Brent-ը էժանացել է մինչև 78,1 դոլար մեկ բարելի դիմաց

Նավթի գները շարունակում են էժանանալ Չինաստանից վառելիքի պահանջարկի կրճատման մտավախությունների պատճառով։

Brent-ի դեկտեմբերյան ֆյուչերսները Լոնդոնի ICE Futures բորսայում էժանացել են 0,94 դոլարով (1,2%)՝ հասնելով 78,1 դոլարի՝ մեկ բարելի դիմաց։ Ուրբաթ օրը Brent-ն էժանացել է 0,36 դոլարով (0,5%)՝ հասնելով 79,04 դոլարի՝ մեկ բարելի դիմաց։

Այս պահին WTI-ի նոյեմբերյան ֆյուչերսները Նյու Յորքի NYMEX բորսայում էլեկտրոնային առևտրի ժամանակ էժանացել են 0,92 դոլարով (1,2%)՝ մինչև 74,64 դոլար մեկ բարելի դիմաց։ Նախորդ նստաշրջանի ընթացքում պայմանագիրն էժանացել է 0,29 դոլարով (0,4%)՝ հասնելով 75,56 դոլարի՝ մեկ բարելի դիմաց։

Չնայած ուրբաթ օրը գնանշումների անկմանը, վերջին շաբաթվա ընթացքում Brent-ը թանկացել էր 1,3%-ով, WTI-ն՝ 1,6%-ով։