«Հայոց պատմությունը» «Հայաստանի պատմություն» վերանվանելու գործին, ԿԳՄՍ ֆեյքերից զատ, լծվել են նաև ադրբեջանցի օգտատերերը. Մենուա Սողոմոնյան

Մենուա Սողոմոնյանը ֆեյսբուքյան իր էջում գրել է. 

Հարգելի՛ ընկերներ, «Հայոց պատմությունը» «Հայաստանի պատմություն» վերանվանելու գործին, ԿԳՄՍ ֆեյքերից զատ, լծվել են նաև ադրբեջանցի օգտատերերը։ Էս չէինք տեսել, էս էլ տեսանք, որ ադրբեջանցիները քվեարկություններով որոշեն, թե մեր երեխաները դպրոցում ինչ են անցնելու։ Մեր գործընկեր Մհեր Հակոբյանի (Mher Hakobyan) գրառումը վկայակոչելով եմ գրում, թեև ինձ համար էլ ենթադրելի էր, որ ադրբեջանական միջամտություն լինելու է։

Այսպիսով, ինչ ուզում է Նիկոլ Փաշինյանը, այն էլ ուզում են ադրբեջանցիները։ Իսկ ինչ ուզում են ադրբեջանցիները, այն էլ վնասակար է հայ ժողովրդի համար։ Ցավալին այն է, որ պետական համակարգը չի դիմադրում դեռևս, ինչ-որ սիգնալների է սպասում․ մինչդեռ եթե ողջ նախարարությունը ոտքի կանգներ, ասեր՝ էս ու՞մ պատասխանատվության ոլորտն եք արատավորում ձեր անհեթեթ ու հակազգային նախաձեռնությամբ, սրանք հո կընկրկեին, հո բոլորին աշխատանքից չէի՞ն ազատելու։

Ուստի, հարգելի ընկերներ, մենք՝ քաղաքացիներս պետք է շարունակենք նախաձեռնությունը մեր ձեռքն առնել։ Եկեք մտնենք, գրանցվենք ու քվեարկենք։ Մի օր բան է մնացել։ Ով էլ կասի՝ դե էսպես չպետք է պայքարել և այլն և այլն, թող ինքը պայքարի իր ուղին ցույց տա սեփական օրինակով։

Խնդրում եմ այս հղմամբ մտնել https://www.e-draft.am/projects/6771/about...