Սոֆի Լորենի գեղեցկության հինգ գաղտնիքները

Wnews.am-ը գրում է.

Դերասանուհի, սեքս խորհրդանիշ Սոֆի Լորենը 81 տարեկան է. նա շարունակում է հիացնել իր գեղեցկությամբ։

Wnews.am-ը ներկայացնում է Սոֆի Լորենի գեղեցկության հինգ կանոնները.

Դրական տրամադրվածություն.

Սոֆի Լորենի կարծիքով, լավ  եւ դրական տրամադրությունը երջանիկ կյանքի եւ արտաքին գրավչության հիմքերից է. «Ես միշտ դրական եմ մտածում։ Ինձ հազվադեպ կարելի է տեսնել մելանխոլիկ կամ տխուր տրամադրությամբ։ Դուք պետք է վայելեք կյանքը ամեն վայրկյան։ Լավ տպավորություն թողնելու համար սա շատ կարեւոր է։ Միշտ շրջապատեք ձեզ սիրելի մարդկանցով, որոնց հետ հաճելի է խոսել կամ նոր բան իմանալ»,- ասում է Լորենը։

Բացի այդ, դերասանուհին առաջարկում է խուսափել սթրեսներից եւ քիչ անհանգստանալ։ «Դուք պետք է հոգ տանեք ձեր մասին։ Հանգստացեք, զբաղվեք ընթերցանությամբ, հիացեք մայրամուտով։ Արեք այն, ինչ ձեզ երջանկացնում»,- խորհուրդ է տալիս դերասանուհին։

  

Ինքնակառավարում եւ  խնամք

«Դժվար է անկրկնելի դառնալ, եթե ալարկոտ եք»,- Սոֆի Լորենի հայտնի արտահայտությունը վաղուց թեւավոր խոսք է դարձել։

Դերասանուհին վստահ է, որ կնոջ գրավչության գլխավոր գաղտնիքներից մեկն ինքնակառավարումն է։

«Եթե երիտասարդ կինն ունի արտահայտիչ արտաքին, սակայն զուրկ է ինքնակառավարումից, ապա տարիների ընթացքում դրանից ոչինչ չի մնա, իսկ եթե սովորական արտաքինով կինը հետեւի իրեն, ապա ժամանակի ընթացքում, անկասկած, գրավչություն ձեռք կբերի»,- վստահ է դերասանուհին։

Սոֆի Լորենի սիրելի գեղեցկության միջոցներից է զեյթունի ձեթը. նա այն օգտագործում է ինչպես սննդի մեջ, այնպես էլ՝  լոգանքի ժամանակ եւ քսում է այն մաշկին։ Նրա կարծիքով, տարիքի հետ պետք է դասակարգել խնամքն ու հատուկ ուշադրություն դարձնել տարբեր կոսմետոլոգիական պրոցեդուրաներին, որոնք օգնում են կանանց լինել գեղեցիկ։ Դիմահարդարման մեջ պետք է հետեւել «լավ է քիչ, բայց լավ» սկզբունքին։

«Երբ մեծանում եք, պետք է քիչ շպար օգտագործեք. սա պարզ օրենք է։ Միշտ նկատելի է, երբ հասուն կանայք փորձում են տարիքը կոմպենսացնել շպարի հաստ շերտով, սակայն այդպիսով նրանք համակրելի չեն դառնում»,- ասում է Լորենը։

 

Ակտիվ ապրելակերպ.

Սոֆի Լորենն իր օրը սկսում է առավոտյան  5-6-ին, իսկ քնում՝ երեկոյան  8-9-ին։

Այս ժամանակը նրան ամբողջությամբ հերիքում է թարմ զգալու եւ գրավիչ արտաքին ունենալու համար։

Ամեն առավոտ նա մեկ ժամ է հատկացնում  թեթեւ մարմնամարզությանն ու մաքուր օդում զբոսանքին.

«Ես ամեն առավոտ վաղ եմ արթնանում եւ միանգամից վեր կենում անկողնուց անգամ այն դեպքում, երբ չեմ ցանկանում դա անել։ Պետք չէ արդարացումներ փնտրել չմարզվելու համար։ Ես շատ եմ քայլում եւ բոլորին խորհուրդ եմ տալիս քայլել. դա շատ օգտակար է մարմնի եւ սրտի համար»,- ասում է դերասանուհին։

Սոֆի Լորենը բնության գրկում շատ ժամանակ է անցկացնում ընտանիքի հետ, բացի այդ, չի պատկերացնում կյանքն առանց իր սիրելի աշխատանքի.

«Ինձ թվում է, որ ես ծնվել եմ դրա համար։ Երբ նկարահանման երկար դադար եմ ունենում, պարզապես չէի կարողանում իմ տեղը գտնել»,- պատմում է նա։

Ճիշտ սնունդ

81 տարեկանում էլ Սոֆի Լորենը փայլուն կազմվածք ունի եւ կարող է հպարտանալ դրանով։ Դերասանուհին խոստովանում է, որ սոված չի մնում եւ դիետաներ չի պահում, քանի որ շատ է սիրում սնվել։ Դրա հետ մեկտեղ նա հետեւում է, թե ինչից է բաղկացած իր սննդակարգը։ «Զգույշ եղեք եւ հետեւեք, թե ինչ եք ուտում։ Կերեք հաճախ, բայց փոքր չափաբաժիններով։ Չէ՞ որ չեք ցանկանում գեր լինել»,- ասում է նա։

Սոֆի Լորենն իր օրը սկսում է փոքր նախաճաշից, որին հետեւում է սննդարար ընթրիքը, իսկ երեկոյան թեթեւ ճաշը։

«Ես շատ բանջարեղենային աղցաններ եմ ուտում, քիչ միս եւ որոշ մրգեր։ Ահա ամենը։ Բացի այդ, ես սիրում եմ քաղցր եւ մակարոնեղեն, այդ պատճառով էլ երբեմն ինձ թույլ եմ տալիս ուտել դրանք»։ Դերասանուհին պնդում է, որ երբեւէ քաշի խնդիր չի ունեցել. «Ես կարող էի մի քանի կիլոգրամով գիրանալ, սակայն հեշտությամբ ազատվել դրանցից»,- ասում է նա։

  

Ընդունեք ձեզ եւ ձեր տարիքը

Սոֆի Լորեն վստահ է, որ չարժե հերքել տարիքային փոփոխությունները, որոնք անխուսափելի են։ Հայտնի իտալուհին չի թաքցնում իր տարիքը եւ չի փորձում երիտասարդ երեւալ։ Դերասանուհին պնդում է, որ երբեւէ պլաստիկ վիրաբույժների օգնությանը չի դիմել եւ հարցին, թե ինչպե՞ս է իրեն հաջողվում այդքան գրավիչ արտաքին ունենալ, փիլիսոփայորեն է պատասխանում.

«Ես կարծում եմ, որ դա իմ արյան մեջ է։ Եթե միշտ ցանկանում եք երիտասարդ երեւալ, կարելի է որոշ վիրահատություններ անել, սակայն ինձ անձամբ դուր չի գալիս այդ գաղափարը։ Մարդիկ հաճախ դժգոհ են մնում արդյունքներից։ Ես չէի ցանկանա այդ վիճակում հայտնվել եւ ես ինձ շատ եմ սիրում, որպեսզի դիմեմ նման քայլի»,- վստահեցնում է Լորենը։