96.3 հաճախականությամբ գործող Go Sport FM-ը 3 տարեկան է

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Ռիթմիկ, ժամանակակից ու որակյալ ռիթմերով Go Sport FM-ն արդեն 3 տարի եթերում է, սակայն ռադիոլսողին այն երկար ժամանակ հայտնի էր միայն 96.3 հաճախականությամբ: Հետագայում այն վերանվանվեց Go Sport FM ու ռադիոլսողին ներկայացավ առավել ժամանակակից կոնտենտով:

Ռադիոյի ստեղծման պատմության, անցած ճանապարհի ու սպասվող նոր ծրագրերի մասին Tert.am Life-ը զրուցել է Go Sport FM-ի տնօրեն Աելիտա Չիլինգարյանի հետ: 

«Անցյալ տարի ռադիոն անվանափոխվեց ու դարձավ Go Sport FM:

Մոտեցումներն ու հաճախականությունը մնացին ամփոփոխ, իսկ 2025-ի սկզբից մեր եթերում եղավ եթերային կոնտենտի կտրուկ փոփոխություն, այն, ինչ հիմա շատերդ տեսնում եք նաև թվային հարթակներում»,- Tert.am Life-ի հետ զրույցում ասաց Go Sport FM-ի տնօրեն Աելիտա Չիլինգարյանը:

Խոսելով ռադիոյի ստեղծման պատմության մասին՝ նա նշեց, որ ի սզբանե 96.3 հաճախականությունը եղել և հավատարիմ է մնում ժամանակակից մեդիա լինելու ուղղությանը:

«Մենք համոզված ենք, որ յուրաքանչյուր մեդիա պետք է լինի ժամանակակից և այսօրվա թվային հարթակներին համահունչ քայլի:

Ռադիոն ևս բացառություն չէ, դրա համար վերցնելով ռադիոյի լավագույն ավանդույթները՝ դրանք բերել ենք նաև բոլոր տեսակի ժամանակակից հարթակներ:

Այսօր Go Sport FM-ն ունի շատ ակտիվ էջեր Տիկտոկում, Ֆեյսբուքում, Ինստագրամում, Լինկդինում:

Դրան զուգահեռ մենք տարվա սկզբից շատ կտրուկ զարգացրեցինք մեր յութուբի հարթակը: Դրա մասին խոսում են նաև մեր յութուբյան թվերը:  

Մենք ուզում ենք, որպեսզի մեր կոնտենտը ոչ միայն լսեն, այլ նաև տեսնեն»,- նշեց մեր զրուցակիցը:

Աելիտա Չիլինգարյանի խոսքով՝ Go Sport FM-ը հիմնական շեշտը դնում է ժամանցի և երաժշտության վրա:

Յութուբյան հարթակում ռադիոն ներկայացնում է հետաքրքիր փոդքասթներ, երաժշտական հաղորդումներ ու հարցումներ  ունկնդիրների հետ:

«Դրանց ավելի կարճ տարբերակները ռադիոլսողը կարող է լսել FM-ի եթերում՝ 96.3-ում, իսկ ամբողջական տարբերակները հասանելի են Յութուբում:

Մեր կոնտենտի վրա աշխատում է պրոֆեսիոնալ թիմ, որը տարիներ շարունակ աշխատել է հեռուստատեսությունում ու ստեղծել տեսանյութերի կոնտենտ:

Այնպես չէ, որ պարզապես ուզում էինք յութուբյան ալիք բացել»,- ընդգծեց Աելիտա Չիլինգարյանը:

Նա պատմեց, որ ունեն փոդքասթների իրենց սիրելի շարքը, որը կոչվում է «Break Point»: Այն կառուցված է սպորտային տեմպի վրա, այսինքն՝ փոդքասթն ունի warm up, start և finish, բայց որպես այդպիսին կոնտենտը սպորտային չէ:

«Հյուրերը հանրային մարդիկ են, ովքեր գալիս և խոսում են իրենց կյանքի շրջադարձային կետերից: Հաղորդման հեղինակը Աննա Կոստանյանն է, նա ավելի սուր հարցադրումներ անող լրագրող- հաղորդավար է, ով  հարցերի միջոցով փորձում է մարդկանց նոր կողմից ներկայացնել:

Հաջորդ հաղորդումը, որի մասին կուզեմ խոսել, դա մեր յութուբյան ալիքում էլ կարող եք գտնել, ռադիոյում էլ կարող եք լսել՝ «Թիվ- թվաբանություն» խաղ փոդքասթն է, որի ընթացքում հանրային դեմքերը հետաքրքիր թվային խաղ են խաղում մեր 963 ռոբոտի հետ, ով տալիս է հարցեր հաղորդավարին և հյուրին:

Խաղի ընթացքում շատ հետաքրքիր զրույց է ծավալվում տարբեր թեմաների շուրջ, այն ամենն ինչն այսօր կարող է հետաքրքիր լինել մարդկանց: Շատ դինամիկ, հումորային խաղ է, որովհետև մեր հաղորդավարն էլ է եթերում շատ լավ իմպրովիզներ անում, հյուրերը՝ նույնպես»,- պատմեց տնօրենը:

Մյուս մասշտաբային նախագծերից է «Կարաոկե 963»-ը, որը վարում է Ավետ Զոհրաբյանը: Այս խաղի ընթացքում 2 թիմ մրցում են միմյանց հետ:

«Մրցողները մեր բոլորի կողմից ճանաչված մարդիկ են, ինչպես նաև մարդիկ, ովքեր կայացած են իրենց ոլորտում և ուղղակի երգել ու լավ ժամանակ անցկացնել են սիրում:

Երաժշտական նախագիծ է, որը նայելով վերհիշում ենք հայկական ու արտասահմանյան հիթերը:

Ես՝ ինքս որպես դիտող, զուգահեռ մասնակցում ու երգում եմ:

Երաժշտական հաղորդումներից բացի մեր եթերում ունենք նաև հարցում՝ հարց մեր բոլոր ունկնդիրներին, ում դրսում հանդիպում ենք։

Դրսում շփվում ենք մարդկանց հետ, տալիս ենք 10 հարց, որոնցից գոնե 8-ին պատասխանելու դեպքում փոքրիկ նվեր ենք տալիս»,- նշեց ռադիոյի տնօրենն ու հավելեց, որ իրենց նպատակն է՝ մարդկանց ինչ-որ նոր ինֆորմացիա տալուց դա անել մաքսիմալ թեթև ոճով։

«Մեր նպատակն է պահելով դասական ռադիոյի արմատները՝ մաքսիմալ զարգացնել և միևնույն ժամանակ ինչ-որ նոր ու հետաքրքիր էլեմենտներ մտցնել:

Նոր մտքերն ու գաղափարները շատ են: Մեր  3 ամյակին զուգահեռ նաև տեղափոխվում ենք նոր տարածք՝ շատ գեղեցիկ, հագեցած ստուդիա է, որն իհարկե բերելու է նաև նոր նախագծեր»,- ամփոփեց Աելիտա Չիլինգարյանը։

Հետևեք մեզ՝ այստեղ