրամ անվանական արժեքով նոր դրամանիշ։

2008 – ավարտվել է ճարտարապետ Գագիկ Գալստյանի նախագծով կառուցված Հայաստանի Ամերիկյան համալսարանի շենքի շինարարությունը:

2004 – վախճանվել է քանդակագործ Արշամ Շահինյանը:

2010 – Թուրքիայի Ազգային անվտանգության խորհուրդը Հայաստանը հանել է Թուրքիայի համար սպառնալիք ներկայացնող երկրների ցանկից՝ Թուրքիայի «Կարմիր գրքից»:

2011 – Հովիկ Աբրահամյանը հրաժարական է տվել Ազգային ժողովի նախագահի պաշտոնից և գլխավորել ՀՀԿ նախընտրական շտաբը։

2012 – Վարդենիս-Քարվաճառ ավտոճանապարհին տեղի է ունեցել ավտովթար. ռազմական «Ուրալը» դուրս է եկել ճանապարհի երթևեկելի մասից և գլորվել ձորը, որի արդյունքում պայմանագրային 4 զինվոր մահացել է, իսկ 15-ը՝ տարբեր աստիճանի վնասվածքներ ստացել:

2018 – Ազգային ժողովը ձայների 0 դեմ, 0 կողմ, 13 ձեռնպահ հարաբերակցությամբ Նիկոլ Փաշինյանին չի ընտրել վարչապետ և արդյունքում արձակվել է իրավունքի ուժով:

2019 – Երևանում ցույցեր և երթեր են տեղի ունեցել՝ ընդդեմ Ստամբուլ յան կոնվենցիայի վավերացման։ Ցուցարարները երկնագույն ծուխ են արձակել Եվրախորհրդի գրասենյակի մոտ, ստորագրահավաք են նախաձեռնել, որին միացել է 50 հազարից ավելի մարդ:

ԱՇԽԱՐՀ

82 մ.թ.ա. – Հռոմի արվարձան Պրենեստերի Կոլլինյան դարպասների մոտ տեղի ունեցած ճակատամարտում Սուլլայի կողմնակիցները գլխովին ջախջախել են Մարիուս ավագի կողմնակիցներին:

1604 – լոնդոնյան Ուայտհոլլում առաջին անգամ ցուցադրվել է Շեքսպիրի «Օթելլո» ողբերգությունը:

1179 – Ֆրանսիայում թագադրվել է Ֆիլիպ 2-րդ թագավորը:

1520 – հայտնաբերվել է Մագելանի նեղուցը:

1555 – ֆրանսիական հուգենոտները հիմնադրել են ներկայիս Ռիո դե Ժանեյրոն:

1770 – վախճանվել է նեապոլ յան դպրոցի ներկայացուցիչ, իտալացի նկարիչ Գասպարե Թրավերսին:

1755 – տեղի ունեցած երկրաշարժից և դրա հետևանք ցունամիից Պորտուգալիայի մայրաքաղաք Լիսաբոնում զոհվել է վաթսունից իննսուն հազար մարդ:

1757 – ծնվել է իտալացի քանդակագործ Անտոնիո Կանովան:

1800 – ավարտվել է Սպիտակ տան շինարարությունը և նույն օրը ԱՄՆ-ի նախագահ Ջոն Ադամսը տեղափոխվել է այնտեղ:

1870 – ԱՄՆ-ի Եղանակի բյուրոն ներկայացրել է առաջին պաշտոնական եղանակի տեսությունը:

1878 – ծնվել է էստոնացի բնանկարիչ Կոնրադ Մյագին:

1888 – վախճանվել է ռուս ճանապարհորդ և բնախույզ Նիկոլայ Պրժևալսկին:

1894 – Նիկոլայ 2-րդը թագադրվել է Ռուսաստանի նոր (և վերջին) ցար:

1897 – հիմնվել է «Յուվենտուս» ֆուտբոլային ակումբը:

1914 – տեղի է ունեցել Առաջին համաշխարհային պատերազմի կարևոր մարտերից մեկը՝ Կորոնելի ճակատամարտը, որտեղ Գերմանիան պարտության է մատնել Մեծ Բրիտանիային:

1918 – տեղի է ունեցել ԱՄՆ-ի խոշորագույն երկաթուղային վթարներից մեկը՝ Մելբոն-սթրիթի (Նյու Յորք) վթարը. զոհվել է 102 մարդ:

1939 – աշխարհին է ներկայացվել արհեստական բեղմնավորմամբ ծնված առաջին ճագարը:

1952 – ԱՄՆ-ում առաջին անգամ իրականացվել է ջրածնային ռումբի փորձարկում:

1955 – վախճանվել է ամերիկացի հոգեբան և գրող Դեյլ Քարնեգին:

1977 – ԽՍՀՄ–ում սկսվել են Ту-144 գերձայնային ուղևորատար ինքնաթիռներով ուղևորափոխադրումները:

1981 – Անտիգուան և Բարբուդան անկախացել է Միացյալ Թագավորությունից:

1993 – ուժի մեջ է մտել Մաասթրիխթի պայմանագիրը, որով փաստացի ստեղծվել է Եվրամիությունը:

Մանրամասները՝ «Փաստ» օրաթերթի այսօրվա համարում