Յուլիա Դալաքյան.Ռուսաստանի ամենահայտնի մոդելավորողներից մեկը հայուհի է. լուսանկարներ

Wnews.am-ը շարունակում է ներկայացնել  հեղինակավոր հայուհիներին։ Այս անգամ ներկայացնում ենք Յուլիա Դալաքյանին, ով  արտերկրում նորաձեւ հագուստի ամենավառ եւ ակտուալ դիզայներներից է։ Նրա մոտ հագուստ են պատվիրում Ռուսաստանի հայտնի դերասանուհիները, գործարար կանայք եւ այլն։

Յուլիան դեռ մանկուց վստահ էր, որ հագուստ է ստեղծելու։ Նա աշխատել է Վյաչեսլավ Զայցեւի նորաձեւության տանը, սովորել Տեքստիլի ինտիտուտում, մասնակցել Միլանի, Բեռլինի, Բրյուսելի եւ այլ նորաձեւության միջազգային կենտրոնների  ցուցադրություններին, համագործկցել Cavalli նորաձեւության տան հետ։

Դալաքյանի առաջին հավաքածուն ստեղծվել է Միլանում 1989թ.։ Նույն տարում մոդելավորողը հիմնեց հեղինակային «Յուլիա» անվամբ զգեստները։ Ավելի քան 25 տարի է, Յուլիա Դալաքյան անունը գոյություն ունի ռուսական նորաձեւության շուկայում։

Այս տարիների ընթացքում Դալաքյանն անցել է հեղինակային ատելյեյից մինչեւ լիարժեք նորաձեւության տուն հիմնելու  ճանապարհը։ 

2005թ. հոկտեմբերին Մոսկվայում բացվեց  store Julia Dalakyan։ Նրա մոտ են հագնվում գործարար կանայք, մայրաքաղաքի բոմոնդի ներկայացուցիչները, կինոյի եւ շոու բիզնեսի աստղերը, հաղորդավարուհիները եւ այլն։

Ալյոնա Բոնդարչուկը եւ Վիկտորիա Տոլստոգանովան Յուլիա Դալաքյանի մոդելավորած զգեստներով

 

Յուլիա Դալաքյանը միշտ գտնվում է բոլոր նրանց ուշադրության կենտրոնում, ովքեր հոգ են տանում սեփական իմիջի մասին։

Դալաքյանի մոտ կարելի է պատվիրել ոճային, ժամանակակից հագուստ, որը տարբերվում է կառուցվածքային լուծումներով, անսովոր ֆակտուրայով եւ կատարյալ գունային լուծումներով։

 

Յուլիա Դալաքյանի նորաձեւությունը ինտելեկտուալ քաղաքացու համար նախատեսված ոճային, դինամիկ  եւ հարմարավետ հագուստն է։

 

«Julia Dalakian» նորաձեւության տունը տարեկան թողարկում է հագուստի երկու հավաքածու, որոնք ներկայացվում են Միլանի, Պեկինի նորաձեւության շաբաթներում։

Այժմ Յուլիա Դալաքյանի հագուստները ներկայացված են ինչպես սեփական նորաձեւության տանը, այնպես էլ՝  ITALICUS Image Lab, Soul Studio&SPA Lady Cao և մի շարք ինտերնետային խանութներում։

Ստորեւ ներկայացնում ենք հայ մոդելավորողի վերջին հավաքածուն.