Հայ քաղաքական գործիչների ընկերները. լուսանկարներ

Wnews.am-ը գրում է.

Իսկական ընկերը բարիքներից մեծագույնն է. Լառոշֆուկոյի խոսքերը միշտ էլ արդիական են։

Հայ քաղաքական գործիչներն էլ, ինչպես բոլորս, ունեն ընկերներ. նրանք ինչպես քաղաքական ասպարեզից են, այնպես էլ` դրանից դուրս։

Wnews.am-ը ներկայացնում է հայ քաղաքական գործիչների հայտնի և անհայտ ընկերներին։

Արաբական Միացյալ Էմիրություններում Հայաստանի դեսպան, ԱԺ աշխատակազմի ղեկավար Գեղամ Ղարիբջանյանը Հայաստանի վարչապետ Հովիկ Աբրահամյանի մտերիմ ընկերն է։

Մտերիմ ընկերներ են նաեւ գեներալ պատգամավորներ Մանվել Գրիգորյանն ու Սեյրան Սարոյանը։

Ռուսաստանի հայերի միության նախագահ Արա Աբրահամյանն ու հայտնի գործարար, ՀԱՕԿ-ի նախագահ Գագիկ Ծառուկյանն ընկերներ են։ Այս մասին հայտարարել է նաեւ Արա Աբրահամյանը.

«Իմ հարաբերությունները Գագիկ Ծառուկյանի հետ շատ լավ են: Գագիկ Ծառուկյանն իմ ընկերն է», – ասել է նա։

Ի դեպ, Արա Աբրահամյանն ընկերություն է անում նաեւ ՀՀ Ազգային անվտանգության խորհրդի նախկին քարտուղար Արթուր Բաղդասարյանի հետ.

Մտերիմ ընկերներ են նաեւ «Տաշիր» ընկերությունների նախագահ Սամվել Կարապետյանը, ԱԺ պատգամավոր Սամվել Ալեքսանյանն ու Գագիկ Ծառուկյանը։

Նրանք ընտանիքներով հաճախ իրենց հանգիստն են վայելում Դուբայում։

«Ես որպես ընկեր շատ եմ երկրպագում Տարոն Մարգարյանին, իր հաջողությունները իմ հաջողություններն են, իր խնդիրները իմ խնդիրներն են ե՛ւ որպես ընկեր, ե՛ւ որպես կուսակից ընկեր, ե՛ւ որպես իր ընտանիքին մոտիկ մարդ»,-մի առիթով ասել է ԿԳ նախարար Արմեն Աշոտյանը։

«Ընտանիքից հետո ընկերությունը մարդու գոյության երկրորդ նախապայմանն է»,- ֆեյսբուքյան իր էջում ընկերների հետ լուսանկարի ներքո գրել է  Արմեն Աշոտյանը։

ԱԺ պատգամավոր Էդմոն Մարուքյանն՝ ընկերների հետ

Ահա եւ պատգամավորական ընկերություն. լուսանկարում ԱԺ փոխնախագահ Էդուարդ Շարմազնովը, պատգամավորներ Արման Սահակյանը, Էդմոն Մարուքյանը, Հովհաննես Սահակյանը, Արթուր Գեւորգյանն ու Սյունիքի նախկին մարզպետ Վահե Հակոբյանն են։

ԱԺ պատգամավոր Լեւոն Մարտիրոսյանը՝ ընկերների հետ