«Գնդակը Երևանի դաշտում է»․ Ե՞րբ Վլադիմիր Պուտինը կայցելի Հայաստան

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Ռուսաստանի Դաշնության նախագահ Վլադիմիր Պուտինը պետական այցով մեկնել է Ադրբեջան: Ռուսաստանի ղեկավարի բանակցությունների օրակարգում ո՛չ միայն ռուս-ադրբեջանական հարաբերությունների զարգացումն է, այլ նաև քննարկման թեմաներից է Հայաստանի և Ադրբեջանի հարաբերությունների կարգավորումը։ Բացի այդ Ռուսաստանն ու Ադրբեջանը քննարկել են Լեռնային Ղարաբաղում ՌԴ գլխավոր հյուպատոսություն բացելու հարցը: 

Ռուսաստանի Դաշնության նախագահ Վլադիմիր Պուտինը ասել է․ «Ադրբեջան այցից հետո ես կկապվեմ նաև վարչապետ Փաշինյանի հետ և կխոսեմ մեր բանակցությունների արդյունքների մասին»։

Նշենք, որ 2024թ. փետրվարի 1–ից ուժի մեջ է մտել Միջազգային քրեական դատարանի Կանոնադրությունը  (Հռոմի ստատուտ): Ազգային ժողովը կանոնադրությունը վավերացնելու և հետադարձ ուժով իրավազորությունը ճանաչելու մասին հայտարարության օրենքի նախագիծն ընդունել էր 2023թ. դեկտեմբերի 3-ին:

Անշուշտ պետք չի մոռանալ, որ ՌԴ ԱԳՆ-ում նշել էին, որ «Հռոմի ստատուտի» վավերացումից հետո Հայաստանի համար դժվար կլինի պատկերացնել Ռուսաստանի ղեկավարության այցերը Հայաստան։ 

«Առնվազն դժվար է պատկերացնել Ռուսաստանի ղեկավարության այցը Հանրապետություն, հատկապես, երբ իշխող կուսակցության պատգամավորները, Հաագայի «ֆեմիդայի» խնդրանքով, կոչ են անում ձերբակալել Վլադիմիր Պուտինին»,- նշել էին ՌԴ ԱԳՆ-ում։

Հայաստանն ու Ռուսաստանը  ռազմավարական դաշնակիցներ են ու դա փաստ է: Սակայն, արդեն տևական ժամանակ է, ինչ ՀՀ իշխանությունները լարված են պահում Հայաստանի և Ռուսաստանի հարաբերությունները։

Այսպիսով, եթե Ռուսաստանի Դաշնության նախագահ Վլադիմիր Պուտինը պետական այցով մեկնել է Ադրբեջան և թեմաներից մեկն է Հայաստանի և Ադրբեջանի հարաբերությունների կարգավորումը, ապա ե՞րբ Ռուսաստանի Դաշնության նախագահ Վլադիմիր Պուտինը կայցելի Հայաստանը, արդյո՞ք խնդիրը «Հռոմի ստատուտն» է․ այս և այլ հարցերի շուրջ  MediaHub-ը զրուցեց ռուս քաղաքագետ Վիկտոր Սապրիկայի հետ։

«Միգուցե, Ռուսաստանի Դաշնության նախագահ Վլադիմիր Պուտինը պետական այցով կմեկնի Հայաստան: Իհարկե, սա առաջին հերթին կախված է Հայաստանի իշխանություններից, այսինքն՝ Նիկոլ Փաշինյանից, ով, առհասարակ, միշտ չէ, որ բարեկամական դիրքորոշում է ցուցաբերում Ռուսաստանի նկատմամբ։ Բայց մենք տեսնում ենք, որ Բաքվի ներկայացուցիչները մասնակցում են ռուսական հարթակներում, այսինքն՝ չեն մասնակցում բանակցություններին արևմտյան հարթակներում։ Բայց, չգիտես ինչու, Հայաստանը կարծում է, որ հենց արևմտյան դաշինքն է լուծելու Հարավային Կովկասում խնդրահարույց տարածքային հարցերը»,- նշեց ռուս քաղաքագետը։

Ըստ նրա՝ հավանաբար արժե վերանայել Հայաստանի արտաքին քաղաքականությունը՝ որպեսզի և՛ Ռուսաստանի Դաշնությունը, և՛ Հայաստանի ղեկավարությունն ընդհանուր լեզու գտնեն և հայտնվեննոր աշխարհաքաղաքական նախագծերում, ինչպիսին է ԲՐԻՔՍ-ը: Այսպիսով, այժմ «գնդակը Երևանի դաշտում է», որոշումը պետք է կայացնի Նիկոլ Փաշինյանը։

«Վլադիմիր Պուտինի այցն Ադրբեջան, անշուշտ, քննարկում է Ադրբեջանի՝ BRICS+-ին միանալու մասով։ Հասկանալի է, որ սա այնքան էլ արագ գործընթաց չէ, բայց, այնուամենայնիվ, ռազմավարական ուղղությունների համար, այսինքն՝ BRICS-ը, ինչպես Եվրասիական տնտեսական միությունը, շատ կարևոր է Ռուսաստանի Դաշնության համար»,- նշեց Սապրիկան։

Եզրափակելով նա նշեց․ «Կարծում եմ, որ հիմա Նիկոլ Փաշինյանը հնարավորություն ունի իրեն դրսևորել որպես բարեկամ երկիր, որպես Ռուսաստանի դաշնակից, որպես Եվրասիական տնտեսական միության անդամ՝ շահագրգռված տնտեսական, քաղաքական և ռազմական համագործակցությամբ և ցույց տալ իր մտադրությունները, և ոչ միայն մասնակցել արևմտյան հարթակներում, որոնք սկզբունքորեն հաճախ ուղղված են Ռուսաստանի դեմ։ ԲՐԻՔՍ-ի շուկան շատ ավելի լայն է, ուղղակի հսկայական շուկա է, որը հնարավորություն կտա նաև զարգանալ Հայաստանի Հանրապետությանը։ Եվ Փաշինյանը պետք է իր հետաքրքրությունն արտահայտի այդ ռազմավարական նախագծերի նկատմամբ»։